完整藏文原文 · 德格版页 当前仅加载第 35 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་ཀུན་ཕུན་སུམ་ཚོགས་པ་མཐོང་བ་རྣམས། །སྙིང་པོ་བྱང་ཆུབ་འཁོར་གྱི་ས་འདི་ལ། །{མྱི་,མི་}ཟད་ས་དང་དེ་དག་རབ་ཏུ་སྣང་། །རྣམ་པར་ཡངས་པ་གང་ན་སྣང་བ་ཡི། །ས་ལ་རིན་ཆེན་མཛེས་ཀུན་རྣམ་པར་བཀྲམ། །རིན་ཆེན་མང་པོས་དཀྱིལ་འཁོར་ཀུན་ཏུ་གཏོར། །
D44.035.0059b01.01སངས་རྒྱས་འོད་ཀྱི་སྤྲིན་ཀྱང་རབ་ཏུ་སྣང་། །ས་རྣམས་ཀུན་བརྒྱན་ཤིང་གི་དམ་པའི་དྲུང་། །ཀུན་ནས་ནོར་བུའི་རྒྱལ་པོས་རྒྱན་བྱས་ལས། །བསོད་ནམས་འོད་ཀྱི་དབྱངས་ཀྱི་འབྲུག་སྒྲ་འབྱུང་། །སངས་རྒྱས་རྫུ་འཕྲུལ་ཚུལ་ཡང་རབ་ཏུ་བརྗོད། །རིན་ཆེན་མང་པོ་
D44.035.0059b02.01སྒྲོན་མའི་ཆར་ཕབ་ཅིང་། །རིན་ཆེན་མཛེས་པར་བཀོད་པ་རྣམ་པར་མཛེས། །སྒྲ་དབྱངས་ཀུན་གྱི་འབྲུག་སྒྲ་ཤིན་ཏུ་སྒྲོག །ས་ཡི་ལྷ་རྣམས་ས་ཡང་ཡང་དག་སྟོན། །རིན་ཆེན་འོད་འཕྲོ་སྒྲོན་མ་རྣམ་པར་སྣང་། །འོད་ཟེར་སྤྲིན་ནི་ས་ལས་རབ་ཏུ་འབྱུང་། །ནོར་བུ་
D44.035.0059b03.01དྲ་བ་སིལ་མ་ཀུན་ནས་བཀྲམ། །རིན་ཆེན་སྣ་ཚོགས་རིགས་ཀྱི་ཡན་ལག་བརྒྱན། །ས་རྣམས་ཀུན་ནས་མཛེས་པ་འདི་དག་ལྟོས། །རིན་ཆེན་མང་པོ་ཚོན་བཟང་རྒྱན་དུ་བཀྱེ། །འགྲོ་བ་དག་ལ་ཆོས་ཀྱི་རྒྱ་མཚོ་སྒྲོག །དེ་དག་ཆོས་ཉིད་རྣམ་པར་དག་པ་མཐོང་། །
D44.035.0059b04.01མ་ལུས་ཕྱོགས་ན་སངས་རྒྱས་ཐམས་ཅད་ཀྱི། །བྱང་ཆུབ་ཤིང་གི་ཕུན་སུམ་ཚོགས་པ་དག །ས་ཡི་དཀྱིལ་འཁོར་འདི་ན་ཀུན་སྣང་སྟེ། །དེ་དག་ཆོས་ཉིད་རྣམ་པར་དག་པ་བརྗོད། །སངས་རྒྱས་གདན་ལས་ཆོས་རྣམས་རྒྱ་མཚོ་ཡི། །ཆོས་སྒོ་བདེ་བར་
D44.035.0059b05.01གཤེགས་པས་གང་གསུངས་པ། །སེམས་ཅན་ཀུན་ཀྱི་བསམ་པ་ཇི་བཞིན་དུ། །ས་འཁོར་རྣམས་ཀྱང་ཀུན་ནས་རབ་ཏུ་འབྱུང་། །དྲི་ཞིམ་འོད་རྣམས་རྟག་ཏུ་འབྱུང་བས་ན། །དེ་དག་ཇི་བཞིན་སྣོད་ཀྱི་འགྲོ་བ་འགེངས། །སྲོག་ཆགས་རྣམས་ཀྱི་ཉོན་མོངས་
D44.035.0059b06.01ཞི་བར་བྱེད། །ས་འཁོར་དེ་ནས་དེ་འདྲ་རབ་ཏུ་སྒྲོག །སངས་རྒྱས་རྫུ་འཕྲུལ་ཕུན་སུམ་གང་དག་དང་། །དྲི་མེད་ས་ནི་གང་གིས་མཛེས་གྱུར་པའི། །ཕུན་སུམ་ཚོགས་པའི་རྒྱན་རྣམས་རེ་རེ་ཞིང་། །བསྐལ་པ་བྱེ་བ་དག་ཏུ་འང་བརྗོད་{མྱི་,མི་}ནུས། །དེ་ནས་བྱང་ཆུབ་
D44.035.0059b07.01