完整藏文原文 · 德格版页 当前仅加载第 35 函德格 309b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཅག་གིས་དེ་བཞིན་གཤེགས་པ་དང་སྐལ་བ་མི་མཐུན་པར་གནས་པར་མི་བྱ་སྟེ། བདག་ཅག་གིས་ནི་འཇིག་རྟེན་གྱི་སྤྱོད་པ་ཐམས་ཅད་སྤང་བར་བྱའོ། །བདག་ཅག་གིས་ནི་སངས་རྒྱས་ཀྱི་ཆོས་ཐམས་ཅད་དང་ལྡན་པར་བྱའོ། །བདག་ཅག་གིས་
D44.035.0309b01.01ནི་བླ་ན་མེད་པའི་ཆོས་མཉམ་པ་ཉིད་ཀྱིས་གནས་པར་བྱའོ། །བདག་ཅག་གིས་ནི་སེམས་ཅན་ཐམས་ཅད་ལ་སེམས་མཉམ་པས་ཡང་དག་པར་འཇུག་པར་བྱའོ། །བདག་ཅག་གིས་ནི་ཡུལ་ཐམས་ཅད་ཡོངས་སུ་ཤེས་པ་དང་ལྡན་པར་བྱའོ། །བདག་ཅག་
D44.035.0309b02.01གིས་ནི་ཡོངས་སུ་སྤྱོད་པ་ཁ་ན་མ་ཐོ་བ་མེད་པའི་བག་ཆགས་དང་ལྡན་པར་བྱའོ། །བདག་ཅག་གིས་ནི་རྟོགས་པ་ཐམས་ཅད་དང་ལྡན་པར་བྱའོ། །བདག་ཅག་གིས་ནི་འབྱུང་བ་ཐམས་ཅད་ལ་མཁས་པ་དང་ལྡན་པར་བྱའོ། །བདག་ཅག་གིས་ནི་བླ་ན་
D44.035.0309b03.01མེད་པའི་ཡེ་ཤེས་ཀུན་ཏུ་མཐའ་ཡས་པ་བརྗོད་དུ་མེད་པ། མི་གནས་པ། འཕོས་པ་མེད་པ། མཐའ་དང་དབུས་མེད་པ། མི་ཟད་པ་གཟུགས་མེད་པ། བསྟན་དུ་མེད་པ་ལ་རབ་ཏུ་མོས་པར་བྱའོ། །ཞེས་ཟེར་ཏེ། ཀྱེ་རྒྱལ་བའི་སྲས་
D44.035.0309b04.01དག །འདི་ནི་བྱང་ཆུབ་སེམས་དཔའི་སྤྱོད་པ་གཉིས་པ་སྟེ། བདེ་བ་སྐྱེད་པ་ཞེས་བྱའོ། །ཀྱེ་རྒྱལ་བའི་སྲས་དག །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་སྤྱོད་པ་གསུམ་པ་མི་མཐུན་པ་མེད་པ་ཞེས་བྱ་བ་
D44.035.0309b05.01གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་ཆོས་ཉིད་ལ་བརྩོན་ཏེ། བཟོད་པ་དང་ལྡན་ཞིང་མངོན་པར་སྨྲ་བའི་ངང་ཚུལ་ཅན་ཡིན་ཏེ། དེ་ཡང་བདག་ལ་གནོད་པར་མ་ཡིན། ཕ་རོལ་ལ་གནོད་པར་མ་ཡིན། གཉིས་ཀ་ལ་གནོད་
D44.035.0309b06.01པར་མ་ཡིན། བདག་བསྡུ་བར་མ་ཡིན། གཞན་བསྡུ་བར་མ་ཡིན། གཉིས་ཀ་བསྡུ་བར་མ་ཡིན། བདག་ཡོངས་སུ་གཟུང་བར་མ་ཡིན། གཞན་ཡོངས་སུ་གཟུང་བར་མ་ཡིན། གཉིས་ཀ་ཡོངས་སུ་གཟུང་བར་མ་ཡིན། ཡང་དག་
D44.035.0309b07.01