完整藏文原文 · 德格版页 当前仅加载第 35 函德格 313b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བོས་པའི་སྒྲ་དང་། སྐྱི་གཡའ་བའི་སྒྲ་དང་། ཡིད་དུ་མི་འོང་བའི་སྒྲ་རྣ་བའི་སྤྱོད་ཡུལ་དུ་འོངས་པ་དང་། ཡིད་དུ་མི་འོངས་པའི་སྒྲ་རྣ་བའི་ཡུལ་དུ་འོངས་པ་དང་། སེམས་འཁྲུག་པར་བྱེད་པ་དང་། རྣ་བའི་རྣམ་པར་ཤེས་པ་འཁྲུག་པར་བྱེད་པ་དང་།
D44.035.0313b01.01དབང་པོ་དྲུག་འཕྲོག་པར་བྱེད་པ་དག་དང་འགྲོགས་པར་གྱུར་ཀྱང་། སྒྲ་དེ་ལྟ་བུ་དག་གིས་བྱང་ཆུབ་སེམས་དཔའི་སེམས་སྐད་ཅིག་ཀྱང་རྣམ་པར་འགྲུབ་པར་མི་འགྱུར་ཏེ། དྲན་པ་རྣམ་པར་འཁྲུག་པར་མི་འགྱུར་རོ། །སྤྱོད་ཡུལ་རྣམ་པར་འཁྲུག་པར་མི་འགྱུར་རོ། །
D44.035.0313b02.01མགོ་རྨོངས་པར་མི་འགྱུར་རོ། །འཁོར་བར་{མྱི་,མི་}འགྱུར་རོ། །བསླད་པར་མི་འགྱུར་རོ། །བྱང་ཆུབ་སེམས་དཔའ་དེ་ནི་འདི་ལྟར་སྒྲ་དེ་ལྟ་བུ་དག་ཡིད་དུ་འོང་ཞིང་འཐུན་པར་བྱེད་པ་དང་། ཡིད་དུ་མི་འོང་ཞིང་ཁོང་ཁྲོ་བར་བྱེད་པ་དང་། འཇིག་རྟེན་གྱི་
D44.035.0313b03.01ཁམས་གྲངས་མེད་པར་གྲགས་པར་བྱེད་པ་དག་གིས། སེ་གོལ་གཏོགས་པ་ཙམ་དུ་ཡང་ཏིང་ངེ་འཛིན་ལས་ལྡང་བར་མི་འགྱུར་རོ། །སྤྱོད་ཡུལ་ལས་ལྡང་བར་མི་འགྱུར་རོ། །ཆོས་ལ་འཇུག་པ་ལས་ལྡང་བར་མི་འགྱུར་རོ། །བྱང་ཆུབ་ཀྱི་སྤྱོད་པ་ལ་
D44.035.0313b04.01གཅིག་ཏུ་འདུས་པ་ལས་ལྡང་བར་མི་འགྱུར་རོ། །བྱང་ཆུབ་ཀྱི་སེམས་ཡོངས་སུ་བསྒོམ་པ་ལས་ལྡང་བར་མི་འགྱུར་རོ། །སངས་རྒྱས་རྗེས་སུ་དྲན་པ་ལས་ལྡང་བར་མི་འགྱུར་རོ། །ཆོས་ཡང་དག་པ་ཇི་ལྟ་བ་བཞིན་དུ་རྣམ་པར་བརྟགས་པ་ལས་ལྡང་
D44.035.0313b05.01བར་མི་འགྱུར་རོ། །སེམས་ཅན་ཡོངས་སུ་སྨིན་པར་བྱ་བའི་ཡེ་ཤེས་རྒྱུན་ཆད་པར་མི་འགྱུར་རོ། །སེམས་ཅན་ཡོངས་སུ་དག་པར་བྱ་བའི་གནས་ཤེས་པ་རྒྱུན་ཆད་པར་མི་འགྱུར་རོ། །དོན་ངེས་པར་ཤེས་པ་རྒྱུན་ཆད་པར་མི་འགྱུར་རོ། །གང་གིས་
D44.035.0313b06.01ལས་ཀྱི་སྒྲིབ་པར་འགྱུར་བའི་སྡིག་ཏོའི་ལས་{སྩོགས་,སོགས་}པར་མི་བྱེད་དོ། །གང་གིས་ཉོན་མོངས་པའི་སྒྲིབ་པར་འགྱུར་བའི་ཉོན་མོངས་པ་བསྡུད་པར་མི་བྱེད་དོ། །གང་གིས་ཆོས་ཀྱི་སྒྲིབ་པར་འགྱུར་བའི་ཆོས་ལ་རིམ་གྲོར་བྱེད་པར་མི་བྱེད་དོ། །གང་གིས་ཆོས་
D44.035.0313b07.01