完整藏文原文 · 德格版页 当前仅加载第 35 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་དྲན་ཕྱེད་པ་མེད། །སངས་རྒྱས་རྗེས་དྲན་གང་ལ་མི་ཕྱེད་པ། །དེ་དག་རྟག་ཏུ་སངས་རྒྱས་བསམ་ཡས་མཐོང་། །རྟག་ཏུ་སངས་རྒྱས་བསམ་ཡས་སུས་མཐོང་བ། །དེ་དག་རྟག་ཏུ་སངས་རྒྱས་མི་འགྲོགས་མིན། རྟག་ཏུ་སངས་རྒྱས་མི་འགྲོགས་སུ་མ་
D44.035.0221b01.01ཡིན། །དེ་ལ་ཆོས་ནི་ནུབ་པ་ནམ་ཡང་མེད། །གང་ལ་ཆོས་ནུབ་འགྱུར་བ་མེད་འགྱུར་བ། །དེ་དག་སྤོབས་པ་བསྒྲིབས་པ་མེད་དང་ལྡན། །སྤོབས་པ་བསྒྲིབས་པ་མེད་དང་སུ་ལྡན་པ། །དེ་དག་ཆོས་རབ་སྟོན་པ་མཐའ་ཡང་ཡས། །གང་གི་ཆོས་རབ་བསྟན་པ་མཐའ་
D44.035.0221b02.01ཡས་པ། །དེ་དག་འགྲོ་ལ་བྱམས་པས་ཕན་པ་ཚོལ། །འགྲོ་ལ་བྱམས་པས་ཕན་པ་སུ་ཚོལ་བ། །དེ་དག་སྙིང་རྗེ་ཆེན་པོའི་རྩ་བ་བརྟན། །སྙིང་རྗེ་ཆེན་པོའི་རྩ་བ་སུ་བརྟན་པ། །དེ་དག་ཆོས་ཀྱི་དགའ་བས་དབང་པོ་དགའ། །ཆོས་ཀྱི་དགའ་བས་དབང་པོ་
D44.035.0221b03.01གང་དགའ་བ། །དེ་དག་འདུ་བྱེད་ཉེས་ལ་བཏང་སྙོམས་སོ། །འདུ་བྱེད་ཉེས་པ་གང་གིས་བཏང་སྙོམས་པ། །དེ་དག་ང་རྒྱལ་རློམས་སེམས་བག་མེད་སྤངས། །ང་རྒྱལ་རློམས་སེམས་བག་མེད་སུས་སྤངས་པ། །དེ་དག་རྟག་ཏུ་བདག་དང་གཞན་དོན་
D44.035.0221b04.01བརྩོན། །བདག་དང་གཞན་དོན་རྟག་ཏུ་སུ་བརྩོན་པ། །དེ་དག་འཁོར་བས་ཡོངས་སུ་སྐྱོ་བ་མེད། །གང་ལ་འཁོར་བས་ཡོངས་སུ་སྐྱོ་མེད་པ། །དེ་དག་བརྩོན་འགྲུས་དམ་པ་མཆོག་དང་ལྡན། །བརྩོན་འགྲུས་དམ་པ་མཆོག་དང་སུ་ལྡན་པ། །དེ་དག་མངོན་
D44.035.0221b05.01ཤེས་རྣམ་དག་མངོན་པར་སྐྱེས། །གང་གི་མངོན་ཤེས་རྣམ་དག་མངོན་སྐྱེས་པ། །དེ་དག་སྤྱོད་པ་མཆོག་གི་དྲ་བར་ཞུགས། །སྤྱོད་མཆོག་དྲ་བར་གང་རྣམས་ཞུགས་གྱུར་པ། །དེ་དག་འགྲོ་བ་ཡོངས་སུ་སྨིན་པར་མཁས། །འགྲོ་བ་ཡོངས་སུ་སྨིན་པར་གང་མཁས་
D44.035.0221b06.01པ། །དེ་དག་འགྲོ་སྡུད་ཡེ་ཤེས་ཚུལ་ལ་མཁས། །འགྲོ་སྡུད་ཡེ་ཤེས་ཚུལ་ལ་སུ་མཁས་པ། །དེ་དག་བསྡུ་བའི་དངོས་པོ་བཞི་ལ་བརྩོན། །བསྡུ་དངོས་བཞི་ལ་གང་རྣམས་བརྩོན་འགྲུས་པ། །དེ་དག་འགྲོ་བའི་དོན་མང་མཐའ་ཡས་བྱེད། །འགྲོ་བའི་དོན་མང་
D44.035.0221b07.01