完整藏文原文 · 德格版页 当前仅加载第 35 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་ནོར་བུའི་རིན་ཆེན་རྣམ་བཀོད་པ། །རྒྱན་རྣམས་ཀུན་གྱིས་ཡོངས་སུ་དག་པར་སྣང་། །སྤོས་ཆུའི་སྤྲིན་གྱི་ཁ་དོག་མཐའ་ཡས་ཏེ། །རིན་ཆེན་ཙནྡན་མེ་ཏོག་ཀུན་ཏུ་གྲམ། །པདྨོ་སྣ་ཚོགས་གོས་ཀྱིས་ཀུན་ནས་ཡོག །རིན་ཆེན་རྩི་མཆོག་དྲི་ཞིམ་རྣམས་དང་
D44.035.0104b01.01ལྡན། །སྣ་ཚོགས་ཤིང་གི་སྤྲིན་གྱིས་ཀུན་ནས་བརྒྱན། །ནོར་བཟང་ཀུན་གྱིས་ཀུན་ནས་གཟི་བརྗིད་འབར། །འོད་ཟེར་སྤྲིན་གྱི་འོད་ཀྱི་དཀྱིལ་འཁོར་ཅན། །གོས་ཀྱི་མཛོད་ཀྱིས་ཤིན་ཏུ་འབར་བར་གནས། །སྤོས་ཀྱི་འོད་འཕྲོ་བདུག་པ་གདུགས་འཆང་བའི། །
D44.035.0104b02.01བྱང་ཆུབ་སེམས་དཔའ་མང་པོས་ཆོས་དབྱིངས་གང་། །སྒྲ་དབྱངས་མང་པོ་རྒྱ་མཚོ་ཐམས་ཅད་འབྱིན། །འདི་ནི་རྣམ་པར་སྣང་མཛད་ཆོས་འཁོར་ལོ། །རིན་ཆེན་མཛེས་པ་དེ་དག་ཐམས་ཅད་དང་། །ནོར་བུ་དག་དང་ཀུན་ནས་འོད་འཕྲོའི་ཤིང་། །ཀུན་ལ་རྣམ་
D44.035.0104b03.01པར་སྣང་མཛད་སྐུ་གསལ་བ། །གཟུགས་བརྙན་ཚུལ་དུ་ནང་ན་ཡོད་པ་སྣང་། །ཐམས་ཅད་གཟུགས་སུ་སྐུ་རྣམས་མཐའ་ཡས་ཏེ། །སངས་རྒྱས་སྤྲུལ་མང་ཁ་དོག་མུ་མེད་པས། །ཐམས་ཅད་ཕྱོགས་དང་ཆོས་དབྱིངས་ཀུན་བཀང་ཞིང་། །སེམས་ཅན་
D44.035.0104b04.01མང་པོ་ཚད་མེད་རྣམ་པར་འདུལ། །ཐམས་ཅད་རྒྱན་ལས་སྒྲ་དབྱངས་ཀུན་འབྱུང་སྟེ། །རྣམ་པར་སྣང་མཛད་སྨོན་ལམ་འཁོར་ལོ་ཡིས། །ཞིང་རྣམས་རྒྱ་མཚོ་ཡོངས་སུ་དག་བྱས་པ། །དེ་ཀུན་དེ་ལས་རྣམ་པར་འཕྲུལ་ཞིང་གྲགས། །འཇིག་རྟེན་གྱི་
D44.035.0104b05.01ཁམས་རྒྱ་མཚོའི་འཁོར་ཡུག་གི་རྒྱན་རྒྱ་མཚོ་ཤིན་ཏུ་བསྟན་པ་ཞེས་བྱ་བ་སྟེ། ལེའུ་དྲུག་པའོ།། །།ཀྱེ་རྒྱལ་བའི་སྲས་དག་དེ་ལ་ཁོར་ཡུག་ཆེན་པོ་དེའི་ནང་གི་འཇིག་རྟེན་གྱི་ཁམས་རྒྱ་མཚོའི་ས་ཆེན་པོའི་གཞི་ནི་ནོར་བུ་མང་པོའི་རྒྱན་ཐམས་ཅད་
D44.035.0104b06.01ཀྱིས་བརྒྱན་པ། རྡོ་རྗེ་ལྟར་ཤིན་ཏུ་མཁྲེགས་ཤིང་སྲ་ལ་བརྟན་པ། རིན་པོ་ཆེའི་རིགས་ཐམས་ཅད་ལས་གྲུབ་པ། རྒྱ་མཚོས་རྣམ་པར་ཕྱེ་བ་མི་ཤིགས་པའི་སྙིང་པོ་ཅན་མི་མཐོ་བ་མི་དམའ་བའི་ཐང་མཉམ་ཞིང་རྣམ་པར་དག་པ། ནོར་བུ་རིན་པོ་ཆེ་ཐམས་ཅད་ཀྱི་
D44.035.0104b07.01