完整藏文原文 · 德格版页 当前仅加载第 35 函德格 390b 版页；藏文 NFD、目录标记与异常页序保留在来源切片中，重复版页行以稳定序号区分。
པས། ཉེ་བར་བརྟན་ཅིང་ཡོངས་སུ་བསྔོ་བའི་མཆོག་སྐྱེས་བུ་དམ་པས་སྤྱད་པ་དང་ལྡན་པ་དང་། ཡོངས་སུ་དག་པའི་ཡིད་ཀྱིས་ཡང་དག་པར་རྟོག་པ་དང་། སེམས་དང་འདྲ་བའི་ཆོས་ཐམས་ཅད་ལ་ཞུགས་པ་དང་། སྒྱུ་མ་དང་འདྲ་བའི་ལས་
D44.035.0390b01.01ཡོངས་སུ་ཤེས་པ་དང་། མིག་ཡོར་ལྟ་བུའི་ལས་ཀྱི་རྣམ་པར་སྨིན་པ་ལ་མོས་པ་དང་། སྤྲུལ་པ་ལྟ་བུའི་མངོན་པར་འདུ་བྱེད་པ་ལ་གནས་པ་དང་། སྒྲ་བརྙན་ལྟ་བུའི་ལས་ལ་རྟེན་པ་དང་། གྲིབ་མ་ལྟ་བུའི་བྱང་ཆུབ་སེམས་དཔའི་སྤྱོད་པའི་རྗེས་སུ་སོང་
D44.035.0390b02.01བ་དང་། ཆགས་པ་མེད་པའི་ཆོས་ཀྱི་མིག་རབ་ཏུ་སྐྱེས་པ་དང་། བྱ་བ་མེད་པ་འབྱམ་ཀླས་པའི་རྗེས་སུ་སོང་བ་དང་། ཞི་བའི་རིགས་རབ་ཏུ་ཐོབ་པ་དང་། གཉིས་སུ་མེད་པ་དང་ལྡན་པའི་འདུས་བྱས་དང་། འདུས་མ་བྱས་ཀྱི་ཆོས་ཐམས་
D44.035.0390b03.01ཅད་ལ་རབ་ཏུ་ཞུགས་པ་དང་། ཆོས་མ་ནོར་བའི་མཚན་མ་ཐོབ་པར་བྱ་བ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱི་རྗེས་སུ་སོང་བ་དང་། མཚན་མ་ཐམས་ཅད་ལ་ཞེན་པ་མེད་པ་དང་། ཐུན་མོང་གི་ལས་ལ་མཁས་པའི་རྗེས་སུ་སོང་
D44.035.0390b04.01བ་དང་། ཆོས་དཀར་པོ་ཐམས་ཅད་རྒྱུན་མ་ཆད་པ་དང་། ཆགས་པ་ཐམས་ཅད་ཀྱིས་མངོན་པར་མ་ཞེན་པ་དང་། ཆགས་པ་མེད་པར་འགྲོ་བ་ལ་རྟེན་པ་དང་ལྡན་པ་ཡིན་ཏེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤིན་ཏུ་བསམ་པའི་
D44.035.0390b05.01བློ་དང་ལྡན་པ། དགེ་བའི་རྩ་བ་ལ་རྨོངས་པ་མེད་པ། ཆོས་ཐམས་ཅད་དང་འགལ་བ་མེད་པའི་ཆོས་ཅན་རྒྱུ་དང་ལས་དང་བྱ་བ་དང་། འགལ་བ་མེད་པ་ཡང་དག་པར་མཐོང་བ་ཡོངས་སུ་བསྔོ་བ་ལ་མཁས་པ། ངོ་བོ་ཉིད་ཀྱི་ཆོས་ཀྱི་ཚུལ་དང་
D44.035.0390b06.01ལས་རྣམ་པར་སྨིན་པ་མངོན་པར་བསྒྲུབས་པའི། ཕ་རོལ་ཏུ་ཕྱིན་པ་ཆོས་ཐམས་ཅད་ལ་རྣམ་པར་ལྟ་ཞིང་། རྣམ་པར་དཔྱོད་པའི་ཡེ་ཤེས་དང་ལྡན་པ། ཡོངས་སུ་བསྔོ་བའི་ཡེ་ཤེས་ཆེན་པོ་མངོན་པར་ཤེས་པ་ལ་ཤིན་ཏུ་རིག་པའི་དགེ་བའི་རྩ་བ་དང་
D44.035.0390b07.01