完整藏文原文 · 德格版页 当前仅加载第 35 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་ཆོས་ཀྱི་དབྱིངས་ཡོངས་སུ་གསལ་བ་རྣམ་པར་སྣང་བ་ཞེས་བྱ་བ་བཞུགས་སོ། །ཀྱེ་དེ་ལྟར་རྒྱལ་བའི་སྲས་དག་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ལ་འཇིག་རྟེན་གྱི་ཁམས་
D44.035.0141a01.01ཀྱི་རྒྱུད་སངས་རྒྱས་ཀྱི་ཞིང་བརྗོད་དུ་མེད་པ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་ཏེ། འཇིག་རྟེན་གྱི་ཁམས་ཀྱི་རྒྱུད་དེ་དག་ཐམས་ཅད་ཀྱང་སྤོས་ཆུའི་རྒྱ་མཚོ་དེ་དག་ལ་ནོར་བུའི་རྒྱལ་པོ་བྱང་ཆུབ་སེམས་དཔའི་ལུས་རྣམ་པར་དམིགས་པའི་{མྱིག་,མིག་}ཡོར་གྱི་རྒྱལ་མཚན་
D44.035.0141a02.01གྱིས་རབ་ཏུ་བརྒྱན་པ་དང་ལྡན་པའི་པད་མོ་ལ་རབ་ཏུ་གནས་པ་ཤ་སྟག་གོ། །འཇིག་རྟེན་གྱི་ཁམས་ཀྱི་རྒྱུད་གཞན་དང་གཞན་ཅན་མང་པོ་དང་། མཚམས་འདབ་ཆགས་སུ་གནས་པ་ཤ་སྟག་གོ། འོད་རིན་པོ་ཆེ་གཞན་དང་གཞན་གྱི་ཁ་དོག་ཏུ་འགྱེད་པ་ཤ་སྟག་གོ། །
D44.035.0141a03.01འོད་ཀྱི་དཀྱིལ་འཁོར་གྱི་སྤྲིན་གཞན་དང་གཞན་གྱིས་ཀུན་ནས་ཡོག་པ་ཤ་སྟག་གོ། །རྒྱན་རྣམ་པར་བྲེས་པའི་འོད་གཞན་དང་གཞན་ཅན་ཤ་སྟག་གོ། །བསྐལ་པའི་གྲངས་དང་ཚུལ་གཞན་དང་གཞན་དུ་བསྟན་པ་ཤ་སྟག་གོ །སངས་རྒྱས་གཞན་དང་གཞན་སྐྱེ་ཞིང་
D44.035.0141a04.01གཤེགས་པ་ཤ་སྟག་གོ། །ཆོས་རྒྱ་མཚོའི་སྒྲ་གཞན་དང་གཞན་རབ་ཏུ་བསྒྲགས་པ་ཤ་སྟག་གོ །སེམས་ཅན་གྱི་ལུས་གཞན་དང་གཞན་གྱིས་ཀུན་ཏུ་ཡོག་པ་ཤ་སྟག་གོ །ཕྱོགས་གཞན་དང་གཞན་ལ་འཇུག་པ་མ་འདྲེས་པ་ཤ་སྟག་གོ །སངས་རྒྱས་ཀྱི་རྣམ་
D44.035.0141a05.01པར་འཕྲུལ་པ་དང་། དེ་བཞིན་གཤེགས་པའི་བྱིན་གྱི་རླབས་གཞན་དང་གཞན་ཅན་ཤ་སྟག་གོ །འཇིག་རྟེན་གྱི་ཁམས་ཀྱི་རྒྱུད་དེ་དག་རེ་རེའི་འཇིག་རྟེན་གྱི་ཁམས་ཀྱི་མཚམས་ནས་རབ་ཏུ་བྱུང་བའི་འཇིག་རྟེན་གྱི་ཁམས་ཀྱི་དྲ་བ་རྒྱན་སྣ་ཚོགས་ལ་རབ་ཏུ་གནས་པ་ཐམས་
D44.035.0141a06.01ཅད་ཀྱིས་འཇིག་རྟེན་གྱི་ཁམས་རྣམ་པ་སྣ་ཚོགས་ཀྱི་ཚུལ་དུ་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་ཞེས་བྱ་བ་འདི་ཐམས་ཅད་ཡོངས་སུ་གང་ངོ་། །ཇི་ལྟར་འཇིག་རྟེན་གྱི་ཁམས་གཅིག་གི་རྒྱུད་ནས་བྱུང་བ་དེ་བཞིན་དུ་འཇིག་རྟེན་གྱི་
D44.035.0141a07.01