完整藏文原文 · 德格版页 当前仅加载第 35 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའ་ལྡིང་གི་དབང་པོ་ཆོས་བརྟན་པ་དྲི་མ་མེད་པའི་འོད་ཀྱི་རྣམ་པར་ཐར་པ་ནི། སེམས་ཅན་མཐའ་ཡས་པ་ཡོངས་སུ་སྨིན་པར་བྱ་བའི་ཡེ་ཤེས་རབ་ཏུ་ཕྱེ་བ་ཞེས་བྱའོ། །ནམ་མཁའ་ལྡིང་གི་དབང་པོ་ཅོད་པན་སྣ་ཚོགས་ཀྱི་དཔལ་གྱི་གཙུག་ཕུད་ཀྱི་
D44.035.0032a01.01རྣམ་པར་ཐར་པ་ནི། སངས་རྒྱས་ཀྱི་གྲོང་ཁྱེར་རབ་ཏུ་བརྒྱན་པ་ཡང་དག་པར་སྟོན་པ་ཞེས་བྱའོ། །ནམ་མཁའ་ལྡིང་གི་དབང་པོ་གཞི་ཀུན་ཏུ་ཁྱབ་པར་སྟོན་པའི་ཤུགས་ཀྱི་རྣམ་པར་ཐར་པ་ནི། སྟོབས་ཀུན་ནས་ཡང་དག་པར་བསྒྲུབ་པས་ཐུབ་པ་མེད་པའི་རྒྱན་ཅེས་བྱའོ། །
D44.035.0032a02.01ནམ་མཁའ་ལྡིང་གི་དབང་པོ་དགེ་བ་རྒྱ་མཚོ་ཀུན་ནས་ལྟ་བའི་རྣམ་པར་ཐར་པ་ནི། སེམས་ཅན་གྱི་རིས་ཐམས་ཅད་རྣམ་པར་བསྒོམ་པའི་ཚུལ་མངོན་པར་བསྒྲུབ་པ་ཞེས་བྱའོ། །ནམ་མཁའ་ལྡིང་གི་དབང་པོ་ཀླུའི་སྒྲ་ཡངས་པ་ཀུན་ཏུ་ལྟ་བའི་དཀྱིལ་འཁོར་གྱི་རྣམ་པར་ཐར་
D44.035.0032a03.01པ་ནི། སེམས་ཅན་མཐའ་ཡས་སྐྱེ་བ་དང་། འཆི་འཕོ་བ་ཤེས་པའི་ཡེ་ཤེས་ལ་ཡང་དག་པར་འཇུག་པ་ཞེས་བྱའོ། །དེ་ནས་ནམ་མཁའ་ལྡིང་གི་དབང་པོ་མཐུ་སྟོབས་ཆེན་པོའི་ཤུགས་ཀྱིས་སངས་རྒྱས་ཀྱི་མཐུས་འདབ་མ་བཟང་པོའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་
D44.035.0032a04.01པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཕྱོགས་བཅུའི་ཞིང་རྣམས་མ་ལུས་དབྱིངས་བཀང་ཞིང་། །འཇིག་རྟེན་མགོན་པོ་རྒྱ་ཆེན་སྤྱན་གྱིས་གཟིགས། །སེམས་ཅན་འདུལ་བ་དེ་ལ་ཚད་ཀྱང་མེད། །རང་བྱུང་རྣམ་ཐར་རྒྱ་ཆེན་
D44.035.0032a05.01ཤིན་ཏུ་ཡངས། །འཇིག་རྟེན་མགོན་གྱི་འཕྲུལ་སྟོབས་ཆགས་པ་མེད། །ཕྱོགས་བཅུའི་སྙིང་པོ་བྱང་ཆུབ་ཀུན་ན་བཞུགས། །རྒྱལ་བའི་མདོ་སྡེ་སྤྲིན་རྣམས་ཐམས་ཅད་ཀྱང་། །རིན་ཆེན་སྣ་ཚོགས་གཙུག་ཕུད་མཁའ་ལྡིང་ཉན། །སྔོན་གྱི་བདེ་བར་
D44.035.0032a06.01གཤེགས་པའི་སྤྱོད་པ་རྣམས། །ཕ་རོལ་ཕྱིན་པ་རྒྱ་ཆེན་བྱང་བ་མཐོང་། །སངས་རྒྱས་ཀུན་ལ་མཆོད་པ་ཡང་དག་བྱེད། །འདབ་མ་བཟང་པོ་ཤུགས་བཟང་དེ་བརྗོད་དོ། །སྐད་ཅིག་སེམས་ལ་བྱང་ཆུབ་སྤྱོད་མཐའ་ཡས། །ཐམས་ཅད་རྒྱལ་བའི་སྤུ་རྩེ་ཀུན་ན་སྣང་། །
D44.035.0032a07.01