完整藏文原文 · 德格版页 当前仅加载第 35 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
བསྲུང་བའི་སེམས་དང་དེ་བཞིན་མཉམ་པའི་སེམས། །སློབ་དཔོན་སེམས་དང་དེ་བཞིན་སྟོན་པའི་སེམས། །དེ་འདྲའི་སེམས་རྣམས་ཉེ་བར་གཞག་པ་ལ། །ཁ་ཏོན་ལུང་ལ་ཡོངས་སུ་བསྐུལ་བར་བྱ། །མང་དུ་ཐོས་པ་དགོན་པར་གནས་པར་བསྐུལ། །
D44.035.0255b01.01དབེན་པར་གྱུར་པས་དགེ་བཤེས་བསྙེན་འགྱུར་བྱ། །དགེ་བཤེས་གྱུར་ནས་ངང་བདེར་འགྱུར་བར་བྱ། །ངང་ཚུལ་བདེ་བས་དུས་ཚུལ་ཤེས་པར་བྱ། །དུས་རྣམས་ཤེས་ནས་{མྱི་,མི་}འཇིགས་འགྱུར་བར་བྱ། །མི་འཇིགས་གྱུར་ནས་དོན་ལ་བརྩོན་པར་བྱ། །
D44.035.0255b02.01དོན་ཤེས་གྱུར་ནས་ཆོས་རྗེས་ཤེས་པར་བྱ། །ཆོས་ཤེས་གྱུར་ནས་རྨོངས་པ་{མྱེད་,མེད་}པར་བྱ། །རྨོངས་པ་{མྱེད་,མེད་}གྱུར་ལེགས་པར་བཤད་ཆོས་ལ། །རྒྱལ་སྲས་དེ་ནི་རྣམ་པར་གནས་པར་བྱ། །དེ་ཙམ་གྱིས་ནི་ལས་ཀྱི་དང་པོ་པ། །བྱང་ཆུབ་དོན་ཞུགས་
D44.035.0255b03.01བྱང་ཆུབ་སེམས་དཔའོ། །གདམས་ངག་རྗེས་སུ་བསྟན་པའང་དེ་ཡིན་ཏེ། །སངས་རྒྱས་སྲས་པོ་དེ་ལྟར་སློབ་པར་བྱེད། །གང་ཡང་བྱང་ཆུབ་སེམས་དཔའ་གསུང་བརྗོད་པ། །ཆོས་ཀྱི་རྒྱལ་པོའི་གསུང་ལ་ཤིན་ཏུ་བརྩོན། །{མྱི་,མི་}རྟག་སྡུག་བསྔལ་
D44.035.0255b04.01དེ་བཞིན་སྟོང་པ་ཉིད། །བདག་{མྱེད་,མེད་}དེ་བཞིན་བྱེད་པ་{མྱེད་,མེད་}པ་དང་། །ཆོས་རྣམས་ཐམས་ཅད་དེ་བཞིན་རོ་མེད་དང་། །འདུ་བྱེད་མ་ཡིན་དེ་བཞིན་གནས་{མྱེད་,མེད་}དང་། །ཆེད་དུ་སྤྱོད་མེད་དེ་བཞིན་རྟོག་{མྱེད་,མེད་}པར། །ཀུན་ལ་བྱང་ཆུབ་སེམས་དཔའ་དཔྱོད་པ་བྱེད། །
D44.035.0255b05.01དེ་ནི་འགྲོ་ཁམས་ཡོངས་སུ་བརྟག་པ་དང་། །དེ་བཞིན་ཆོས་དབྱིངས་བརྟག་པར་བསྐུལ་བར་བྱ། །འཇིག་རྟེན་ཁམས་ཡངས་མ་ལུས་མཐར་ཐུག་པ། །བརྟག་པར་བྱ་ལ་ཡོངས་སུ་བསྐུལ་བར་བྱ། །ས་དང་མེ་དང་དེ་བཞིན་ཆུ་ཁམས་དང་། །
D44.035.0255b06.01དེ་བཞིན་རླུང་དང་ཕྱོགས་བཅུའི་ནམ་མཁའ་དང་། །འདོད་པ་གཟུགས་དང་དེ་བཞིན་གཟུགས་{མྱེད་,མེད་}པ། །བརྟག་པར་བྱ་ལ་ཡོངས་སུ་བསྐུལ་བར་བྱ། །ཁམས་རྣམས་ཡངས་པ་དེ་བཞིན་ཀུན་རྟོག་ཅིང་། །ཁམས་ཀྱི་རང་བཞིན་མ་ལུས་མཐར་ཕྱིན་པས། །
D44.035.0255b07.01