完整藏文原文 · 德格版页 当前仅加载第 35 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཀུན་གྱི་འཁོར་རྣམས་སུ། །ཤིན་ཏུ་བསྟན་པའི་ཆོས་འབྱུང་ངོ་། །དེ་བཞིན་གཤེགས་པའི་སྐུ་དབྱིངས་ན། །འཁོད་པའི་ཞིང་རྣམས་བསམ་{མྱི་,མི་}ཁྱབ། །དེ་དག་ཀུན་ཏུ་ཆོས་ཉིད་འདི། །འཇིག་རྟེན་མགོན་པོ་རྣམས་ཀྱང་སྟོན། །ཐ་དད་མེད་པའི་ཆོས་ཀྱི་དབྱིངས། །
D44.035.0082b01.01ཆོས་ཀྱི་འཁོར་ལོ་རབ་ཏུ་འཁོར། །ཚིག་གི་ཚུལ་གྱི་རྣམ་པ་ཡིས། །ཆོས་བསྟན་པ་ནི་ཀུན་ཏུ་འབྱུང་། །སངས་རྒྱས་གསུང་གི་དཀྱིལ་འཁོར་ནི། །ཚུལ་རྣམས་བསམ་ཅིང་རབ་ཏུ་བརྗོད། །དད་པ་རྒྱ་མཚོའི་ཚུལ་དག་གིས། །མི་ཟད་ཚུལ་རྣམས་རབ་ཏུ་བསྟན།
D44.035.0082b02.01སངས་རྒྱས་ཞིང་རྣམས་ཀུན་ན་ཡང་། །རྒྱལ་བ་རྣམས་ནི་{མྱིག་,མིག་}ཡོར་འདྲ། །སྙིང་པོ་བྱང་ཆུབ་རྣམས་ན་སྣང་། །འབྱུང་བ་དག་ཀྱང་ཡོད་པ་{མྱིན,མིན}། །དེ་ནས་བྱང་ཆུབ་སེམས་དཔའ་ཆོས་ཀྱི་དབྱིངས་སུ་འོད་འཕྲོ་བའི་རྣམ་པར་སྣང་བའི་འབྱུང་བ་བློ་གྲོས་ཀྱིས། སངས་
D44.035.0082b03.01རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བལྟ་ཞིང་བལྟ་ཞིང་སངས་རྒྱས་རྣམས། །སྐུ་གཟུགས་བསམ་གྱིས་{མྱི་,མི་}ཁྱབ་སྟེ། །དགའ་བ་རྒྱ་མཚོ་ཀུན་ཀྱང་འབྱུང་། །ཆོས་ཀྱི་
D44.035.0082b04.01ཤུགས་ནི་རབ་ཏུ་འཕེལ། །མཚན་རབ་ཀུན་ནས་སངས་རྒྱས་རྣམས། །ཕྱོགས་བཅུ་ཀུན་ཏུ་རབ་ཏུ་འབྱུང་། །རྡུལ་རྣམས་ཀུན་ཏུ་འཇུག་པ་ཡི། །སངས་རྒྱས་སྤྲིན་ཀྱང་དེ་བཞིན་བསྟན། །སྐད་ཅིག་སྐད་ཅིག་སེམས་ཀུན་ལ། །སངས་རྒྱས་འོད་
D44.035.0082b05.01ནི་དཔལ་གྱིས་འབར། །རྣམ་འཕྲུལ་གཞན་དང་གཞན་དག་གིས། །ཞིང་རྣམས་རྒྱ་མཚོ་ཀུན་ན་སྣང་། །བྱང་ཆུབ་སེམས་དཔའ་ཤེས་རབ་ཆེ། །རྒྱ་མཚོའི་ཆོས་ལ་བྱུང་བ་རྣམས། །སངས་རྒྱས་ཀུན་གྱིས་བྱིན་བརླབས་པ། །འདི་ཡི་ཡུལ་ལ་རྣམ་
D44.035.0082b06.01པར་སྤྱོད། །ཀུན་ཏུ་བཟང་པོའི་སྨོན་ལམ་ལ། །གང་རྣམས་ཤིན་ཏུ་གནས་གྱུར་པ། །དེ་དང་དེ་རྣམས་ཞིང་དག་ཏུ། །སངས་རྒྱས་རྣམ་འཕྲུལ་ཀུན་ལ་བལྟ། །ཡེ་ཤེས་ཟབ་མོ་རྣམ་གནོན་ཅིང་། །ཆོས་ཀྱི་དབྱིངས་ལ་གཞོལ་བ་ནི། །མོས་པ་རྒྱ་
D44.035.0082b07.01