完整藏文原文 · 德格版页 当前仅加载第 35 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བའི་དགའ་བ་རྒྱ་ཆེན་རབ་ཏུ་སྐྱེད། །མི་སྒུལ་དབང་ཕྱུག་ལྷ་ཡིས་དེ་མཐོང་ངོ་། །སེམས་ཅན་རྒྱ་མཚོ་གཏི་མུག་མུན་བསྒྲིབས་ལ། །སངས་རྒྱས་ཆོས་ཉིད་རབ་ཏུ་ཞི་བ་སྟོན། །ཤེས་རབ་སྒྲོན་མ་འགྲོ་བ་འདི་བརྗོད་དེ། །དགེ་བའི་{མྱིག་,མིག་}ནི་འདི་ཡི་ཚུལ་ལ་འཇུག །སངས་རྒྱས་
D44.035.0013b01.01ཀུན་ཀྱང་རྣམ་དག་སྐུ་སྟོན་ཅིང་། །ཐམས་ཅད་ཕྱོགས་སུ་ཤིན་ཏུ་འཕགས་པའི་སྐུ། །དེ་ཡང་དངོས་མེད་འཇིག་རྟེན་མི་གནས་ཏེ། །ཀུན་སྣང་སེམས་དཔའ་འདི་ནི་དེ་ལྟར་བལྟ། །མཐའ་ཡས་ཆགས་མེད་རྒྱལ་བ་རྣམས་ཀྱི་གསུང་། །སྣོད་དུ་གྱུར་པའི་སེམས་ཅན་དེ་དག་ཉན། །
D44.035.0013b02.01སངས་རྒྱས་རྣམས་ལས་འཕོ་བར་མི་སྣང་སྟེ། །འདི་ནི་ཤེས་པས་དགའ་བའི་རྣམ་ཐར་ཏོ། །ཐམས་ཅད་ཕྱོགས་སྒོ་ཀུན་ནས་སངས་རྒྱས་ཏེ། །མི་ཡི་དབང་པོ་རྣམ་ཐར་ཞི་ལ་བཞུགས། །སངས་རྒྱས་འཇིག་རྟེན་སྣང་ཞིང་རྣམ་པར་མཛེས། །འདི་ནི་སྣ་ཚོགས་རྒྱལ་མཚན་རྣམ་
D44.035.0013b03.01ཐར་ཏོ། །རྒྱལ་བ་བསྐལ་པ་རྒྱ་མཚོ་མཐའ་ཡས་སུ། །འགྲོ་བ་ཀུན་དོན་རྣམ་པར་བྱང་ཆུབ་ཅིང་། །སྣ་ཚོགས་རྣམ་པར་འཕྲུལ་པས་སེམས་ཅན་འདུལ། །རྣམ་པར་སྣང་བས་རྣམ་ཐར་འདི་མཐོང་ངོ་། །དེ་ལ་ལྷའི་རྒྱལ་པོ་ཆོས་ཀྱི་དཔལ་གཟི་བརྗིད་དགའ་བའི་རྣམ་
D44.035.0013b04.01པར་ཐར་པ་ནི། སེམས་ཅན་ཐམས་ཅད་ཀྱི་དབང་པོ་དང་ཐེ་ཙོམ་རྣམ་པར་བལྟ་བའི་ཆོས་ཀྱི་སྤྲིན་ལ་རབ་ཏུ་གཞོལ་བ་ཞེས་བྱའོ། །ལྷའི་རྒྱལ་པོ་དྲི་མེད་སྣ་ཚོགས་རྒྱ་མཚོའི་རྣམ་པར་ཐར་པ་ནི། སངས་རྒྱས་རྗེས་སུ་དྲན་པའི་རྣམ་པ་ཐམས་ཅད་ཡིད་ལ་བྱེད་པ་སྟོན་པ་སྦྱོར་བ་ཞེས་
D44.035.0013b05.01བྱའོ། །ལྷའི་རྒྱལ་པོ་ཤེས་རབ་མཆོག་གི་འོད་ཀྱི་རྣམ་པར་ཐར་པ་ནི། ཆོས་ཀྱི་རང་བཞིན་མཉམ་པ་ཉིད་ལ་གནས་པ་ལུས་ཀྱི་རྒྱན་ཅེས་བྱའོ། །ལྷའི་རྒྱལ་པོ་ཡེ་ཤེས་དབང་པོའི་དཔལ་གྱི་རྣམ་པར་ཐར་པ་ནི། འཇིག་རྟེན་གྱི་ཆོས་ཐམས་ཅད་རྣམ་པར་སྒོམ་པའི་སེམས་སྐད་ཅིག་
D44.035.0013b06.01ཏུ་བསམ་གྱིས་མི་ཁྱབ་རྒྱན་རྒྱ་མཚོ་ལ་རབ་ཏུ་གནས་པ་ཞེས་བྱའོ། །ལྷའི་དབང་པོ་དགའ་བ་ཞི་བའི་རྣམ་པར་ཐར་པ་ནི། སྐྲའི་སྦུབས་གཅིག་ཏུ་སངས་རྒྱས་ཀྱི་ཞིང་བསམ་གྱིས་མི་ཁྱབ་པ་ཡོད་དགུ་འཛུད་པ་ཞེས་བྱའོ། །ལྷའི་རྒྱལ་པོ་སྒོ་ཀུན་ནས་ཤེས་པའི་མིག་གི་རྣམ་
D44.035.0013b07.01