完整藏文原文 · 德格版页 当前仅加载第 35 函德格 324b 版页；藏文 NFD、目录标记与异常页序保留在来源切片中，重复版页行以稳定序号区分。
པར་དམིགས་པས་མི་སླུ་བའི་ལུས་རྣམས་དང་། འཆི་འཕོ་བ་དང་སྐྱེ་བ་ལས་འདས་པས་མི་འཕོ་བའི་ལུས་རྣམས་དང་། ཆོས་ཀྱི་དབྱིངས་ཀྱི་རང་བཞིན་འཇིག་པར་མི་བྱེད་པས། མི་འཇིགས་པའི་ལུས་རྣམས་དང་། དུས་གསུམ་གྱི་ཚིག་གི་ལམ་ལ་བརྩོན་པས་སྐད་ཅིག་གཅིག་
D44.035.0324b01.01གི་ལུས་རྣམས་དང་། ཆོས་ཀྱི་མཚན་ཉིད་ཤིན་ཏུ་རྟོགས་པའི་མཐར་ཐུག་པས་མཚན་ཉིད་མེད་པའི་ལུས་རྣམས་དང་། ལུས་རྣམ་པར་ཕྱེ་བ་འབྱམ་ཀླས་པ་བཅུ་པོ་དེ་དག་དང་ལྡན་པའི་བྱང་ཆུབ་སེམས་དཔའ་ནི་དགེ་བའི་རྩ་བ་ཐམས་ཅད་བསྐྱེད་པ་
D44.035.0324b02.01ལ་སེམས་ཅན་ཐམས་ཅད་ཀྱི་གནས་ཡིན་ནོ། །དབུགས་ཆེན་པོ་ཕྱིན་པར་བྱ་བ་ལ་སེམས་ཅན་ཐམས་ཅད་ཀྱི་དཔུང་གཉེན་ཡིན་ནོ། །གནས་ཆེན་པོ་ཐོབ་པར་བྱ་བ་ལ་སེམས་ཅན་ཐམས་ཅད་ཀྱི་སྐྱབས་ཡིན་ནོ། །བླ་ན་མེད་པའི་འབྱུང་བ་མཐོང་བར་བྱ་
D44.035.0324b03.01བ་ལ་སེམས་ཅན་ཐམས་ཅད་ཀྱི་རྟེན་ཡིན་ནོ། །ཆོས་ཀྱི་ཚུལ་ལ་འཇུག་པར་བྱ་བ་ལ་སེམས་ཅན་ཐམས་ཅད་ཀྱི་འདྲེན་པ་ཡིན་ནོ། །ལས་ཀྱི་རྣམ་པར་སྨྱིན་པ་རྣམ་པར་དམིགས་པར་བྱ་བ་ལ་སེམས་ཅན་ཐམས་ཅད་ཀྱི་མེ་མར་ཡིན་ནོ། །ཆོས་
D44.035.0324b04.01ཟབ་མོ་རབ་ཏུ་ཐོབ་པར་བྱ་བ་ལ་འཇིག་རྟེན་ཐམས་ཅད་ཀྱི་སྣང་བ་ཡིན་ནོ། །ཆོས་ཐམས་ཅད་ཇི་ལྟ་བ་བཞིན་དུ་རྨོངས་པ་མེད་པར་ཁོང་དུ་ཆུད་པར་བྱ་བ་ལ་ཁམས་གསུམ་ཐམས་ཅད་ཀྱི་སྒྲོན་མ་ཡིན་ནོ། །སྣང་བའི་ས་རབ་ཏུ་ཐོབ་པར་བྱ་བ་ལ་འཇིག་
D44.035.0324b05.01རྟེན་ཐམས་ཅད་ཀྱི་སྣང་བ་ཡིན་ནོ། །སངས་རྒྱས་ཀྱི་རྣམ་པར་འཕྲུལ་པ་ཡང་དག་པར་བསྟན་པར་བྱ་བ་ལ་འགྲོ་བ་ཐམས་ཅད་རབ་ཏུ་དགའ་བ་ཡིན་ནོ། །ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི།
D44.035.0324b06.01བྱང་ཆུབ་སེམས་དཔའི་སྤྱོད་པ་དགུ་པ་ཆོས་བཟང་པོ་ཞེས་བྱ་བ་སྟེ། དེ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སངས་རྒྱས་ཀྱི་ཆོས་ཐམས་ཅད་དུ་འཇུག་པར་བྱ་བ་ལ་འགྲོ་བ་ཐམས་ཅད་ཀྱི་མུ་སྟེགས་ཡིན་ནོ། །
D44.035.0324b07.01