完整藏文原文 · 德格版页 当前仅加载第 35 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མེ་ལོང་གི་མདོག་ལྟར་རྣམ་པར་སྣང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅོ་ལྔའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་
D44.035.0119b01.01ནས་ཉོན་མོངས་པ་རྡོ་རྗེའི་པདྨོའི་རྒྱ་མཚོ་ལ་རབ་ཏུ་གནས་པ། ལྷ་མ་ཡིན་གྱི་ལུས་ཀྱི་དབྱིབས་ལྟར་འདུག་པ། བྱང་ཆུབ་སེམས་དཔའི་ལུས་མིག་ཡོར་གྱི་སྤྲིན་རིན་པོ་ཆེའི་ཅོད་པན་འབར་བའི་ལུས་ཅན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་
D44.035.0119b02.01པ་སྤྱོད་པའི་སྟོབས་བདུད་རྩིའི་སྒྲ་དབྱངས་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཙནྡན་མཆོག་ལྟར་ཡིད་དུ་འོང་བའི་ཟླ་བས་བརྒྱན་པ་ཞེས་བྱ་བ་འཇིག་
D44.035.0119b03.01རྟེན་གྱི་ཁམས་སངས་རྒྱས་ཀྱི་ཞིང་བཅུ་དྲུག་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་རྡོ་རྗེ་ལྟར་མཁྲེགས་པའི་ཙནྡན་རིན་པོ་ཆེའི་རྒྱ་མཚོ་ལ་རབ་ཏུ་གནས་པ་ཡན་ལག་བརྒྱད་དུ་བཀོད་པའི་དབྱིབས་ལྟར་འདུག་པ། མུ་ཏིག་གི་མེ་ཏོག་
D44.035.0119b04.01མང་པོ་ཤིན་ཏུ་རྒྱས་པའི་ནོར་བུའི་རྒྱལ་པོའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་དམ་པ་ཐུགས་སུ་ཆུད་པས་ཤིན་ཏུ་འཕགས་པའི་དཔལ་གྱི་གཟི་བརྗིད་ཡང་དག་པར་འབྱུང་བ་ཞེས་བྱ་བ་བཞུགས་སོ། །དེའི་སྟེང་འཇིག་
D44.035.0119b05.01རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་གཞི་དྲི་མ་མེད་ཅིང་ཀུན་ཏུ་སྣང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་བདུན་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་
D44.035.0119b06.01ཉོན་མོངས་ཤིང་རྣམ་པར་དག་པ། རིན་པོ་ཆེའི་འོད་ཁ་དོག་མཐའ་ཡས་པའི་རྒྱ་མཚོ་ལ་རབ་ཏུ་གནས་པ། སྤོས་ཆུའི་གློང་གི་དབྱིབས་ལྟར་འདུག་པ། དྲི་ཞིམ་པོའི་འོད་ཀྱི་དཀྱིལ་འཁོར་གྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་འོད་
D44.035.0119b07.01