完整藏文原文 · 德格版页 当前仅加载第 35 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གསེར་གྱི་པད་མ་སྣང་བའི་འོད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཕྱོགས་ཀུན་གྱི་དབྱིངས་སུ་རབ་ཏུ་འཇུག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་རབ་ཏུ་གཟིགས་པས་བསྒྱིངས་པ་ཞེས་བྱ་བ་བཞུགས་སོ། །དེའི་སྟེང་ན་
D44.035.0126b01.01འཇིག་རྟེན་གྱི་ཁམས་འོད་འཕྲོ་བའི་དཔལ་ཤིན་ཏུ་འབར་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤིང་མི་འམ་ཅིའི་རྒྱལ་པོ་རབ་ཏུ་འབར་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྤོས་ཀྱི་འོད་ཟེར་ཕྱོགས་ཀུན་ཏུ་རྣམ་པར་སྣང་བ་ཞེས་བྱ་བ་ཡོད་དེ། དེ་ན་
D44.035.0126b02.01དེ་བཞིན་གཤེགས་པ་སྤོས་ཀྱི་མར་མེ་ཤིན་ཏུ་སྤྲུལ་པའི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མེ་ཏོག་གི་ཆུན་པོ་ཚད་མེད་པའི་དཀྱིལ་འཁོར་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྒྱལ་བའི་ཡོན་ཏན་སྒོ་ཀུན་ནས་སྟོན་པ་ཞེས་བྱ་བ་བཞུགས་སོ། །
D44.035.0126b03.01དེའི་སྟེང་ན་འཇིག་རྟེན་གྱི་ཁམས་ཀུན་ནས་དགེ་བ་སྣ་ཚོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཐམས་ཅད་མཉམ་པ་ཉིད་ཀྱིས་རྣམ་པར་འཕྲུལ་པའི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་གསེར་གྱི་འོད་རྒྱ་མཚོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་
D44.035.0126b04.01ཕྱོགས་སུ་སྤྲུལ་པ་ཡངས་པའི་དབང་ཕྱུག་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མེ་ཏོག་གི་ཟེ་བའི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་གྲོལ་བའི་འོད་བསམ་གྱིས་མི་ཁྱབ་པའི་བློ་གྲོས་ཞེས་བྱ་བ་བཞུགས་སོ། །
D44.035.0126b05.01དེའི་སྟེང་ན་འཇིག་རྟེན་གྱི་ཁམས་དབང་པོའི་སེང་གེའི་ཁྲིའི་རི་བོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྒྱལ་བའི་སྟོབས་རབ་ཏུ་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་
D44.035.0126b06.01གྱི་ཁམས་ཁ་དོག་མཐའ་ཡས་པར་རིན་པོ་ཆེ་རྣམ་པར་སྣང་བ་ཞེས་བྱ་བ་ཡོད་དེ། འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་ཀུན་ནས་གྲུ་བཞིར་འདུག་པ། ཤིང་དང་མེ་ཏོག་དང་ནགས་ཚལ་གྱི་གཞི་རྒྱ་
D44.035.0126b07.01