完整藏文原文 · 德格版页 当前仅加载第 35 函德格 312a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །དེ་གལ་ཏེ་འཇིག་རྟེན་གྱི་ཁམས་གྲངས་མེད་པར་སེམས་ཅན་རྣམས་ཀྱི་དོན་དུ་སེམས་ཅན་རེ་རེའི་ཕྱིར་ཡང་བསྐལ་པ་གྲངས་མེད་པར་མནར་མེད་པའི་སེམས་ཅན་དམྱལ་བ་ཆེན་པོར་སྡུག་བསྔལ་དུ་འདུག་པར་ཡང་སྤྲོ་ཞིང་
D44.035.0312a01.01མོས་ཏེ། སེམས་ཅན་དེ་དག་ཀྱང་དེ་ཙམ་གྱི་བར་གྱིས་ཡོངས་སུ་མྱ་ངན་ལས་འདའ་བར་གྱུར་ལ། དེའི་དུས་སུ་སངས་རྒྱས་བཅོམ་ལྡན་འདས་གྲངས་མེད་པ་ཞིག་བྱུང་སྟེ། སངས་རྒྱས་བཅོམ་ལྡན་འདས་དེ་དག་སུས་མཐོང་བ་དེ་དག་ཐམས་ཅད་ཀྱང་བདེ་
D44.035.0312a02.01བའི་ཡོ་བྱད་ཀུན་དང་ལྡན་པར་གྱུར་ཀྱང་བྱང་ཆུབ་སེམས་དཔའ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་མི་རྒྱ་ཞིང་། བྱང་ཆུབ་སེམས་དཔའ་དེ་ནི་འཇིག་རྟེན་གྱི་ཁམས་གྲངས་མེད་པར་གཏོགས་པའི་སེམས་ཅན་རྣམས་ཀྱི་
D44.035.0312a03.01ཕྱིར། སེམས་ཅན་རེ་རེའི་དོན་དུ་ཡང་བསྐལ་པ་གྲངས་མེད་པར་སེམས་ཅན་དམྱལ་བ་ཆེན་པོ་ན། དེ་སྙེད་ཀྱི་སེམས་ཅན་ཡོངས་སུ་མྱ་ངན་ལས་འདས་ཀྱི་བར་དུ་འདུག་པར་སྤྲོ་སྟེ། དེ་ལ་ལ་ལ་ཞིག་གིས་འདི་སྐད་དུ་རྒྱ་མཚོ་ཆེན་པོ་གྲངས་མེད་པ་སྐྲའི་རྩེ་
D44.035.0312a04.01མོས་གཞལ་ཏེ་འཇིག་རྟེན་གྱི་ཁམས་གྲངས་མེད་པ་རྡུལ་དུ་བླགས་ཏེ། བགྲང་བ་དེ་སྙེད་ཀྱི་སྡུག་བསྔལ་གྱི་ཚོར་བ་དང་། སེམས་ཀྱི་སྐད་ཅིག་ཏུ་ཡང་མི་འབྲལ་བའི་སྡུག་བསྔལ་གྱི་རྣམ་པ་དེ་ལྟ་བུ་དང་མི་འབྲལ་བར་འགྱུར་རོ་ཞེས་ཟེར་ན་ཡང་། ཀྱེ་རྒྱལ་བའི་
D44.035.0312a05.01སྲས་དག །བྱང་ཆུབ་སེམས་དཔའ་ནི་དེ་ལ་དེའི་ཕྱིར་སེམས་བསྐྱེད་པ་འགའ་ཙམ་ཡང་འགྱོད་པ་དང་ལྡན་པ་མི་འབྱུང་གི་དེ་ནི་འདི་སྙམ་སྟེ། དེ་ལྟར་བདག་གི་མཐུས་སེམས་ཅན་འདི་དག་སྡུག་བསྔལ་གྱི་རྣམ་པ་དེ་ལྟ་བུ་ལས་ཡོངས་སུ་གྲོལ་བར་གྱུར་པ་
D44.035.0312a06.01ནི་བདག་གི་འཐོབ་པ་ལེགས་པར་འཐོབ་པོ། །གལ་ཏེ་ཐབས་འདི་འདྲ་བས་འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ཐམས་ཅད་ཡོངས་སུ་མྱ་ངན་ལས་འདའ་བར་འགྱུར་ན་ཡང་། བྱང་ཆུབ་སེམས་དཔས་སྦྱོར་བ་དེ་ལ་སྤྲོ་བར་བྱ་བ་ཡིན་ནོ། །
D44.035.0312a07.01