完整藏文原文 · 德格版页 当前仅加载第 35 函德格 332b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲང་། །དེ་དག་མཐའ་ནི་རྙེད་མི་ནུས། །མཉམ་མེད་ཤེས་ལྡན་དེ་དག་སྤྱོད་འདི་ཡིན། །བསྒྲིབས་པ་མེད་པའི་ཚུལ་ཤེས་པ། །སངས་རྒྱས་རྣམ་ཐར་ཚུལ་བཞིན་བསླབས་པ་རྣམས། །འཇིགས་པ་མེད་པར་གྱུར་པ་དག །ཚད་མེད་དེ་དག་ཚུལ་ནི་འདི་ཡིན་
D44.035.0332b01.01ནོ། །དེ་དག་ཕྱོགས་རྣམས་རྒྱ་མཚོ་དང་། །ཞིང་རྣམས་རྒྱ་མཚོ་མཐའ་དང་དབུས་མེད་པར། །ཤེས་པ་རྒྱ་མཚོ་ལྡན་པ་ཡིན། །ཆོས་རྣམས་རྒྱ་མཚོས་འཇིག་རྟེན་ཚིམ་པར་བྱེད། །གང་རྣམས་གཤེགས་ཤིང་སྐྱེས་གྱུར་དང་། །བྱང་ཆུབ་རྣམ་པར་
D44.035.0332b02.01འཚང་རྒྱ་འགྲོ་བ་ཀུན་དག་ཏུ། །སུ་ཞིག་མངོན་པར་སྣང་གྱུར་པ། །མཐའ་དབུས་མེད་པ་དེ་དག་སྤྱོད་འདི་ཡིན། །མྱ་ངན་འདའ་བ་དུ་མ་ཡང་། །ཞིང་རྣམས་བྱེ་བ་ཁྲག་ཁྲིག་མངོན་པར་སྣང་། །འོན་ཀྱང་སྨྲ་བའི་སེང་གེ་རྣམས། །མྱ་ངན་མི་
D44.035.0332b03.01འདའ་སྨོན་ལམ་ཕྱིར་མི་ལྡོག །ཆོས་རྣམས་ལྷུན་ནི་གཅིག་གྱུར་ཅིང་། །སེམས་ཅན་ཀུན་དང་ལུས་ཀྱང་གཅིག་ཏུ་གྱུར་པ་རྣམས། །རྒྱལ་བདག་ལ་རྟོག་མེད་པས། །ལུས་གཅིག་གྱུར་པ་སྤྱོད་འདི་ཡིན། །ཚིག་དང་དོན་རྣམས་ཐ་དད་
D44.035.0332b04.01པས། །འཇིག་རྟེན་ཁམས་རྣམས་མཐའ་དང་དབུས་ཡོད་མ་ཡིན་པར། །རང་བཞིན་གཅིག་ལ་མོས་པ་དག །དུས་གསུམ་ཤེས་པ་དེ་དག་སྤྱོད་འདི་ཡིན། །སེམས་ཅན་དག་དང་རྒྱལ་བ་དང་། །ཆོས་ཀྱི་ཚུལ་རྣམས་ཀུན་ལ་ཟད་པ་མེད་རྙེད་པ། །
D44.035.0332b05.01སངས་རྒྱས་བྱིན་ལ་མོས་པ་དག །རྒྱལ་བས་བྱིན་བརླབས་དེ་དག་སྤྱོད་འདི་ཡིན། །ཆགས་པ་མེད་པའི་སྐུ་འདྲ་ཞིང་། །ཆགས་པ་མེད་པའི་མིག་གི་ཕ་རོལ་ཕྱིན་པ་རྣམས། །ཆགས་མེད་རྣ་བ་མཁས་པ་དག །ཆགས་མེད་ཡིད་ཅན་དེ་དག་
D44.035.0332b06.01སྤྱོད་འདི་ཡིན། །མངོན་ཤེས་ཐམས་ཅད་རྙེད་པ་དང་། །ཡེ་ཤེས་མངོན་པར་ཤེས་པའི་རྗེས་སུ་སོང་བ་རྣམས། །ཤེས་པ་ཀུན་གྱི་དཔལ་ལྡན་པ། །ཤེས་པ་བཟང་ཅན་དེ་དག་སྤྱོད་འདི་ཡིན། །ཤིན་ཏུ་མཉམ་བཞག་སེམས་ལྡན་ཞིང་། །
D44.035.0332b07.01