完整藏文原文 · 德格版页 当前仅加载第 35 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སྔན་ཅད་སྐད་ཅིག་སྐད་ཅིག་བདེ་གཤེགས་ཀྱིས། །བརྗོད་དུ་མེད་པའི་སྙིང་རྗེའི་སྒོ་རྣམས་དང་། །བྱམས་པའི་སྒོ་
D44.035.0048a01.01ཡང་མི་ཟད་བསྒོམས་པས་ན། །དེ་ཚེ་སངས་རྒྱས་སྐུ་ནི་མི་ཤིགས་སྲ། །དུས་གསུམ་གཏོགས་པའི་སེམས་ཅན་བསོད་ནམས་དང་། །ཇི་སྙེད་བྱང་ཆུབ་སེམས་དཔའི་བསོད་ནམས་དག །རྒྱལ་བའི་སྤུ་གཅིག་དེ་སྙེད་བསོད་ནམས་འོད། །བསོད་ནམས་དེ་མཐོང་
D44.035.0048a02.01རབ་ཏུ་དགའ་བར་འགྱུར། །འབྱུང་བ་མེད་ཅིང་བྱོན་པ་གང་ཡང་མེད། །ཏིང་འཛིན་ཞི་བ་རྒྱ་མཚོ་རབ་ཏུ་ཞུགས། །སེམས་ཅན་རྒྱན་གྱི་ས་འདི་རབ་ཏུ་སྟོན། །འདི་ནི་སྣ་ཚོགས་ཤིང་གི་ཟེ་བའི་ས་ཡིན་ནོ། །སྔན་ཅད་ཐུབ་པས་སྤྱོད་པ་སྤྱད་པ་དང་། །འགྲོ་བའི་
D44.035.0048a03.01སྒྲིབ་པ་རྣམ་པར་ཟློག་པ་ནི། །རིན་ཆེན་བཀྲམ་པའི་འོད་ཀྱི་ས་ཡིན་ཏེ། །རྣམ་ཐར་དེ་ལ་དགའ་བར་ལྷ་ལྟའོ། །དེ་བཞིན་གཤེགས་པའི་ས་ནི་མཐའ་ཡས་ཏེ། །འཇིག་རྟེན་ཀུན་ཏུ་སྐད་ཅིག་གཅིག་ལ་སྟོན། །དུས་ཚོད་ཡང་དག་སྟོན་པའི་ས་ཡི་ལྷ། །དགའ་བར་
D44.035.0048a04.01སངས་རྒྱས་ཡུལ་ལ་རྣམ་པར་ལྟ། །སངས་རྒྱས་གསུང་ནི་མཐའ་ཡས་བསམ་མི་ཁྱབ། །སེམས་ཅན་ཀུན་བསྒྲགས་ཉོན་མོངས་ཞི་བར་མཛད། །གསེར་འོད་མིག་གི་དཔལ་ནི་རབ་དགའ་བ། །སངས་རྒྱས་ཡོན་ཏན་མཐའ་ཡས་མངའ་བ་སྟེ། །སངས་
D44.035.0048a05.01རྒྱས་སྤྲུལ་པས་རྣམ་པར་ཀུན་གཟུགས་སུ། །ཕྱོགས་ཀུན་ཆོས་ཀྱི་དབྱིངས་སུ་རྒྱས་པར་མཛད། །སྤུ་ལས་དྲི་ཞིམ་འོད་ཀྱི་ས་ཡི་ལྷ། །སངས་རྒྱས་སེམས་ཅན་འདུལ་བ་དེ་ལ་ལྟ། །ཕྱོགས་རྣམས་ཡིད་འོང་དབྱངས་ཀྱིས་གང་བྱས་ཤིང་། །འགྲོ་བ་འདི་ནི་
D44.035.0048a06.01ཕྱི་མཐའི་བསྐལ་པར་བརྗོད། །ཡིད་དུ་འོང་བའི་སྒྲ་དབྱངས་སའི་ལྷ། །རབ་ཏུ་དགའ་བར་སངས་རྒྱས་དབྱངས་ལ་ཉན། །རྒྱལ་བའི་སྤུ་ལས་སེམས་ཅན་མཉམ་པ་ཡི། །སྤོས་ཀྱི་འོད་བཀྱེ་འཇིག་རྟེན་ཀུན་བཀང་ཞིང་། །སེམས་ཅན་མ་ལུས་ཡོངས་སུ་སྨིན་མཛད་
D44.035.0048a07.01