完整藏文原文 · 德格版页 当前仅加载第 35 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའི་དབྱིངས་ཀྱི་མཐར་ཐུག་པ། ཆོས་ཀྱི་དབྱིངས་མཐའ་དང་དབུས་མེད་པར་ཤིན་ཏུ་བསྟན་པའི་དུས་གསུམ་མཉམ་པ་ཉིད་ཐུགས་སུ་ཆུད་པའི་སངས་རྒྱས་ཀྱི་ཡེ་ཤེས་ཀྱང་རྗེས་སུ་འཐོབ་བོ། །དེ་ཅིའི་ཕྱིར་ཞེ་ན། དེ་ལྟར་དེ་ནི་སངས་རྒྱས་སུ་ཤོག་ཤིག་ཅེས་བྱ་
D44.035.0275b01.01བའི་སེམས་བསྐྱེད་པ་དེས། འདས་པའི་སངས་རྒྱས་བཅོམ་ལྡན་འདས་རྣམས་དང་ཉེ་བ་ཡིན། མ་བྱོན་པ་དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་དང་ཉེ་བ་ཡིན། འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་ཀྱི་
D44.035.0275b02.01ཡུལ་རྣམས་དང་མཉམ་པ་ཡིན། འདས་པའི་སངས་རྒྱས་ཀྱི་ཆོས་རྣམས་དང་མཉམ་པ་ཡིན་ནོ། །མ་འོངས་པ་དང་ད་ལྟར་བྱུང་བའི་སངས་རྒྱས་ཀྱི་ཆོས་རྣམས་དང་མཉམ་པ་ཡིན། སངས་རྒྱས་ཀྱི་ཆོས་ཀྱི་ཡུལ་ཐམས་ཅད་དང་མཉམ་པ་ཡིན། གཅིག་
D44.035.0275b03.01ཏུ་ངེས་པའི་ལུས་གཅིག་ཏུ་གྱུར་པས་ཀྱང་དུས་གསུམ་དུ་མཉམ་པའི་སངས་རྒྱས་ཐམས་ཅད་ཀྱི་ཡེ་ཤེས་དང་། འགྲོགས་པ་ཡང་ཐོབ་པ་སྟེ། ཡེ་ཤེས་དེ་དང་འགྲོགས་པར་འགྱུར་བའི་སེམས་བསྐྱེད་པའི་འབྱུང་བ་དེ་སྐྱེས་མ་ཐག་ཏུ་ཕྱོགས་བཅུ་ན།
D44.035.0275b04.01སངས་རྒྱས་བཅོམ་ལྡན་འདས་རྣམས་ཀྱང་ཆེད་དུ་བརྗོད་པ་མཛད་དོ། །སེམས་བསྐྱེད་པ་དེ་ཉིད་རྟེན་དུ་མཛད་དེ། འདུལ་བ་ཇི་བཞིན་དུ་ཆོས་ཀྱང་ཡང་དག་པར་སྟོན། འཇིག་རྟེན་གྱི་ཁམས་ཐམས་ཅད་དུ་ཡང་འདུལ་བ་ཚད་མེད་པ་རྣམས་འབྱུང་བར་འགྱུར།
D44.035.0275b05.01འཇིག་རྟེན་གྱི་ཁམས་ཐམས་ཅད་དུ་ཡང་རབ་ཏུ་གཡོ་བར་འགྱུར། འཇིག་རྟེན་གྱི་ཁམས་ཐམས་ཅད་ཀྱང་སྣང་བས་རྒྱས་པར་འགྱུར། འཇིག་རྟེན་གྱི་ཁམས་ཐམས་ཅད་ཀྱི་ངན་སོང་ཡང་རྒྱུན་ཆད་པར་འགྱུར། འཇིག་རྟེན་གྱི་ཁམས་ཐམས་ཅད་ཀྱང་
D44.035.0275b06.01ཡོངས་སུ་དག་པར་འགྱུར། འཇིག་རྟེན་གྱི་ཁམས་ཐམས་ཅད་དུའང་སངས་རྒྱས་འབྱུང་བ་ཡང་དག་པར་སྟོན་པར་འགྱུར། སེམས་ཅན་ཐམས་ཅད་ཀྱང་རབ་ཏུ་དགའ་བར་འགྱུར། ཆོས་ཀྱི་དབྱིངས་ཐམས་ཅད་ལ་ཡང་རབ་ཏུ་འཇུག་པར་འགྱུར།
D44.035.0275b07.01