完整藏文原文 · 德格版页 当前仅加载第 35 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཆེན་པོ་བློ་གྲོས་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་བསམ་གཏན་དང་སྙོམས་པར་འཇུག་པ་ལ་རབ་ཏུ་གནས་པ་ཞེས་བྱའོ། །ཚངས་པ་ཆེན་པོ་བློ་གྲོས་བཟང་པོའི་སེམས་སྣང་བ་རྣམ་པར་ཐར་པ་ནི། ཆོས་ཀྱི་སྣང་བ་བསམ་
D44.035.0017a01.01གྱིས་མི་ཁྱབ་པ་ཐམས་ཅད་ལ་ཡང་དག་པར་གཞོལ་བའི་འོད་ཅེས་བྱའོ། །ཚངས་པ་ཆེན་པོ་ཀུན་ཏུ་དབྱངས་ཀྱི་སྤྲིན་གྱི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་གསུང་གི་ཡན་ལག་རྒྱ་མཚོའི་དཀྱིལ་འཁོར་ལ་འཇུག་ཅིང་རྟོགས་པ་བྱེད་པ་ཞེས་བྱའོ། །ཚངས་པ་ཆེན་
D44.035.0017a02.01པོ་འཇིག་རྟེན་དབང་པོའི་སྒྲའི་རྣམ་པར་ཐར་པ་ནི། བྱང་ཆུབ་སེམས་དཔའི་སྤྱོད་པ་ཡང་དག་པར་འབྱུང་ཞིང་སེམས་ཅན་ཐམས་ཅད་བསྡུ་བ་དང་གདུལ་བ་རྗེས་སུ་དྲན་པའི་སྦྱོར་བ་ཞེས་བྱའོ། །ཚངས་པ་ཆེན་པོ་མིག་རབ་ཏུ་ཞི་ཞིང་འོད་ཤིན་ཏུ་ཟབ་པའི་རྣམ་པར་ཐར་པ་ནི། ལས་
D44.035.0017a03.01ཀྱིས་རྣམ་པར་ཕྱེ་བའི་འཇིག་རྟེན་གྱི་ཁམས་འབྱུང་བའི་དབྱིངས་ཤིན་ཏུ་སྟོན་པ་ཞེས་བྱའོ། །ཚངས་པ་ཆེན་པོ་ཕྱོགས་སུ་སྣང་བ་འགྱེད་པའི་རྣམ་པར་ཐར་པ་ནི། རྣམ་པ་ཐམས་ཅད་དུ་སེམས་ཅན་འདུལ་བ་ལ་མངོན་པར་ཕྱོགས་པ་ཞེས་བྱའོ། །ཚངས་པ་ཆེན་པོ་སྤྲུལ་པའི་སྒྲ་
D44.035.0017a04.01དབྱངས་ཀྱི་རྣམ་པར་ཐར་པ་ནི། ཆོས་ཐམས་ཅད་དགེ་བའི་མཚན་ཉིད་ཀྱི་སྒོ་དང་རབ་ཏུ་ཞི་བའི་ཆོས་ལ་སྤྱོད་པའི་དཀྱིལ་འཁོར་ལ་ཤིན་ཏུ་གནས་པ་ཞེས་བྱའོ། །ཚངས་པ་ཆེན་པོ་མིག་གི་འོད་ཟེར་མངོན་པར་སྣང་བའི་རྣམ་པར་ཐར་པ་ནི། དངོས་པོ་ཐམས་ཅད་ལ་ཆགས་པ་
D44.035.0017a05.01མེད་ཅིང་མཐའ་ཡས་པའི་བརྩམ་པ་ལ་བརྩོན་པ་ཞེས་བྱའོ། །ཚངས་པ་ཆེན་པོ་དབྱངས་རྒྱ་མཚོ་ཡིད་དུ་འོང་བའི་རྣམ་པར་ཐར་པ་ནི། མི་ཟད་པའི་ཆོས་གཞལ་དུ་མེད་པ་ལ་རྗེས་སུ་དཔྱད་པར་རྟག་ཏུ་ཕྱོགས་ཤིང་རྣམ་པར་ལྟ་བ་དང་རྣམ་པར་ཤེས་པ་ཞེས་བྱའོ། །
D44.035.0017a06.01དེ་ནས་ཚངས་པའི་དབང་པོ་ཆེན་པོ་ཡིད་དུ་འོང་བས་སངས་རྒྱས་ཀྱི་མཐུས་ཚངས་རིས་དང་ཚངས་ལྷ་ཉེ་ཕན་དང་། ཚངས་པ་ཀུན་འཁོར་དང་། ཚངས་ཆེན་གྱི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །
D44.035.0017a07.01