完整藏文原文 · 德格版页 当前仅加载第 35 函德格 320a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཡང་མ་ཡིན། འཁོར་བའི་རྒྱུད་ལ་གནས་པ་ཡང་མ་ཡིན་ཏེ། ཚུ་རོལ་གྱི་མུ་ནས་སེམས་ཅན་རྣམས་བསྐྱོད་དེ། ཕ་རོལ་གྱི་ངོགས་བདེ་བ། འཇིགས་པ་མེད་པ། འཚེ་བ་མེད་པ། འཁྲུག་པ་མེད་པར་རབ་ཏུ་བཞག་ཀྱང་སེམས་
D44.035.0320a01.01ཅན་གྱི་ཁམས་བགྲང་བའི་ཚུལ་གྱིས་མངོན་པར་ཆགས་པ་མེད་དོ། །སེམས་ཅན་གཅིག་ལས་བསྐྱོད་ནས་མང་པོ་ལ་མངོན་པར་ཆགས་པར་ཡང་མི་བྱེད། མང་པོ་ལས་བསྐྱོད་ནས་སེམས་ཅན་གཅིག་ལ་མངོན་པར་ཆགས་པར་ཡང་མི་བྱེད། སེམས་ཅན་གྱི་
D44.035.0320a02.01ཁམས་འཕེལ་བར་ཡང་མི་བྱེད། བྲི་བར་ཡང་མི་བྱེད། སེམས་ཅན་གྱི་ཁམས་སྐྱེ་བར་ཡང་མི་བྱེད། འགོག་པར་ཡང་མི་བྱེད། ཟད་པར་ཡང་མི་བྱེད། {སྩོགས་,སོགས་}པར་ཡང་མི་བྱེད། རྣམ་པར་རྟོག་པར་ཡང་མི་བྱེད། རྣམ་པ་གཉིས་སུ་ཡང་མི་བྱེད་དོ། །
D44.035.0320a03.01དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་ནི་སེམས་ཅན་གྱི་ཁམས་ལ་ཞུགས་ཤིང་ཁོང་དུ་ཆུད་པ་སྟེ། ཆོས་ཀྱི་དབྱིངས་ཇི་ལྟ་བར་སེམས་ཅན་གྱི་ཁམས་ཀྱང་དེ་བཞིན་ཏེ། སེམས་ཅན་གྱི་ཁམས་དང་ཆོས་ཀྱི་དབྱིངས་དེ་ལ་གཉིས་སུ་མེད་དོ། །
D44.035.0320a04.01གཉིས་སུ་མེད་པའི་ཆོས་ལ་ནི་འབྲི་བའམ། འཕེལ་བའམ། འགག་པ་ཡང་མེད་དེ། ཆོས་ཀྱི་རང་བཞིན་ནི་རང་བཞིན་གྱིས་མེད་པར་འགྱུར་བའམ། ལེན་པའམ། གནས་པའམ། མངོན་པར་ཆགས་པའམ། གཉིས་སུ་འགྱུར་བ་མེད་དོ། །དེ་
D44.035.0320a05.01ཅིའི་ཕྱིར་ཞེ་ན། ཆོས་ཐམས་ཅད་ཆོས་ཀྱི་དབྱིངས་བསྟན་པའི་ཚུལ་དུ་གཉིས་སུ་མེད་པའི་ཕྱིར་རོ། །དེ་ལྟར་ན་བྱང་ཆུབ་སེམས་དཔའ་ཆོས་ཀྱི་དབྱིངས་རབ་ཏུ་དབྱེ་བའི་མཁས་པ་ཁོང་དུ་ཆུད་པ་ཡིན་ཏེ། མཚན་ཉིད་རྣམ་པར་དག་པའི་ལུས་དང་།
D44.035.0320a06.01དངོས་པོ་མེད་པ་ཡོངས་སུ་ཤེས་པ་དང་། ཆོས་ཀྱི་མཚན་ཉིད་དང་རང་བཞིན་ཡོངས་སུ་རྟོགས་པས་མཚན་ཉིད་མེད་པ་ལ་གནས་པ་ཡིན། དེ་ནི་སེམས་ཅན་རྣམ་པ་སྣ་ཚོགས་ཀྱང་ཤེས། སེམས་ཅན་གྱི་གྲངས་ཀྱང་ཤེས་ཏེ། འཇིག་རྟེན་གྱི་ཁམས་རྣམས་
D44.035.0320a07.01