完整藏文原文 · 德格版页 当前仅加载第 35 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འཇུག་པས་དགའ་བ་འབྱུང་བ་ཞེས་བྱའོ། །ལྟོ་འཕྱེ་ཆེན་པོའི་དབང་པོ་སེང་གེའི་ཕྲུ་གུའི་རྣམ་པར་ཐར་པ་ནི། སྟོབས་དང་བརྩོན་པ་ཁ་ན་མ་ཐོ་བ་མེད་པས་སེམས་ཅན་སྐྱོབ་པའི་བདག་པོ་ཞེས་བྱའོ། །ལྟོ་འཕྱེ་ཆེན་པོའི་དབང་པོ་རྒྱན་སྣ་ཚོགས་
D44.035.0031a01.01ཀྱི་དབྱངས་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་བདེ་བ་དང་དགའ་བ་མཐའ་ཡས་པ་རྗེས་སུ་དྲན་པ་ཞེས་བྱའོ། །ལྟོ་འཕྱེ་ཆེན་པོའི་དབང་པོ་རི་རབ་ཀྱི་བུའི་རྣམ་པར་ཐར་པ་ནི། སྒྲིབ་པ་ཐམས་ཅད་རབ་ཏུ་རྟོགས་པ་མི་སྐུལ་བས་ཕ་རོལ་ཏུ་འགྲོ་ཞིང་དགའ་བ་
D44.035.0031a02.01ཀུན་ནས་འབྱུང་བ་ཞེས་བྱའོ། །ལྟོ་འཕྱེ་ཆེན་པོའི་དབང་པོ་འོད་ཡིད་དུ་འོང་བ་འབྱུང་བའི་རྣམ་པར་ཐར་པ་ནི། སེམས་ཅན་གྱི་རྒྱུད་མཉམ་པ་དང་མི་མཉམ་པ་ལ་མཉམ་པ་ཉིད་ཀྱི་ལམ་གྱི་ཕྱོགས་སྟོན་པ་ཞེས་བྱའོ། །དེ་ནས་ལྟོ་འཕྱེ་ཆེན་པོའི་དབང་པོ་བློ་གྲོས་བཟང་
D44.035.0031a03.01པོའི་གཟི་བརྗིད་ཀྱིས་སངས་རྒྱས་ཀྱི་མཐུས། ལྟོ་འཕྱེ་ཆེན་པོའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་ཆོས་ཉིད་རྒྱ་ཆེན་ཡངས་ལ་ལྟོས། །སེམས་ཅན་ཀུན་གྱི་མདངས་དང་
D44.035.0031a04.01བདེ་བ་འབྱུང་། །ནད་མེད་འཆི་མེད་ལམ་ཡང་ཤིན་ཏུ་སྟོན། །སྡུག་བསྔལ་ཐམས་ཅད་རབ་ཞི་གནས་ཀྱང་མེད། །རྒྱལ་བའི་རྫུ་འཕྲུལ་ཆོས་ཉིད་དེ་ཡང་ལྟོས། །ཕྱོགས་རྣམས་ཀུན་ཏུ་མངོན་པར་རབ་ཏུ་འཕགས། །འཇིག་རྟེན་ཀུན་ཏུ་ཐུབ་པ་མངོན་པར་
D44.035.0031a05.01མཛེས། །ལྟོ་འཕྱེ་ཆེན་པོ་འོད་མཛེས་འདི་ལ་འཇུག །ཉོན་མོངས་ལས་ཀྱི་སྒྲིབ་པས་སྟུག་བསྒྲིབས་ཤིང་། །སྲིད་པའི་རྒྱ་མཚོ་གཏིང་རིང་ནུབ་པ་ཡི། །སེམས་ཅན་རྣམས་ལ་ཞི་བའི་སྤྱོད་ཡུལ་སྟོན། །གཟི་བརྗིད་རྡུལ་མེད་དབྱངས་ཀྱིས་འདི་མཐོང་ངོ་། །
D44.035.0031a06.01སངས་རྒྱས་ཡེ་ཤེས་མཉམ་མེད་བསམ་མི་ཁྱབ། །འགྲོ་བའི་བསམ་པ་མ་ལུས་ཐུགས་སུ་ཆུད། །དེ་དག་ཀུན་ལ་རྣམ་དག་ཆོས་ཉིད་སྟོན། །ལྟོ་འཕྱེ་ཆེན་པོའི་སྣ་ཚོགས་གཙུག་ཕུད་འཇུག །བསམ་གྱིས་མི་ཁྱབ་བསོད་ནམས་རྒྱ་མཚོའི་དབྱིངས(,།།)
D44.035.0031a07.01