完整藏文原文 · 德格版页 当前仅加载第 35 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡང་དག་པར་སྟོན་པའི་རྒྱན་ཅེས་བྱའོ། །སྙིང་པོ་བྱང་ཆུབ་ཀྱི་ལྷ་པདྨོའི་ཤིང་སྣང་བའི་འོད་ཀྱི་རྣམ་པར་ཐར་པ་ནི། བྱང་ཆུབ་ཀྱི་ཤིང་ཡོངས་སུ་ཞི་བས་ཕྱོགས་རྒྱས་པར་བྱེད་པ་ཞེས་བྱའོ། །སྙིང་པོ་བྱང་ཆུབ་ཀྱི་ལྷ་དགེ་བའི་ལྟ་བ་སྣ་ཚོགས་རྣམ་པར་
D44.035.0050a01.01སྟོན་པའི་འོད་ཀྱི་རྣམ་པར་ཐར་པ་ནི། དེ་བཞིན་གཤེགས་པའི་སྟོབས་སྣ་ཚོགས་ཡང་དག་པར་རྒྱུ་བ་ཞེས་བྱའོ། །དེ་ནས་སྙིང་པོ་བྱང་ཆུབ་ཀྱི་ལྷ་དགེ་བ་དྲི་མ་མེད་པའི་རྒྱན་གྱིས་བརྒྱན་པའི་རྒྱལ་མཚན་གྱིས་སངས་རྒྱས་ཀྱི་མཐུས། སྙིང་པོ་བྱང་ཆུབ་ཀྱི་ལྷའི་འཁོར་གྱི་དཀྱིལ་འཁོར་
D44.035.0050a02.01ཡོད་པ་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བསྐལ་པ་མང་པོ་མཐའ་དང་དབུས་མེད་པར། །དེ་བཞིན་གཤེགས་པས་ཇི་ལྟར་སྔོན་སྤྱད་དྲན། །སངས་རྒྱས་ཐམས་ཅད་མཆོད་ཅིང་བསྒྲུབས་པས་ན། །དེ་ཕྱིར་དེ་
D44.035.0050a03.01ཡི་བསོད་ནམས་ནམ་མཁའི་ཚད། །ཞིང་རྣམས་མཐའ་ཡས་ཚད་མེད་འདྲ་མེད་པར། །མི་ཟད་གཏོང་བའི་སྒོ་ནས་སྔོན་བཏང་བས། །རི་བོའི་སྤོའི་འོད་ཀྱི་ལྷ་དེ་ནི། །བདེ་གཤེགས་དྲན་ཞིང་རབ་ཏུ་དགའ་བར་འགྱུར། །བདེ་གཤེགས་སྤྲུལ་པ་རྣམ་པ་མཐའ་ཡས་པ། །
D44.035.0050a04.01དེ་དག་ཞིང་རྣམས་ཀུན་ཏུ་རབ་ཏུ་རྒྱུ། །འགྲོ་བར་སངས་རྒྱས་རྨི་ལམ་བཞིན་སྟོན་ཅིང་། །སྤྲིན་གྱི་སྒྲ་དབྱངས་ལྷ་དེ་རབ་ཏུ་དགའ། །མཐའ་ཡས་བསྐལ་པར་དཀའ་བ་རབ་སྤྱད་དེ། །དང་བའི་སྤྱན་གྱིས་འགྲོ་ལ་ཕན་པའི་ཕྱིར། །རྒྱ་མཚོའི་སྤྱན་ཡང་ཡོངས་སུ་སྔོན་བཏང་སྟེ། །
D44.035.0050a05.01དེ་ལ་མེ་ཏོག་མིག་གི་ལྷ་དགའ་འོ། །ཡོན་ཏན་རིན་ཆེན་འོད་འཕྲོ་མཐའ་ཡས་སྤྲིན། །འགྲོ་བ་ཀུན་ཏུ་སྙིང་པོ་བྱང་ཆུབ་ནས། །རབ་ཏུ་བཀྱེ་བའི་སངས་རྒྱས་རྫུ་འཕྲུལ་གྱིས། །འོད་འཕྲོ་འགྱེད་པའི་ལུས་ཀྱི་ལྷ་ཡང་དགའ། །སེམས་ཅན་རྣམས་ཀྱི་སྤྱོད་པ་རྒྱ་མཚོ་སྟེ། །
D44.035.0050a06.01དེ་ལ་རྒྱལ་བ་ཆོས་ཀྱི་ཆར་ཡང་འབེབས། །ཇི་ལྟར་མོས་པར་ནེམ་ནུར་རྣམ་པར་སེལ། །དེ་ཡིས་གཙུག་ཕུད་འཕྱང་བ་དགའ་བ་ཐོབ། །རྒྱན་གྱི་ཆར་འབེབས་མིག་བཟང་ལྷ་དེ་ནི། །སེམས་ཀྱི་སྐད་ཅིག་གཅིག་གིས་ཚད་མེད་པའི། །ཆོས་དོན་དབྱིངས་ཀྱི་བྱེ་བྲག་མཐའ་ཡས་
D44.035.0050a07.01