完整藏文原文 · 德格版页 当前仅加载第 35 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
བརྟན་པ་སེམས་བསྒྱུར་རོ། །ཞིང་རྣམས་ཐམས་ཅད་མཐོང་བར་བྱ་བ་དང་། །སེམས་ཅན་འདི་དག་ཇི་ལྟར་འཁོར་གྱུར་ཅེས། །ཆགས་མེད་མིག་ནི་རྣམ་པར་དག་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །འདས་པའི་དུས་སུ་གང་རྣམས་ཅི་
D44.035.0253b01.01བྱུང་ཡང་། །མཚན་ཉིད་གང་ཡིན་ཅི་འདྲ་ཅི་དགོངས་པ། །སྔོན་གྱི་གནས་རྣམས་རྗེས་སུ་རྟོགས་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །འཇིག་རྟེན་ཀུན་ན་ཀུན་སྦྱོར་ཇི་སྙེད་དང་། །དོན་གྱི་མཚམས་འབྲེལ་བག་ཆགས་དེ་བཞིན་
D44.035.0253b02.01ཏེ། །ཉོན་མོངས་ཟད་བྱ་མཐར་ཐུག་ཤེས་བྱའི་ཕྱིར། །བྱང་ཆུབ་དོན་དུ་བརྟན་པ་སེམས་བསྒྱུར་རོ། །འགྲོ་བ་རྣམས་ཀྱི་ཐ་སྙད་གདགས་པ་དང་། །ཚིག་ལམ་སྐད་དུ་བརྗོད་པ་ཇི་སྙེད་པ། །བརྡ་ཡི་བདེན་པ་རྗེས་སུ་རྟོགས་བྱའི་ཕྱིར། །བརྟན་པ་
D44.035.0253b03.01བྱང་ཆུབ་དོན་དུ་སེམས་བསྒྱུར་རོ། །ཆོས་རྣམས་ཇི་ལྟར་བརྗོད་དུ་{མྱེད་,མེད་}པ་དང་། །སྟོང་པ་བྱེད་{མྱེད་,མེད་}རང་བཞིན་དབེན་པའི་རྣམས། །དེ་དག་དངོས་ཉིད་ཁོང་དུ་ཆུད་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །ཞིང་རྣམས་ཐམས་ཅད་རབ་ཏུ་བསྐྱོད་པ་
D44.035.0253b04.01དང་། །རྒྱ་མཚོ་ཐམས་ཅད་ཡོངས་སུ་བསྐྱམ་བྱ་བར། །དེ་བཞིན་གཤེགས་པའི་རྫུ་འཕྲུལ་རྟོགས་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །སྤུ་རྩེ་རེ་རེའི་སྒོ་ནས་འོད་གཟེར་རྣམས། །ཕྱོགས་བཅུ་ཀུན་ཏུ་ཇི་ལྟར་དགྱེ་བྱ་བ། །དེ་འདྲའི་རང་བཞིན་
D44.035.0253b05.01ཁོང་དུ་ཆུད་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །ཞིང་རྣམས་བརྗོད་མེད་བསམ་གྱིས་མི་ཁྱབ་པ། །བདག་གི་ལག་པའི་མཐིལ་དུ་གཞག་བྱ་བར། །སྒྱུ་མའི་རྣམ་པ་ཐམས་ཅད་རྟོགས་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་
D44.035.0253b06.01རོ། །ཇི་ལྟར་ཞིང་གི་སེམས་ཅན་ཡངས་པ་ཀུན། །གནོད་པ་{མྱེད་,མེད་}པར་སྐྲ་རྩེར་གཞོག་བྱེད་པར། །སྲོག་{མྱེད་,མེད་}ཆོས་རྣམས་ཁོང་དུ་ཆུད་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །རྒྱ་མཚོ་ཐམས་ཅད་ཆུ་ཆེན་གང་རྒྱས་པ། །སྐྲ་རྩེས་
D44.035.0253b07.01