完整藏文原文 · 德格版页 当前仅加载第 35 函德格 335b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་ན་བྱང་ཆུབ་སེམས་དཔའ་ལྷག་པར་ལྟ་བ་མེད་པའི་ཚུལ་ཁྲིམས་དང་ལྡན་པ་ཡིན་ནོ། །ཇི་ལྟར་ན་བྱང་ཆུབ་སེམས་དཔའ་འགལ་བ་མེད་པའི་ཚུལ་ཁྲིམས་དང་ལྡན་པ་ཡིན་ཞེ་ན། འདི་ལ་བྱང་ཆུབ་སེམས་དཔའ་མ་བཅས་པ་ནི་འཆའ་བར་མི་བྱེད། བཅས་
D44.035.0335b01.01པ་ནི་གཅོད་པར་མི་བྱེད་དེ། དེ་ནི་མྱ་ངན་ལས་འདས་པའི་མཐར་ཐུག་ཏུ་ཇི་ལྟར་མཐུན་པའི་ཆོས་དང་ལྡན་པ་ཡིན་ནོ། །གང་གིས་ཕ་རོལ་གྱི་སྡུག་བསྔལ་གྱི་རྒྱུར་འགྱུར་བ་དང་། ཕ་རོལ་འཁྲུལ་བར་འགྱུར་བའི་ཚུལ་ཁྲིམས་དེ་ལྟ་བུ་དམ་བཅའ་བ་ལ་
D44.035.0335b02.01དམ་བཅས་ཤིང་མི་གནས་ཏེ། དེ་ནི་འདི་ལྟར་ཕ་རོལ་གྱི་སེམས་དང་བར་བྱ་བའི་ཕྱིར་ཚུལ་ཁྲིམས་ཡང་དག་པར་ལེན་པར་བྱེད་དོ། །ཇི་ལྟར་ན་བྱང་ཆུབ་སེམས་དཔའ་གཞན་ལ་མི་གནོད་པའི་ཚུལ་ཁྲིམས་དང་ལྡན་པ་ཡིན་ཞེ་ན། འདི་ལ་བྱང་ཆུབ་
D44.035.0335b03.01སེམས་དཔའ་སེམས་ཅན་ཐམས་ཅད་བརྩེ་བའི་ཕྱིར། ཚུལ་ཁྲིམས་ཀྱི་རིག་སྔགས་དང་། གསང་སྔགས་དང་། སྨན་གྱི་སྦྱོར་བ་དེ་ལྟ་བུ་མི་སྒྲུབ་ཀྱི། དེ་ནི་སེམས་ཅན་ཐམས་ཅད་བསྐྱབ་པའི་ཕྱིར་ཚུལ་ཁྲིམས་ཡང་དག་པར་བླངས་ཏེ།
D44.035.0335b04.01གནས་སོ། །ཇི་ལྟར་ན་བྱང་ཆུབ་སེམས་དཔའ་མ་འདྲེས་པའི་ཚུལ་ཁྲིམས་དང་ལྡན་པ་ཡིན་ཞེ་ན། འདི་ལ་བྱང་ཆུབ་སེམས་དཔའ་ཆད་པར་ལྟ་བ་དང་། རྟག་པར་ལྟ་བ་དང་། འདྲེས་པའི་ཚུལ་ཁྲིམས་ཡང་དག་པར་ལེན་པར་མི་བྱེད་དེ། དེ་ནི་
D44.035.0335b05.01འདི་ལྟར་རྟེན་ཅིང་འབྲེལ་པར་འབྱུང་བ་ལ་རྟེན་པའི་ཚུལ་ཁྲིམས་ཡང་དག་པར་ལེན་ཏོ། །ཇི་ལྟར་ན་བྱང་ཆུབ་སེམས་དཔའ་ཉེ་བའི་ཉོན་མོངས་པ་མེད་པའི་ཚུལ་ཁྲིམས་དང་ལྡན་པ་ཡིན་ཞེ་ན། ཡོན་ཏན་མེད་པ་བསྟན་པར་བྱ་བའི་ཕྱིར་གཞན་གྱི་སེམས་ལ་
D44.035.0335b06.01བལྟ་ཞིང་། རྟོག་པ་རྣམ་པ་སྣ་ཚོགས་སུ་འགྱུར་བ་མ་ཡིན་ནོ། །དེ་ནི་འདི་ལྟར་ཆོས་ཀྱིས་ངོམས་པ་དང་ལྡན་པ་ཡིན་ཏེ། འབྱུང་བའི་ལམ་ཚོལ་ཞིང་སྦྱོར་བའི་ཚུལ་ཁྲིམས་ཡང་དག་པར་བླངས་ཏེ་གནས་སོ། །ཇི་ལྟར་ན་བྱང་ཆུབ་སེམས་དཔའ་སྐྱོན་
D44.035.0335b07.01