完整藏文原文 · 德格版页 当前仅加载第 35 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་བུ་དགའ་བ་དམ་པས་རྣམ་པར་སྣང་བའི་རྣམ་པར་ཐར་པ་ནི། གཟུངས་རྒྱ་མཚོ་ལ་སྒོ་ཀུན་ནས་རབ་ཏུ་བརྟེན་པ་རྒྱ་མཚོའི་རྗེས་སུ་འགྲོ་བ་ཞེས་བྱའོ། །ལྷའི་བུ་འཇིག་རྟེན་དབྱངས་ཀྱི་བློ་གྲོས་ཀྱི་རྣམ་པར་ཐར་པ་ནི། སངས་རྒྱས་སྐྱེ་བ་ཤིན་ཏུ་དཀོན་
D44.035.0015a01.01པའི་བསམ་པ་བསྐྱེད་པས་མོས་པ་སྦྱོར་བའི་སྙིང་པོ་ཞེས་བྱའོ། །ལྷའི་བུ་གཟི་བརྗིད་འབར་བའི་བདག་པོའི་རྣམ་པར་ཐར་པ་ནི། སེམས་ཅན་ཐམས་ཅད་ལ་ཆོས་ཀྱི་ཤུགས་ཀྱིས་དགའ་བ་བསྐྱེད་ཅིང་སྒྲོལ་བ་ཞེས་བྱའོ། །ལྷའི་བུ་ཆོས་ཀྱི་དགའ་བས་འཕྲུལ་པའི་སེམས་
D44.035.0015a02.01ཀྱི་རྣམ་པར་ཐར་པ་ནི། བྱང་ཆུབ་སེམས་དཔའི་འདུལ་བ་མཐའ་ཡས་པ་ཐམས་ཅད་ནམ་མཁའ་ལྟར་ཟད་མི་ཤེས་པའི་སྒོ་རབ་ཏུ་འཇུག་པ་ཞེས་བྱའོ། །ལྷའི་བུ་འཕྲུལ་པས་ཤིན་ཏུ་འཕགས་པའི་རྣམ་པར་ཐར་པ་ནི། སེམས་ཅན་གྱི་ཉོན་མོངས་པ་མཐའ་ཡས་པའི་སྙིང་རྗེ་
D44.035.0015a03.01དང་། ཡེ་ཤེས་ཀྱིས་རྒྱས་པར་འགེངས་པ་ཞེས་བྱའོ། །དེ་ནས་ལྷའི་རྒྱལ་པོ་དགེ་བར་གྲགས་པའི་བློ་གྲོས་ཀྱིས་སངས་རྒྱས་ཀྱི་མཐུས། དགེ་ཆུང་དང་། ཚད་མེད་དགེ་བ་དང་། དགེ་རྒྱས་ཀྱི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ཏེ། དེའི་ཚེ་
D44.035.0015a04.01ཚིགས་སུ་བཅད་པ་འདི་དག་སྨྲས་སོ། །ཆགས་མེད་སྤྱོད་པའི་ཆོས་ཉིད་འདི་ལ་ལྟོས། །མི་ཟད་ཕྱོགས་རྣམས་རབ་ཏུ་རྒྱས་བཀང་སྟེ། །བསམ་གྱིས་མི་ཁྱབ་སངས་རྒྱས་ཡུལ་ཡང་སྟོན། །རྣམ་ཐར་ཚུལ་གྱིས་རྒྱ་མཚོ་ཟད་མི་ཤེས། །བདེ་གཤེགས་
D44.035.0015a05.01འཇིག་རྟེན་ཀུན་ལ་{མྱི་,མི་}གནས་ཏེ། །ཆོས་དབྱིངས་དམ་པ་ཀུན་ནས་འབྱུང་བ་མེད། །མིག་ཡོར་སྤྱོད་ཡུལ་ཞིང་རྣམས་ཐམས་ཅད་དེ། །ཚུལ་འདི་མཆོག་ཏུ་སྣང་བའི་ལྷ་ཡིའོ། །བསྐལ་པ་རྒྱ་མཚོར་ཐབས་ལ་གནས་པས་ན། །སངས་རྒྱས་འཇིག་རྟེན་ཀུན་ནས་
D44.035.0015a06.01རྣམ་པར་མཛེས། །ཆོས་དབྱིངས་དེ་བཞིན་ཉིད་ལ་རབ་ཏུ་གནས། །དེ་ལ་རབ་ཞི་དཔལ་གྱི་ལྷ་འཇུག་གོ །སེམས་ཅན་གཏི་མུག་རབ་རིབ་སྒྲིབས་པས་བསྒྲིབས། །འཁོར་བའི་སྤྱོད་ཡུལ་མདོངས་གྱུར་དེ་དག་ལ། །རྒྱལ་བ་དགེ་བའི་ལམ་རྣམས་རབ་སྟོན་ཏེ། །
D44.035.0015a07.01