完整藏文原文 · 德格版页 当前仅加载第 35 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ནོར་དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་ཚིགས་སུ་བཅད་དེ་སྨྲས་པ། །གང་རྣམས་རབ་ཏུ་ཞི་སྤྱོད་ཅིང་། ཐོས་དང་ལྡན་པའི་ས་འདི་ཡིན། །འདི་དོན་ཇི་འདྲ་དེ་བཞིན་དུ། །འཇམ་དཔལ་བདག་ལས་མཉན་པར་གྱིས། །བདག་གི་
D44.035.0204b01.01ལུས་ལ་སུ་གནས་ཞེས། །གང་གི་ནང་ནི་རབ་ཤེས་པ། །ཡང་དག་ཡོད་དམ་མེད་པའི་དོན། །དེས་ནི་རབ་ཏུ་ཤེས་པ་ཡིན། །ལུས་ཀྱི་རྣམ་པར་དགོད་པ་ནི། །ཕྱོགས་ན་མི་གནས་བརྗོད་པ་ཡིན། །དེ་བས་ཤེས་པ་དེ་གནས་ལ། །ནམ་ཡང་ཆགས་པར་མི་བྱེད་
D44.035.0204b02.01དོ། །ལུས་ནི་རྣམ་པར་སྤྱད་པ་ཡིས། །དངོས་པོ་ཀུན་ཀྱང་རྣམ་པར་བསྒོམས། །སེམས་ནི་ཕྱིར་ལྡོག་མི་འགྱུར་ཏེ། །དངོས་པོ་ཀུན་ནས་བརྟགས་པའོ། །གང་གི་ཚེ་ནི་རྗེས་སུ་འབྲང་། །གང་གི་ཚེ་ནི་ཕྱིར་ལྡོག་འགྱུར། །ཇི་ལྟར་མགལ་མེ་འཁོར་ལོ་ཡི། །
D44.035.0204b03.01ཐོག་མ་ཐ་མ་བསྐོར་བ་བཞིན། །དངོས་པོ་ཐམས་ཅད་མི་རྟག་པར། །སྐྱེ་བོ་གང་རྣམས་རྟོགས་པ་ཡང་། །ལུས་ལ་བདག་ཀྱང་མེད་པའི་ཕྱིར། །འདུ་ཤེས་ཕྱིར་ཡང་ལྡོག་པར་འགྱུར། །བདག་མེད་རྨི་ལམ་ལྟ་བུ་ཡི། །ལས་ནི་ཀུན་ཏུ་རབ་ཏུ་འབྱུང་། །རྣམ་པར་
D44.035.0204b04.01སྨིན་པས་རབ་ཏུ་འབྱུང་། །ཕྱི་མ་ཇི་བཞིན་སྔོན་དེ་བཞིན། །སེམས་ནི་དབང་བྱེད་ཡིན་པར་བཤད། །དད་པའི་ཚུལ་ནི་ཇི་བཞིན་དུ། །ཚུལ་བཞིན་མ་ཡིན་ཕྱིན་ཅི་ལོག །འཇིག་རྟེན་ཐམས་ཅད་སྟོན་པར་བྱེད། །ཇི་སྙེད་འཇིག་རྟེན་བརྡ་ཡོད་པ། །དེ་དག་ཐམས་
D44.035.0204b05.01ཅད་བརྟགས་པ་སྟེ། །ཆོས་ཉིད་དེ་ནི་ནམ་དུ་ཡང་། །ཆོས་གཅིག་ལ་ཡང་མི་གནས་སོ། །རྐྱེན་རྣམས་ལ་ནི་རྟེན་བཅས་ཏེ། །ཆོས་རྣམས་སོ་སོར་རབ་ཏུ་འབྱུང་། །ཕྱི་མ་ཇི་བཞིན་སྔོན་དེ་བཞིན། །དེ་དག་ལྡོག་པར་དེ་བཞིན་འགྱུར། །དེ་ནས་བྱང་ཆུབ་སེམས་དཔའ་འཇམ་དཔལ་གྱིས་བྱང་ཆུབ་
D44.035.0204b06.01སེམས་དཔའ་རིན་ཆེན་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དག་སེམས་ཅན་ཐམས་ཅད་ཀྱི་འབྱུང་བ་ཆེན་པོ་བཞི་རྣམས་ཡོངས་སུ་འཛིན་པ་མེད་ཅིང་བདག་གི་མེད་ལ་མཉམ་པ་ཡིན་ཡང་། འོན་ཀྱང་བདེ་བའི་ཚོར་བ་དག་ཀྱང་སྣང་། སྡུག་བསྔལ་གྱི་ཚོར་བ་དག་ཀྱང་སྣང་།
D44.035.0204b07.01