完整藏文原文 · 德格版页 当前仅加载第 35 函德格 348a 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་། །ཇི་ལྟར་གླིང་བཞི་པ་འདི་ན་བཅོམ་ལྡན་འདས་དགའ་ལྡན་གྱི་གནས་སུ་གཤེགས་པར་སྣང་བ། དེ་བཞིན་དུ་འཇིག་རྟེན་གྱི་ཁམས་ཐམས་ཅད་ཀྱི་གླིང་བཞི་པ་དག་ན་ཡང་བཅོམ་ལྡན་འདས་དགའ་ལྡན་གྱི་གནས་སུ་གཤེགས་པར་སྣང་སྟེ་
D44.035.0348a01.01བྱིན་གྱི་རླབས་སྔ་མ་དེ་དག་ཀྱང་མ་འཁྲུགས་པར་སྣང་ངོ་། །དེ་ནས་ལྷའི་རྒྱལ་པོ་རབ་དགའ་ལྡན་གྱིས། རྒྱང་མ་ནས་བཅོམ་ལྡན་འདས་ཁང་པ་རིན་པོ་ཆེ་ཐམས་ཅད་ཀྱི་བརྒྱན་པར་གཤེགས་པ་མཐོང་ནས། རིངས་པའི་གཟུགས་སུ་ཁང་པ་རིན་པོ་ཆེ་ཐམས་ཅད་ཀྱིས་
D44.035.0348a02.01བརྒྱན་པའི་ནང་དུ་དེ་བཞིན་གཤེགས་པའི་སེང་གེའི་གདན་ནོར་བུ་རིན་པོ་ཆེ་ལས་བྱས་པ། ལྷ་རྫས་ཀྱི་རིན་པོ་ཆེའི་རྒྱུ་ལས་གྲུབ་པ། དགེ་བའི་རྩ་བ་ཐམས་ཅད་ཀྱི་རྒྱུ་ལས་ཡོངས་སུ་གྲུབ་པ། དེ་བཞིན་གཤེགས་པའི་བྱིན་གྱི་རླབས་ཀྱིས་བྱུང་བ། དགེ་
D44.035.0348a03.01བའི་རྩ་བ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་མང་པོས་བྱུང་བ། སངས་རྒྱས་ཐམས་ཅད་ལས་བྱུང་བའི་ཆོས་དཀར་པོ་ལས་བྱུང་བ། བསོད་ནམས་ཀྱི་སྟོབས་མཐའ་ཡས་པ་སྣ་ཚོགས་ཐམས་ཅད་དང་ལྡན་པ། ཁ་ན་མ་ཐོ་བ་མེད་པའི་རྣམ་པར་སྨྱིན་
D44.035.0348a04.01པ་ཐམས་ཅད་ཀྱིས་རྣམ་པར་དག་པ། མི་མཐུན་པ་མེད་པའི་འཇིག་རྟེན་ལས་འདས་པའི་ཆོས་ཀྱིས་བྱུང་བ། །གོས་པ་མེད་པ། འགྲོ་བ་ཐམས་ཅད་དུ་བྱུང་བ། ཐུབ་པ་མེད་པ། འགྲོ་བ་ཐམས་ཅད་ཀྱིས་བལྟ་ན་སྡུག་པ། པོག་རེ་བྱེ་བ་བརྒྱ་སྟོང་
D44.035.0348a05.01ཕྲག་བཅུས་བརྒྱན་པ། གསེར་གྱི་དྲ་བ་བྱེ་བ་བརྒྱ་སྟོང་ཕྲག་བཅུས་ཀུན་ཏུ་བྲེས་པ། མེ་ཏོག་གི་བླ་རེ་བྱེ་བ་བརྒྱ་སྟོང་ཕྲག་བཅུས་ཀུན་ནས་བྲེས་པ། ཕྲེང་བའི་བླ་རེ་བྱེ་བ་བརྒྱ་སྟོང་ཕྲག་བཅུས་ཀུན་ནས་ལྡིང་བ། སྤོས་ཀྱི་བླ་རེ་བྱེ་བ་བརྒྱ་སྟོང་ཕྲག་བཅུས་སྤོས་
D44.035.0348a06.01ཀུན་ཏུ་འཐུལ་བར་སྦྱར་བ། རིན་པོ་ཆེའི་བླ་རེ་བྱེ་བ་བརྒྱ་སྟོང་ཕྲག་བཅུས་སྟེང་ནས་བཀབ་པ། མེ་ཏོག་གི་གདུགས་བྱེ་བ་བརྒྱ་སྟོང་ཕྲག་བཅུས་ཀུན་ནས་བསྒྲེང་བ། རིན་པོ་ཆེའི་གདུགས་བྱེ་བ་བརྒྱ་སྟོང་ཕྲག་བཅུས་ཀུན་ནས་བཀབ་པ། གདན་བྱེ་བ་
D44.035.0348a07.01