完整藏文原文 · 德格版页 当前仅加载第 35 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི། །ཡེ་ཤེས་འདི་འདྲ་ཤིན་ཏུ་ཐོབ་པར་འགྱུར། །དེ་ལྟར་ཁྱོད་ནི་ཀུན་ཏུ་བཟང་པོ་ཡི། །མཐུ་ཆེན་སྨོན་ལམ་སྤྱོད་པར་ཞུགས་པས་ན། །བསོད་ནམས་འོད་དང་བསོད་ནམས་དཔལ་ཡིན་ཏེ། བསོད་ནམས་འབྱུང་གནས་བསོད་ནམས་
D44.035.0156a01.01མཆོག་ཀྱང་ཡིན། །བསམ་གྱིས་{མྱི་,མི་}ཁྱབ་རྒྱལ་བ་རྒྱ་མཚོ་དག །མཐའ་དང་དབུས་མེད་པ་ནི་ཁྱོད་ཀྱིས་ཤེས། །མཐའ་དང་དབུས་མེད་དེ་དག་མཐོང་གྱུར་ནས། །དེ་དག་བསོད་ནམས་རྒྱ་མཚོ་རྟོགས་པར་འགྱུར། །ཁྱོད་ཀྱིས་ཕྱོགས་བཅུའི་ཞིང་རྣམས་ཐམས་ཅད་ཀྱི། །རྒྱལ་
D44.035.0156a02.01བའི་སྤྲིན་རྣམས་ཀུན་ཀྱང་ཤིན་ཏུ་མཐོང་། །དེ་དག་སྤྱོད་པ་རྒྱ་མཚོ་ཐམས་ཅད་ཀྱང་། །སྔོན་ཆད་ཇི་ལྟར་སྤྱད་པ་བཞིན་དུ་མཐོང་། །འདི་ཚུལ་རྒྱ་མཚོ་འདི་ལ་སུ་ཞུགས་ཤིང་། །ཡེ་ཤེས་ས་ལ་སུ་དག་གནས་གྱུར་པ། །དེ་དག་སངས་རྒྱས་ཀུན་གྱི་རྗེས་སློབ་ཅིང་། །
D44.035.0156a03.01ཐམས་ཅད་གཟིགས་པར་གདོན་{མྱི་,མི་}ཟ་བར་འགྱུར། །ཁྱོད་ནི་ཞིང་ཀུན་རྒྱ་མཚོའི་རྡུལ་སྙེད་ཀྱི། །བསྐལ་པ་རྒྱ་མཚོར་སྤྱོད་པ་རབ་སྤྱོད་ནས། །རྒྱལ་བ་ཀུན་གྱི་སྔོན་སྤྱད་རྒྱ་མཚོ་རྣམས། །བསླབས་ནས་རང་བྱུང་ཉིད་དུ་འགྱུར་བར་འོངས། །ཞིང་རྣམས་རྒྱ་མཚོ་
D44.035.0156a04.01ཡོངས་སུ་དག་པ་རྣམས། །ཕྱོགས་བཅུ་དག་ཏུ་ཇི་ལྟར་མཐོང་བ་བཞིན། །ཁྱོད་ཀྱི་ཞིང་ཡང་རྣམ་པར་དག་འགྱུར་ཏེ། །སྨོན་ལམ་ཀུན་ཀྱང་ཤིན་ཏུ་སྒྲོག་པར་འགྱུར། །འཁོར་གྱི་རྒྱ་མཚོ་འདི་དག་ཐམས་ཅད་ཀྱང་། །ཁྱོད་ཀྱི་སྨོན་ལམ་ཐོས་གྱུར་རབ་ཏུ་དགའ། །
D44.035.0156a05.01ཀུན་ཏུ་བཟང་པོའི་སྤྱོད་པའི་ལམ་དག་གིས། །བྱང་ཆུབ་མཆོག་ལ་རབ་ཏུ་འཇུག་པར་འགྱུར། །མཐའ་དང་དབུས་{མྱེད་,མེད་}ཞིང་རྣམས་འབྱམ་ཀླས་པར། །བསྐལ་པ་རྒྱ་མཚོ་དག་ཏུ་སྤྱད་པ་སྤྱོད། །ཀུན་ཏུ་བཟང་པོའི་སྤྱོད་པ་ཐམས་ཅད་དང་། །སྨོན་ལམ་རྣམས་ཀྱང་ཡོངས་
D44.035.0156a06.01སུ་རྫོགས་པར་གྱིས། །ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་དེ་ཉིད་དུ། དེ་བཞིན་གཤེགས་པ་གྲགས་པ་རྣམ་པར་གྲགས་པའི་སྤྱན་པད་མོའི་དཔལ་ཞེས་བྱ་བ་བྱུང་བར་གྱུར་ཏོ། །རྒྱལ་པོ་གཟི་བརྗིད་ཆེན་པོ་དེ་ཡང་དེ་ནས་ཤི་འཕོས་ནས། རྒྱ་མཚོའི་
D44.035.0156a07.01