完整藏文原文 · 德格版页 当前仅加载第 35 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ཡོངས་སུ་རྒྱས་པར་བྱེད། །གཟུངས་ཀྱི་ཚུལ་རྣམས་རྒྱ་མཚོ་མང་པོ་དང་། །ཐ་དད་ཡང་དག་ཤེས་ཚུལ་མི་ཟད་དང་། །སྤྱོད་པ་སྨོན་ལམ་ཁྱོད་ཀྱིས་མངོན་བསྒྲུབས་པས། །གཞལ་མེད་ཡེ་ཤེས་ལྡན་པར་ཁྱོད་འགྱུར་རོ། །
D44.035.0155a01.01ཏིང་ངེ་འཛིན་གྱི་རྒྱ་མཚོར་འཇུག་པར་འགྱུར། །སྨོན་ལམ་རྒྱ་མཚོའི་ནང་དུ་ཁྱོད་སྐྱེས་ཏེ། །རྣམ་འཕྲུལ་འདི་ལའང་ཤིན་ཏུ་འབྱུང་བར་འགྱུར། །འདི་ནི་སངས་རྒྱས་ཆོས་ཉིད་བསམ་མི་ཁྱབ། །ཆོས་དབྱིངས་དམ་པ་བསམ་གྱིས་མི་ཁྱབ་པའི། །
D44.035.0155a02.01བསམ་པ་རྒྱ་ཆེན་རྣམ་པར་སྦྱངས་བྱས་ཏེ། །སངས་རྒྱས་སྤྲིན་ལ་རྣམ་པར་བལྟ་བར་གྱིས། །རྒྱ་མཚོའི་ཞིང་རྣམས་དྲི་མེད་རྣམ་པར་སྦྱོངས། །ང་ཡི་བྱང་ཆུབ་སྤྱོད་ལ་འཇུག་པར་གྱིས། །སྔོན་གྱི་སྦྱོར་ཚུལ་རྒྱ་མཚོ་མང་པོ་ཡི། །སྤྱོད་པ་ངས་ནི་ཇི་
D44.035.0155a03.01ལྟར་རྣམ་སྦྱངས་པ། །དེ་འདྲའི་ཚུལ་ཡང་ཁྱོད་ཀྱིས་ཤེས་པར་གྱིས། །ཞིང་རྣམས་རེ་རེར་སངས་རྒྱས་མང་པོ་ངས། །རྒྱ་མཚོ་བརྒྱ་མང་ཤིན་ཏུ་མཆོད་པ་བྱས། །སྔོན་སྤྱོད་དེ་ཡི་འབྲས་བུ་འདི་ཡིན་ཏོ། །འདི་འདྲ་དྲི་མ་མེད་པའི་རྒྱན་ལ་ལྟོས །
D44.035.0155a04.01ལས་ཀྱི་རྒྱ་མཚོ་མི་ཟད་རྒྱ་ཆེན་དང་། །ཞིང་རྣམས་རྒྱ་མཚོ་དག་བྱའི་སྤྱོད་པ་དང་། །སྨོན་ལམ་བསམ་ཡས་གོ་ཅ་བགོས་པས་ན། །འདི་རྣམས་འདི་འདྲའི་རྣམ་པར་འཕྲུལ་པར་འགྱུར། །སངས་རྒྱས་རྒྱ་མཚོ་མ་ལུས་མཆོད་བྱས་ཤིང་། །ཞིང་རྣམས་རྒྱ་ཆེན་རྒྱ་
D44.035.0155a05.01མཚོ་སྦྱངས་བྱས་ནས། །བསྐལ་པ་འབྱམ་ཀླས་ཀུན་ཏུ་སྦྱངས་བྱས་ཤིང་། །རྒྱལ་བ་ཡོན་ཏན་འོད་ཆེན་མངའ་བར་འགྱུར། །ཀྱེ་རྒྱལ་བའི་སྲས་དག་དེ་བཞིན་གཤེགས་པ་ཕ་རོལ་ཏུ་ཕྱིན་པའི་སྤྱན་བཟང་པོ་རྒྱན་གྱི་རྒྱལ་པོ་དེ་ཡོངས་སུ་མྱ་ངན་ལས་འདས་ནས་བལྟ་ན་
D44.035.0155a06.01དགའ་བ་ཤིན་ཏུ་གཙང་བའི་བདག་པོ་དེ་ཡང་དུས་བྱས་པར་གྱུར་ཏེ། རྒྱལ་བུ་གཞོན་ནུ་གཟི་བརྗིད་ཆེན་པོས་འཁོར་ལོས་སྒྱུར་བའི་རྒྱལ་སྲིད་ཐོབ་པར་གྱུར་ཏོ། །ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་ཞེས་བྱ་བ་དེར་ཡང་དེ་བཞིན་
D44.035.0155a07.01