完整藏文原文 · 德格版页 当前仅加载第 35 函德格 339a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཇི་སྙེད་ཅིག་བཞུགས། སངས་རྒྱས་དག་པས་སུ་སྔ། རང་སངས་རྒྱས་དག་པས་སུ་སྔ། ཉན་ཐོས་དག་པས་སུ་སྔ། བྱང་ཆུབ་སེམས་དཔའ་དག་པས་སུ་སྔ། སངས་རྒྱས་དག་པས་སུ་འཕྱི། རང་སངས་རྒྱས་དག་
D44.035.0339a01.01པས་སུ་འཕྱི། ཉན་ཐོས་དག་པས་སུ་འཕྱི། སེམས་ཅན་དག་པས་སུ་འཕྱི། ཆོས་དག་པས་སུ་སྔ། འཇིག་རྟེན་གང་ནས་འོངས། འཇིག་རྟེན་གང་དུ་འགྲོ། འཇིག་རྟེན་གྱི་ཁམས་ཇི་སྙེད་ཅིག་ཆགས་པར་འགྱུར། འཇིག་རྟེན་གྱི་ཁམས་ཇི་སྙེད་ཅིག་གནས་པ་
D44.035.0339a02.01ཡིན། འཇིག་རྟེན་གྱི་ཁམས་གང་ནས་འོངས། འཇིག་རྟེན་གྱི་ཁམས་གང་ཞིག་ཡོངས་སུ་ཟད་པར་འགྱུར། འཁོར་བའི་སྔོན་གྱི་མཐའ་ནི་གང་། འཁོར་བའི་ཕྱི་མའི་མཐའ་ནི་གང་ཞེས་བྱ་བ། འདི་ནི་ལུང་མ་བསྟན་པའོ། །དེ་འདི་ལྟར་དྲན་པ་སྐྱེ་སྟེ།
D44.035.0339a03.01སེམས་ཅན་གང་སུ་ཡང་རུང་སྟེ། ཀུན་ཏུ་རྒྱུག་པ་དང་། ཀུན་ཏུ་འཁོར་བ་ཐམས་ཅད་ནི་ཆོས་འདི་དག་མི་ཤེས་པའི་ཕྱིར་ཏེ། དེ་ལྟར་ཐོས་པ་དང་མི་ལྡན་པའི་སོ་སོའི་སྐྱེ་བོ་རྣམས་ཀུན་ཏུ་རྒྱུག་གོ །ཀུན་ཏུ་འཁོར་རོ། །དེ་བས་ན་དེ་ནི་བདག་གིས་ཅི་ནས་ཀྱང་བསམ་
D44.035.0339a04.01པ་ཐམས་ཅད་ཐོས་པའི་མཛོད་བཟུང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ནས། དེ་བཞིན་ཉིད་ཀྱི་དོན་དུ་ཆོས་བསྟན་པར་བྱའོ། །ཞེས་བྱ་བ་འདི་ནི། ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་
D44.035.0339a05.01རྣམས་ཀྱི་ཐོས་པའི་གཏེར་ཏེ་ལྔ་པའོ། །ཀྱེ་རྒྱལ་བའི་སྲས་དག །དེ་ལ་བྱང་ཆུབ་སེམས་དཔའ་རྣམས་ཀྱི་གཏོང་པའི་གཏེར་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་གཏོང་བ་དང་ལྡན་པ་ཡིན། ཡོངས་སུ་གཏོང་བ་དང་ལྡན་པ་
D44.035.0339a06.01ཡིན། ནང་གི་གཏོང་བ་དང་ལྡན་པ་ཡིན། ཕྱི་རོལ་གྱི་གཏོང་བ་དང་ལྡན་པ་ཡིན། ཕྱི་ནང་གི་གཏོང་བ་དང་ལྡན་པ་ཡིན། ཐམས་ཅད་གཏོང་བ་དང་ལྡན་པ་ཡིན། འདས་པ་གཏོང་བ་དང་ལྡན་པ་ཡིན། མ་འོངས་པ་གཏོང་བ་དང་ལྡན་པ་ཡིན། ད་ལྟར་
D44.035.0339a07.01