完整藏文原文 · 德格版页 当前仅加载第 35 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བློ་གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དབུས་ན། འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་སྤོས་ཀྱི་
D44.035.0132b01.01རྒྱལ་མཚན་གྱི་རྒྱན་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་སྒྲིབ་པ་མེད་པའི་སྒྲོན་མ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་
D44.035.0132b02.01ཞིང་གསུམ་གྱི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་འོད་ཟེར་གྱི་མཛོད་རབ་ཏུ་འགྱེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་སྒྲིབ་པ་མེད་པའི་རི་རབ་ཅེས་བྱ་བ་
D44.035.0132b03.01བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དང་པོ་ལ་འཇིག་རྟེན་གྱི་ཁམས། ལུས་དམ་པའི་སྤོས་ཀྱི་ནོམ་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་
D44.035.0132b04.01ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་བྱང་ཆུབ་ཀྱི་ཡན་ལག་མེ་ཏོག་འབྱུང་གནས་ཤེས་བྱ་བ་བཞུགས་སོ། །སྤོས་ཆུའི་རྒྱ་མཚོ་འོད་ཀྱི་དཀྱིལ་འཁོར་དྲི་ཞིམ་པོ་མི་ཟད་པ་འབྱུང་བ་ཞེས་བྱ་བ་དེ་དང་འདབ་ཆགས་སུ་ལྷོ་ཕྱོགས་
D44.035.0132b05.01ལོགས་ན་སྤོས་ཆུའི་རྒྱ་མཚོ་གཟི་བརྗིད་བཟང་པོ་དཔལ་དང་ལྡན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་གཞི་གསལ་ཞིང་དྲི་མ་མེད་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་སྣང་བ་དང་གཟི་བརྗིད་ཀྱིས་ཁེབས་པ་ཞེས་བྱ་བ་ཡོད་དེ།
D44.035.0132b06.01དེ་ལ་འཇིག་རྟེན་གྱི་ཁམས་ཀྱི་རྒྱུད་རྒྱན་མཐའ་ཡས་པ་ལ་གཞོལ་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེ་ཤིན་ཏུ་རྣམ་པར་ཕྱེ་བ་ཞེས་བྱ་བ་ཡོད་དེ། འཇིག་རྟེན་གྱི་ཁམས་ཀྱི་རྒྱུད་སྤོས་དང་རིན་པོ་ཆེའི་ཆོས་ཡང་དག་པར་གནས་པ་
D44.035.0132b07.01