完整藏文原文 · 德格版页 当前仅加载第 35 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
སྣང་བའི་གོས་བཟང་པོ་ཤིན་ཏུ་སྤྲུལ་པ་ཞེས་བྱ་བ། སངས་རྒྱས་འདས་པ་དང་། མ་བྱོན་པ་དང་། ད་ལྟར་བྱུང་བ་ཐམས་ཅད་ཀྱི་མཚན་ཉིད་ཤིན་ཏུ་སྒྲོག་པའི་ལྷུན་ཅན་མངོན་པར་བྱུང་ངོ་། །དེ་ཐམས་ཅད་ཀྱི་འོག་ན་སྤོས་ཆུའི་རྒྱ་མཚོ་དབང་པོའི་མེ་ཏོག་ཟེ་བ་འཁྱིལ་པའི་སྙིང་པོ་ཞེས་
D44.035.0140b01.01བྱ་བ་ཡོད་དེ། དེ་ན་འཇིག་རྟེན་གྱི་ཁམས་རབ་ཏུ་སྒྲོལ་བས་དགའ་བ་བྱེད་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་རྣམ་པར་སངས་རྒྱས་པའི་ཡེ་ཤེས་ཀྱིས་ཕམ་པ་མེད་
D44.035.0140b02.01པ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དབུས་ན། འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་
D44.035.0140b03.01རིན་པོ་ཆེའི་འབྲུའི་དྲ་བས་བརྒྱན་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་སྣང་བ་ཚད་མེད་པས་དགྱེས་པ་ཞེས་བྱ་བ་བཞུགས་སོ། །དེའི་སྟེང་ན་
D44.035.0140b04.01འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་རིན་པོ་ཆེའི་གདན་པདྨོ་དང་སེང་གེ་ཞེས་བྱ་བ། འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་
D44.035.0140b05.01ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་ཉོན་མོངས་ཤིང་རྣམ་པར་དག་པ་ཡོད་དེ། དེ་ན་དེ་བཞིན་གཤེགས་པ་ཤུགས་དྲི་མ་མེད་ཅིང་མཉན་ན་དོན་ཡོད་པ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་བདུན་གྱི་རྡུལ་ཤིན་ཏུ་ཕྲ་བ་
D44.035.0140b06.01སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་སྟེང་ན། འཇིག་རྟེན་གྱི་ཁམས་ཀྱི་རྒྱུད་ཀླུའི་རིན་པོ་ཆེའི་ཁ་དོག་གི་འོད་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་
D44.035.0140b07.01