完整藏文原文 · 德格版页 当前仅加载第 35 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་བཟང་པོ་དེ་ན་ཡོད་དོ། །འཇིག་རྟེན་གྱི་ཁམས་རི་རབ་ཀུན་ཏུ་བཟང་པོ་དེ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་ཞེས་བྱ་བ་གཞན་འཕྲུལ་དབང་བྱེད་ཀྱི་ལྷའི་ལུས་ཀྱི་དབྱིབས་སུ་འདུག་པ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་
D44.035.0160b01.01ཁམས་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཡོད་དེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་དེ་ནི་ལྷའི་རྣམ་པར་དགོད་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་
D44.035.0160b02.01རབ་ཏུ་གནས་སོ། །དེ་བཞིན་དུ་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པའི་རྣམ་པར་དགོད་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་སོ། །སངས་
D44.035.0160b03.01རྒྱས་ཀྱི་རྣམ་པར་དགོད་པའི་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པའོ། །དེ་བཞིན་དུ་བྱང་ཆུབ་སེམས་དཔའ་དང་། རང་སངས་རྒྱས་དང་ཉན་ཐོས་ཀྱི་རྣམ་པར་དགོད་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་
D44.035.0160b04.01ཏུ་གནས་པའོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་ཞེས་བྱ་བ་དེར་སེམས་ཅན་གང་ཇི་སྙེད་ཅིག་སྐྱེས་པ་དེ་དག་ཀྱང་འདུ་ཤེས་ཐ་དད་པ་མ་གཏོགས་པར་ལམ་གྱི་རྒྱུད་ཐ་དད་པ་མེད་དོ། །སྐྱེ་གནས་ཐ་དད་པ་མེད་དོ་ཐེག་པ་ཐ་དད་པ་མེད་དོ། །
D44.035.0160b05.01སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་ཞེས་བྱ་བ་དེ་ལ་ཅིའི་ཕྱིར་ཡོངས་སུ་འཛིན་པ་ཞེས་བྱ་ཞེ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་དེར་སེམས་ཅན་གང་ཇི་སྙེད་སྐྱེས་པ་དེ་དག་ཐམས་ཅད་ལ་ངན་སོང་གི་
D44.035.0160b06.01འཇིགས་པ་མེད། ཐེག་པ་དམའ་བར་ལྟུང་བའི་འཇིགས་པའང་མེད། སེར་སྣར་ལྟུང་བའི་འཇིགས་པའང་མེད། ཚུལ་ཁྲིམས་ངན་པར་ལྟུང་བའི་འཇིགས་པའང་མེད། མི་བཟོད་པར་ལྟུང་བའི་འཇིགས་པའང་མེད། ལེ་ལོར་ལྟུང་བའི་འཇིགས་པའང་མེད།
D44.035.0160b07.01