完整藏文原文 · 德格版页 当前仅加载第 35 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་གཤེགས་སེམས་ཅན་མངོན་པར་མཆོད་བྱེད་པས། །བསྐལ་པ་ཁྲག་ཁྲིག་བརྗོད་དུ་མེད་པར་ཟད་བྱས་ཀྱང་། །བྱང་ཆུབ་སེམས་དཔའི་བདེ་བསྩགས་མཐར་ཕྱིན་བདེ་བ་ཉིད། །གང་བསྒྲུབས་བྱང་ཆུབ་སེམས་ལ་མཉམ་པར་ཉེར་མི་འགྲོ། །ཇི་སྙེད་དཔེར་བརྗོད་བྱས་པ་
D44.035.0283b01.01འདི་དག་ཐམས་ཅད་ཀྱང་། །ཡང་དག་སྐྱེས་པའི་བྱང་ཆུབ་སེམས་ཀྱི་ཆར་མི་རུང་། །དེ་ཡང་འདི་ལྟར་དུས་གསུམ་བཞུགས་པའི་སྐྱེས་བུ་མཆོག །ཐམས་ཅད་བྱང་ཆུབ་སེམས་མཆོག་དེ་ལས་བྱུང་བ་ཡིན། །བྱང་ཆུབ་སེམས་ནི་ཆགས་པ་མེད་པའི་མཐར་ཕྱིན་ཏེ། །
D44.035.0283b02.01ཐམས་ཅད་ཚད་ལ་གནས་ཀྱང་དེ་ལ་ཚད་ཡོད་མིན། །ཐམས་ཅད་མཁྱེན་པའི་ཡེ་ཤེས་གཞོལ་ཞིང་ཚད་མེད་སྟོབས། །སེམས་ཅན་རང་བཞིན་དེ་བཞིན་བྱང་ཆུབ་མཐར་ཡང་ཕྱིན། །བྱང་ཆུབ་སེམས་ནི་ནམ་མཁའི་མཐའ་དང་མཉམ་པ་སྟེ། །ཆོས་རྣམས་ཀུན་
D44.035.0283b03.01ལ་ཁྱབ་པ་ཆོས་དབྱིངས་ཅི་བཞིན་ནོ། །ཚད་མེད་དེ་བཞིན་ཉིད་ཀུན་དེའི་སྤྱོད་ཡུལ་གྱུར། །དེས་ནི་ཀུན་ཏུ་ཁྱབ་པའི་སེམས་ཅན་གཙོ་བཞིན་ནོ། །དེ་ནི་འབྱམ་ཀླས་ཆོས་རྣམས་ཀུན་ལ་རྗེས་སུ་ཞུགས། །དེས་ནི་ཞིང་རྣམས་མ་ལུས་འབྱམ་ཀླས་ཀུན་ཏུ་ཁྱབ། །དེས་ནི་
D44.035.0283b04.01ཤེས་པ་འབྱམ་ཀླས་ཐམས་ཅད་རྟོགས་པར་ཆུད། །དེས་ནི་སངས་རྒྱས་འབྱམ་ཀླས་ཀུན་དང་འགལ་མེད་ཐོབ། །རྟག་ཏུ་བསོད་ནམས་བླ་ན་མེད་པ་དག་དང་ལྡན། །དེ་བཞིན་རྟག་ཏུ་ཚུལ་ཁྲིམས་རྣམ་དག་མི་གནས་ལྡན། །རྟག་ཏུ་ཀུན་གཏོང་རྟག་པར་རབ་ཏུ་
D44.035.0283b05.01དགེ་བ་སྟེ། །ལྡོག་པ་མེད་པའི་བརྩོན་འགྲུས་མཆོག་དང་རབ་ཏུ་ལྡན། །བསམ་གཏན་མཛོད་ལ་རྟག་པར་བསམ་གཏན་འཇུག་པར་བྱེད། །ཤེས་རབ་ཤིན་ཏུ་ཡངས་པ་དང་ཡང་རྟག་ཏུ་ལྡན། །རྒྱལ་སྲས་རྣམས་ཀྱིས་རབ་དམ་པ་གང་ཡོད་པ། །
D44.035.0283b06.01དེ་དག་དོན་དུ་ཡེ་ཤེས་ཀུན་ཏུ་བཟང་པོ་བྱུང་། །འགྲོ་བ་ཀུན་ན་སྐྱེས་བུ་ཡེ་ཤེས་གང་བཞུགས་པ། །དེ་དག་གིས་ནི་བྱང་ཆུབ་སེམས་རབ་བྱིན་གྱིས་བརླབས། །ཏིང་ངེ་འཛིན་དང་གཟུངས་ཀྱི་དམ་པས་རབ་ཏུ་བརྒྱན། །དེ་བཞིན་གཤེགས་པའི་རྣམ་འཕྲུལ་
D44.035.0283b07.01