完整藏文原文 · 德格版页 当前仅加载第 35 函德格 350a 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་ཀྱི་ཕྲེང་བ་བྱེ་བ་བརྒྱ་སྟོང་ཕྲག་བཅུས་ལུས་ཤིན་ཏུ་བརྒྱན་པ། མུ་ཏིག་དམར་པོའི་ཕྲེང་བ་བྱེ་བ་བརྒྱ་སྟོང་ཕྲག་བཅུས་ཡིད་དུ་འོང་བར་སྣང་བ། ནོར་བུ་རིན་པོ་ཆེའི་ཁ་དོག་དུ་མའི་ཕྲེང་བ་བྱེ་བ་བརྒྱ་སྟོང་ཕྲག་བཅུས་སྙིང་
D44.035.0350a01.01པོ་ཁ་དོག་སྣ་ཚོགས་ཤིང་ཁ་དོག་མཐའ་ཡས་པའི་མཐར་ཕྱིན་པ། དགའ་བར་བྱེད་པའི་ཕྲེང་བ་བྱེ་བ་བརྒྱ་སྟོང་ཕྲག་བཅུས་དག་པར་སྦྱངས་པ། ནོར་བུ་རིན་པོ་ཆེ་དཔལ་གྱི་འོད་ཟེར་གྱི་ཕྲེང་བ་བྱེ་བ་བརྒྱ་སྟོང་ཕྲག་བཅུས་དཔལ་ཆེན་པོ་རབ་ཏུ་འཐོབ་
D44.035.0350a02.01པ་ཐོབ་པར་གྱུར་པ། ནོར་བུའི་གཟུགས་བྱེ་བ་བརྒྱ་སྟོང་ཕྲག་བཅུས་ཕྱོགས་ཤིན་ཏུ་སྤ་བར་བརྒྱན་པ། རིན་པོ་ཆེ་དབང་པོའི་ཁ་དོག་བྱེ་བ་བརྒྱ་སྟོང་ཕྲག་བཅུ་ལ་གནས་ཡོངས་སུ་འཛིན་པ། དུས་དང་མཐུན་པའི་ཙན་དན་བྱེ་བ་བརྒྱ་སྟོང་ཕྲག་བཅུས་
D44.035.0350a03.01འཇིག་རྟེན་གྱི་ཁམས་ཐམས་ཅད་དུ་དྲི་ཞིམ་པོས་རྒྱས་པར་བྱས་པ། རིམ་གྲོ་བྱེད་པའི་མིའི་ཚོགས་བྱེ་བ་བརྒྱ་སྟོང་ཕྲག་བཅུས་སངས་རྒྱས་ཀྱི་ཞིང་ཐམས་ཅད་དུ་རྗེས་སུ་སོང་བ། སྤོས་ཀྱི་ཐུམ་པོ་ཤིན་ཏུ་ཆེ་བ་བྱེ་བ་བརྒྱ་སྟོང་ཕྲག་བཅུས་ཀུན་ཏུ་རྒྱས་པ། གཞན་གྱིས་ཕམ་པ་མེད་
D44.035.0350a04.01པའི་སྤོས་བྱེ་བ་བརྒྱ་སྟོང་ཕྲག་བཅུའི་དྲི་ཀུན་ཏུ་རྒྱས་པ། སྤོས་ཀྱི་གཟུགས་བྱེ་བ་བརྒྱ་སྟོང་ཕྲག་བཅུའི་དྲི་ཀུན་ཏུ་འབྱུང་བ། ཡིད་དུ་འོང་བའི་སྤོས་བྱེ་བ་བརྒྱ་སྟོང་ཕྲག་བཅུའི་དྲི་རབ་ཏུ་འབྱུང་བ། སྣང་བ་སྟོན་པའི་སྤོས་བྱེ་བ་བརྒྱ་སྟོང་ཕྲག་བཅུའི་དྲིས་འགྲོ་བ་
D44.035.0350a05.01ཀུན་ཏུ་གང་བ། དྲི་སྣ་ཚོགས་ཁ་དོག་མཐའ་ཡས་པ་བྱེ་བ་བརྒྱ་སྟོང་ཕྲག་བཅུས་སངས་རྒྱས་ཀྱི་ཞིང་ཐམས་ཅད་དུ་ཕྱིར་མི་ལྡོག་པར་ཞིམ་པ་བྱུག་པ་བྱེ་བ་བརྒྱ་སྟོང་ཕྲག་བཅུས་ཤིན་ཏུ་བྱུགས་པ། ཙན་དན་རྣམ་པ་ཐ་དད་པའི་སྤོས་བྱེ་བ་བརྒྱ་སྟོང་ཕྲག་
D44.035.0350a06.01བཅུས་ཚོན་དུ་བསྐུས་ཤིང་མཛེས་པ། སྤོས་རྣམ་པ་ཐ་དད་པ་བྱེ་བ་བརྒྱ་སྟོང་ཕྲག་བཅུས་དྲི་ཞིམ་པོར་ཤིན་ཏུ་བསྒོས་པ། ཨ་ག་རུ་ནག་པོ་པད་མོའི་སྙིང་པོ་བྱེ་བ་བརྒྱ་སྟོང་ཕྲག་བཅུའི་སྤྲིན་གྱི་སྙིང་པོར་བྱས་པ། བདུག་སྤོས་བྱེ་བ་བརྒྱ་སྟོང་
D44.035.0350a07.01