完整藏文原文 · 德格版页 当前仅加载第 35 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ཕྲ་བ་སྙེད་དུ། རྡུལ་ཤིན་ཏུ་ཕྲ་བ་རེ་རེ་ལ་ཡང་གཟུགས་བརྙན་རབ་ཏུ་སྣང་བར་འབྱུང་བའོ། །ཅིའི་ཕྱིར་ན་འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་དེ་ལ། དེ་བཞིན་གཤེགས་པའི་ཕྱག་གི་མཐིལ་གྱི་
D44.035.0159b01.01སྙིང་པོ་ལ། རབ་ཏུ་གནས་པའི་འཇིག་རྟེན་གྱི་ཁམས་རྒྱ་མཚོ་ཞེས་བྱ་ཞེ་ན། བཅོམ་ལྡན་འདས་དེ་བཞིན་གཤེགས་པ་ཡེ་ཤེས་གང་ཆེན་མཚོ་རྣམ་པར་སྣང་མཛད་དེའི་ཕྱག་གི་མཐིལ་ན་རྡུལ་ཤིན་ཏུ་ཕྲ་བའི་སྙིང་པོ་ཞེས་བྱ་བ་ཡོད་དེ། དེའི་ནང་ན་རྣམ་པར་ཤེས་པའི་ཁམས་རྒྱ་
D44.035.0159b02.01མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དེ། དེ་དག་གི་སྟེང་ན་ཆོས་ཀྱི་དབྱིངས་རྒྱ་མཚོ་མཐའ་ཡས་པ་ཞེས་བྱ་བ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་སོ། །དེ་དག་གི་སྟེང་ན་ནམ་མཁའི་དབྱངས་རྒྱ་མཚོས་
D44.035.0159b03.01མཚམས་ཡོངས་སུ་ཆད་པ་མེད་པ་ཞེས་བྱ་བའི་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་སོ། །དེ་དག་གི་སྟེང་ན་{མྱེའི་,མེའི་}ཁམས་རྒྱ་མཚོ་དྲག་ཤུལ་ཅན་ཞེས་བྱ་བ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་སོ། །དེ་
D44.035.0159b04.01དག་གི་སྟེང་ན་ཆུའི་ཁམས་ཀྱི་རྒྱ་མཚོ་སྦྲང་རྩི་ཅན་ཞེས་བྱ་བ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་སོ། །དེ་དག་གི་སྟེང་ན་སའི་ཁམས་རྒྱ་མཚོ་རིན་པོ་ཆེའི་སྙིང་པོ་ཅན་ཞེས་བྱ་བ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་
D44.035.0159b05.01སྙེད་རབ་ཏུ་གནས་སོ། །དེ་དག་གི་སྟེང་ནས་མེ་ཏོག་མཚན་མ་མེད་པ་ལས་སྐྱེས་པ་ཞེས་བྱ་བ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མངོན་པར་འཐོན་ཏེ། མེ་ཏོག་དེ་དག་ཀྱང་སོ་སོ་ནས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་
D44.035.0159b06.01རྟེན་གྱི་ཁམས་རྒྱ་མཚོ་ཙམ་གྱི་ཐ་གྲུ་དང་ལྡན་པ་དག་སྟེ། དེ་དག་གི་སྟེང་ན་འཇིག་རྟེན་གྱི་ཁམས་རྒྱ་མཚོ་འདི་གནས་པས། དེའི་ཕྱིར་འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་དེ་ལ་དེ་བཞིན་གཤེགས་པའི་
D44.035.0159b07.01