完整藏文原文 · 德格版页 当前仅加载第 35 函德格 326a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱིས་མ་བསྐུལ་བར་ཡང་དག་པར་ཞུགས་པ། སེམས་ཅན་ཐམས་ཅད་ཀྱི་དགེ་བའི་རྩ་བ་ལ་ཐོག་མར་འགྲོ་བའོ། །བདག་ཅག་ནི་ཐམས་ཅད་མཁྱེན་པ་ཉིད་ལ་འཇུག་པའི་ཕྱིར་ཁ་ལོ་སྒྱུར་བ་སྟེ། བདག་ཅག་
D44.035.0326a01.01གི་ནི་འགྲོ་བ་ཀུན་གྱིས་གོས་པ་མེད་པའི་ཕྱིར་མཆོག་ཏུ་གྱུར་པའོ། །བདག་ཅག་ནི་བླ་ན་མེད་པར་ཁ་ལོ་སྒྱུར་བའི་ས་ལ་དམ་པར་གྱུར་པའོ། །བདག་ཅག་ནི་སེམས་ཅན་མེད་པའི་མཐའ་ལ་རབ་རིབ་མེད་པའོ། །བདག་ཅག་ནི་སྔོན་གྱི་སྨོན་ལམ་
D44.035.0326a02.01གྱིས་ཐོབ་པ་དང་ལྡན་པའོ། །བདག་ཅག་ནི་བྱང་ཆུབ་སེམས་དཔའི་ཡོན་ཏན་གྱི་རྒྱན་ཐམས་ཅད་ཀྱིས་ཤིན་ཏུ་སྤྲུལ་པའོ། །བདག་ཅག་ནི་སངས་རྒྱས་འདས་པ་དང་མ་བྱོན་པ་དང་ད་ལྟར་བྱུང་བ་ཐམས་ཅད་ཀྱིས་ཡོངས་སུ་བཟུང་བའོ། །ཞེས་ཏེ་
D44.035.0326a03.01དེ་སྔོན་གྱི་སྨོན་ལམ་ཡང་འཇིག་པར་མི་བྱེད་དོ། །བླ་ན་མེད་པའི་ཡེ་ཤེས་ཀྱི་རྒྱན་ལ་ཡང་རབ་ཏུ་འཇུག་གོ །སེམས་ཅན་ཐམས་ཅད་ཀྱི་དོན་ཀྱང་ཡོངས་སུ་རྫོགས་པར་བྱེད་དོ། །སྔོན་གྱི་སྨོན་ལམ་ཇི་ལྟར་བཏབ་པ་ཡང་ཐོག་མ་དང་།
D44.035.0326a04.01བར་མ་དང་། ཐ་མའི་ཚུལ་གྱིས་ཡོངས་སུ་རྫོགས་པར་བྱས་ནས། འགྲོ་བ་ཐམས་ཅད་རྣམ་པར་དག་པར་བྱ་བའི་ཕྱིར། ཆོས་ཐམས་ཅད་ཤེས་པའི་མངོན་པར་ཤེས་པའང་རབ་ཏུ་ཐོབ་པར་བྱེད་དོ། །སེམས་བསྐྱེད་པ་རེ་རེ་ཞིང་ཡང་
D44.035.0326a05.01ཕྱོགས་བཅུར་རྒྱས་པར་འགྲོ་སྟེ། སེམས་བསྐྱེད་པ་གཅིག་གིས་ཀྱང་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པ་ལ་འཇུག་གོ །སེམས་བསྐྱེད་པ་རེ་རེས་ཀྱང་ཡང་དག་པར་རྫོགས་པའི་སངས་རྒྱས་བརྗོད་དུ་མེད་པའི་ཡང་བརྗོད་དུ་མེད་པ་མཐོང་སྟེ། དེ་
D44.035.0326a06.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི །སངས་རྒྱས་ཀྱི་ཞིང་གི་རྒྱན་ཡོངས་སུ་དག་པ་ལ་ཡང་རབ་ཏུ་འཇུག་གོ །དེ་བཞིན་གཤེགས་པའི་རྣམ་པར་འཕྲུལ་པའང་ཡོངས་སུ་སྟོན་ཏོ། །ཆོས་ཀྱི་དབྱིངས་ཀྱིས་
D44.035.0326a07.01