完整藏文原文 · 德格版页 当前仅加载第 35 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཆོས་རྣམས་ཐམས་ཅད་ཀྱང་། །རིམ་པས་དེ་ལྟར་འབྱུང་བ་ཡིན། །ཇི་ལྟར་ས་ལ་ལས་བྱས་པ། །ཁྱིམ་གྱི་དངོས་ལ་རིམ་པ་ཡིན། །དེ་བཞིན་སྦྱིན་པ་ཚུལ་ཁྲིམས་དག །བྱང་ཆུབ་སེམས་དཔའི་ཐོག་མར་འགྲོ། །རྒྱལ་པོའི་གནས་དང་གྲོང་རྡལ་རྣམས། །
D44.035.0208b01.01རུང་བའི་ཕྱིར་ནི་ར་བ་སྟེ། །དེ་བཞིན་བཟོད་པ་བརྩོན་འགྲུས་དག །བྱང་ཆུབ་སེམས་དཔའ་རུང་ཕྱིར་རོ། །ཇི་ལྟར་གདུགས་གཅིག་རྒྱལ་པོ་ནི། །ས་རྣམས་ཐམས་ཅད་སྐྱོང་བར་བྱེད། །དེ་བཞིན་བསམ་གཏན་ཤེས་རབ་དག །བྱང་ཆུབ་སེམས་དཔའི་སྐྱབས་བཞིན་ནོ། །
D44.035.0208b02.01འཁོར་ལོས་སྒྱུར་བའི་རྒྱལ་པོ་ནི། །བདེ་བ་ཐམས་ཅད་སྟེར་བ་ལྟར། །དེ་བཞིན་ཚངས་པའི་གནས་རྣམས་ཀྱང་། །བྱང་ཆུབ་སེམས་དཔའི་བདེ་བ་འབྱིན། །དེ་ནས་བྱང་ཆུབ་སེམས་དཔའ་འཇམ་དཔལ་གྱིས། བྱང་ཆུབ་སེམས་དཔའ་བཟང་པོའི་དཔལ་ལ་འདི་
D44.035.0208b03.01སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་སྟེ་སངས་རྒྱས་བཅོམ་ལྡན་འདས་རྣམས་ཀྱི་འབྱུང་བ་གཅིག་ན། སངས་རྒྱས་ཀྱི་ཞིང་རྣམས་ན་སྦྱོར་བ་རྣམ་པ་ཐ་དད་པ་དང་། །འདི་ལྟར་འཇིག་རྟེན་གྱི་ཁམས་རྣམ་པ་ཐ་དད་པ་དང་། ཆོས་བསྟན་པ་རྣམ་པ་ཐ་དད་པ་དང་། སེམས་ཅན་
D44.035.0208b04.01གདུལ་བ་རྣམ་པ་ཐ་དད་པ་དང་། ཚེའི་ཚད་རྣམ་པ་ཐ་དད་པ་དང་། འོད་ཀྱི་དཀྱིལ་འཁོར་རྣམ་པ་ཐ་དད་པ་དང་། རྫུ་འཕྲུལ་དང་རྣམ་པར་འཕྲུལ་པ་རྣམས་རྣམ་པ་ཐ་དད་པ་དང་། འཁོར་ཚོགས་པ་རྣམ་པ་ཐ་དད་པ་དང་། བསྟན་པའི་ཚུལ་རྣམ་པ་ཐ་དད་པ་དང་། ཆོས་
D44.035.0208b05.01ཀྱི་བྱིན་གྱི་རླབས་རྣམ་པ་ཐ་དད་པ་དག་ཅིའི་ཕྱིར་སྣང་བར་འགྱུར། སངས་རྒྱས་ཀྱི་ཆོས་ཐམས་ཅད་ཡོངས་སུ་མ་རྫོགས་པ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བར་མི་ནུས་སོ། །དེ་ནས་བྱང་ཆུབ་སེམས་དཔའ་བཟང་པོའི་
D44.035.0208b06.01དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་ཚིགས་སུ་བཅད་དེ་སྨྲས་པ། །ཆོས་ཀྱི་རྒྱལ་པོ་ཆོས་ཉིད་ནི། །འཇམ་དཔལ་རྟག་ཏུ་གཅིག་པ་སྟེ། །སྒྲིབ་པ་མེད་པ་གཟིགས་པ་ཡི། །འབྱུང་བ་དེ་ཡང་གཅིག་པུའོ། །སངས་རྒྱས་ཐམས་ཅད་
D44.035.0208b07.01