完整藏文原文 · 德格版页 当前仅加载第 35 函德格 381b 版页；藏文 NFD、目录标记与异常页序保留在来源切片中，重复版页行以稳定序号区分。
འགགས་པ། ཐེ་ཙོམ་དུ་གྱུར་པ། རྟག་ཏུ་ཡིད་གཉིས་དང་ལྡན་པ། མི་བདེ་བ་མཐོང་བ། འབྱུང་བ་ལ་མི་མཁས་པ། ཚུབ་མས་བསྐོར་བའི་ལོ་མ་ལྟ་བུར་འཁོར་ཞིང་འཕྱན་པ་དེ་དག་ཐམས་ཅད་ཡོངས་སུ་ཐར་བར་བྱའོ། །ཞེས་དེ་ལ་བྱང་ཆུབ་སེམས་དཔའི་
D44.035.0381b01.01སྙིང་རྗེ་ཆེན་པོ་ཡོངས་སུ་རྒྱས་པའི་སེམས་དང་ལྡན་པས་སེམས་ཅན་གྱི་ཁམས་འཁོར་བའི་འདམ་དུ་བྱིང་བ་མཐོང་ནས། སེམས་ཅན་དེ་དག་ལ་སྙིང་བརྩེ་བ་ཆེན་པོ་སྐྱེས་པ། ཕན་ཆེར་གདགས་པའི་སེམས་རབ་ཏུ་བསྐྱེད་པ། སེམས་ཅན་རྣམས་ཀྱི་དོན་ཆེན་
D44.035.0381b02.01པོ་བྱ་བར་དགའ་བ་སེམས་ཅན་མང་པོ་རབ་ཏུ་འགྲོལ་བར་དགེ་བའི་རྩ་བ་ཡོངས་སུ་བསྔོ་བ། ཡོངས་སུ་བསྔོ་བ་ཆེན་པོ་ལ་ཞུགས་པ། འདས་པ་དང་། མ་འོངས་པ་དང་། ད་ལྟར་བྱུང་བའི་བྱང་ཆུབ་སེམས་དཔའ་ཐམས་ཅད་ཀྱི་ཡོངས་སུ་བསྔོ་བ་ལ་རབ་ཏུ་ཞུགས་པ།
D44.035.0381b03.01བསྔོ་བ་ཆེན་པོའི་མདོས་སེམས་ཅན་ཐམས་ཅད་ལ་དགེ་བའི་རྩ་བ་དེ་དག་ཡོངས་སུ་བསྔོ་བ། སེམས་ཅན་ཐམས་ཅད་ཤིན་ཏུ་རྣམ་པར་དག་པར་བྱ་བར་སེམས་པ། སེམས་ཅན་ཐམས་ཅད་ཀྱི་དགེ་བའི་རྩ་བ་ཀུན་ཐམས་ཅད་མཁྱེན་པ་ཉིད་ཀྱི་མཐར་ཐུག་པར་
D44.035.0381b04.01ཡོངས་སུ་བསྔོ་བ་དེ་སེམས་འདི་ལྟ་བུ་དང་ལྡན་པར་གྱུར་ཏེ། སེམས་ཅན་ཐམས་ཅད་བླ་ན་མེད་པའི་ཡེ་ཤེས་ཀྱི་རྒྱལ་སྲིད་ལ་རབ་ཏུ་གཞག་པའི་ཕྱིར་བདག་སྤྱོད་དེ། བདག་ནི་བདག་འབའ་ཤིག་ཡོངས་སུ་དགྲོལ་བ་ལ་མངོན་པར་ཞུགས་པ་མ་ཡིན་གྱིས། བདག་
D44.035.0381b05.01གིས་སེམས་ཅན་འདི་དག་ཀུན་ཐམས་ཅད་མཁྱེན་པ་ཉིད་ཀྱི་སེམས་རབ་ཏུ་སྣང་བས་འཁོར་བའི་དགོན་པ་བརྒལ་དཀའ་བ་ནས་གདོན་པར་བྱའོ། །གཡང་ས་ཆེན་པོ་ནས་བླང་བར་བྱའོ། །གནོད་པ་ཐམས་ཅད་ལས་ཡོངས་སུ་དགྲོལ་བར་བྱའོ། །འཁོར་བའི་རྒྱུད་
D44.035.0381b06.01ལས་རབ་ཏུ་བསྒྲལ་བར་བྱའོ། །བདག་ཉིད་ཀྱིས་སེམས་ཅན་ཐམས་ཅད་ཀྱི་སྡུག་བསྔལ་གྱི་ཕུང་པོ་བླང་བར་སྤྲོ་བར་བྱའོ། །བདག་གིས་སེམས་ཅན་དེ་དག་ཐམས་ཅད་འཁོར་བའི་སྡུག་བསྔལ་ཆེན་པོའི་སའི་འོག་ནས་དྲང་བར་བྱའོ། །འཇིག་རྟེན་གྱི་ཁམས་
D44.035.0381b07.01