完整藏文原文 · 德格版页 当前仅加载第 35 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་ཅིག་གིས་ཡོངས་སུ་བསྟན་པ་ལ་མངོན་པར་ཕྱོགས་པའི་སྣོད་ཡང་དག་པར་སྟོན་པ་ཞེས་བྱའོ། །དེ་ནས་ལྷའི་རྒྱལ་པོ་རབ་དགའ་ལྡན་གྱིས་སངས་རྒྱས་ཀྱི་མཐུས་དགའ་ལྡན་གྱི་རིས་སུ་གཏོགས་པའི་ལྷའི་བུའི་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་
D44.035.0020b01.01བཅད་པ་འདི་དག་སྨྲས་སོ། །ཆོས་དབྱིངས་དམ་པ་དེ་བཞིན་གཤེགས་པ་སྟེ། །སེམས་ཅན་ཀུན་དང་མཉམ་ཉིད་མཉམ་པར་འགྱུར། །བསམ་པ་སྣ་ཚོགས་རྒྱལ་བའི་ཆོས་ཉིད་དེ། །དྲི་མེད་བསམ་གྱིས་མི་ཁྱབ་རབ་ཏུ་འཇུག །སངས་རྒྱས་སྐུ་ནི་ཕྱོགས་ལ་ཐོགས་
D44.035.0020b02.01པ་མེད། །གཟུང་བ་མེད་ཅིང་ཆགས་པ་གང་ཡང་མེད། །འགྲོ་བའི་གཟུགས་ཀྱི་སྒོ་རྣམས་ཀུན་ལ་སྣང་། །རྣམ་ཐར་དེ་ལ་དགའ་བའི་གཙུག་ཕུད་འཇུག །སྨོན་ལམ་རྒྱ་མཚོས་ཇི་ལྟར་རྣམ་སྦྱངས་པའི། །སྔོན་གྱི་རྒྱལ་བའི་སྤྱོད་པ་རྣམས་ལ་ལྟོས། །ཐམས་ཅད་
D44.035.0020b03.01ཆོས་ཀྱི་དཀྱིལ་འཁོར་ཡོངས་སུ་རྒྱས། །དེ་ཡི་ཚུལ་ལ་ཡོན་ཏན་རྒྱ་མཚོ་འཇུག །བདེ་གཤེགས་ཆོས་སྐུ་བསམ་གྱིས་མི་ཁྱབ་སྟེ། །ཆོས་ཀྱི་དབྱིངས་ནི་མིག་ཡོར་མཚན་ཉིད་དོ། །ཐམས་ཅད་ཆོས་ཀྱི་འོད་ཟེར་སྣང་བ་གཏོང་། །ཞི་བའི་འོད་ཟེར་སྣང་བས་འདི་
D44.035.0020b04.01ལྟར་མཐོང་། །འགྲོ་བ་ཉོན་མོངས་ལས་ཀྱི་མུན་པས་བསྒྲིབས། །འཇིགས་དོགས་བག་མེད་དྲེགས་པའི་ཡུལ་ཅན་ལ། །རྒྱལ་བ་ཞི་བའི་ཆོས་ཉིད་རབ་ཏུ་སྟོན། །དགའ་བ་བཟང་པོའི་མིག་གིས་དགའ་བར་མཐོང་། །མགོན་པོ་འཇིག་རྟེན་ཐམས་ཅད་སྐྱབས་གྱུར་ཅིང་། །
D44.035.0020b05.01གནས་དང་མགོན་དུ་གྱུར་པ་རབ་འབྱུང་སྟེ། །རྒྱལ་བ་སེམས་ཅན་ཀུན་ལ་བདེ་བ་སྟོན། །དེ་ཡི་ཚུལ་ལ་རྩེ་མོའི་ཟླ་བ་འཇུག །སངས་རྒྱས་ཐམས་ཅད་སྤྱོད་ཡུལ་བསམ་མི་ཁྱབ། །ཆོས་དབྱིངས་དམ་པ་དེ་བཞིན་གཤེགས་པ་སྟེ། །ཐམས་ཅད་ཆོས་དབྱིངས་
D44.035.0020b06.01ཕ་རོལ་ཕྱིན་པ་བརྙེས། །དེ་ནི་བརྩོན་པའི་བློ་གྲོས་དགའ་བའོ། །ཕྱོགས་བཅུ་དག་ན་སེམས་ཅན་སྣོད་གྱུར་ཅིང་། །བསོད་ནམས་རྒྱ་མཚོས་རྣམ་དག་སྤྱོད་ཡུལ་ཅན། །སངས་རྒྱས་ཡོན་ཏན་ཐོས་ཤིང་བྱང་ཆུབ་འཇུག །རྡོ་རྗེ་རྡུལ་གྱི་འོད་ནི་འདི་ལྟར་སེམས། །ཞིང་
D44.035.0020b07.01