完整藏文原文 · 德格版页 当前仅加载第 35 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་འབེབས། །ཆོས་རྗེ་ཐམས་ཅད་སྟོབས་ཀྱིས་རྣམ་པར་དག །བདེ་གཤེགས་ཡེ་ཤེས་མཁའ་འདྲ་མཐའ་ཡས་ཏེ། །རྒྱ་ཆེན་འགྲོ་བ་མཐའ་དབུས་{མྱེད་,མེད་}བཀང་ཞིང་། །རྒྱལ་བ་སྟོབས་ལ་འཇུག་པ་རབ་ཏུ་སྟོན། །སངས་རྒྱས་འོད་ཀྱིས་ཆོས་དབྱིངས་
D44.035.0057a01.01ཀུན་བཀང་ཞིང་། །སངས་རྒྱས་སྤྱོད་པ་ཐམས་ཅད་རྫོགས་པར་བསྟན། །རྒྱལ་བས་སྔོན་ཚེ་ཇི་ལྟར་རྣམ་སྦྱངས་པ། །དེ་བཞིན་ཡེ་ཤེས་ས་རྣམས་རྒྱལ་བས་བསྟན། །ཕྱོགས་རྣམས་ཀུན་ཏུ་རང་བྱུང་རྣམ་པར་མཛེས། །སྨོན་ལམ་རྣམ་པར་འཕྲུལ་པ་མ་ལུས་སྟོན། །
D44.035.0057a02.01ཇི་ལྟར་སྔོན་ཚེ་རྒྱལ་བས་ཡོངས་སྦྱངས་པ། རྒྱལ་བའི་འོད་ཟེར་དྲ་བ་ཀུན་ནས་སྒྲོག །སངས་རྒྱས་ཡུལ་ནི་ཕྱོགས་སུ་ཟད་པ་མེད། །དབུས་དང་མཐའ་མེད་གཞལ་མེད་མཐའ་ཡས་དབྱིངས། །ཆོས་དབྱིངས་ཀུན་ཏུ་ཆགས་མེད་བརྙེས་པ་ནི། །སངས་རྒྱས་ཞིང་རྣམས་
D44.035.0057a03.01ཀུན་ན་ཤིན་ཏུ་མཛེས། །དེའི་ཚེ་བཅོམ་ལྡན་འདས་ཀྱི་སེང་གེའི་ཁྲི་དང་། པད་མོའི་ཟེ་བའི་དྲི་ཐམས་ཅད་དང་། ནོར་བུའི་རྒྱལ་པོ་ཐམས་ཅད་ཀྱི་ངོས་དང་། འཁོར་ལོའི་ལྟེ་བ་ཐམས་ཅད་དང་། མེ་ཏོག་གི་ཟེ་བའི་དྲི་ཐམས་ཅད་དང་། སྟེགས་བུའི་ངོས་ཐམས་ཅད་དང་།
D44.035.0057a04.01རྟ་བབས་ཀྱི་སྒོ་ཐམས་ཅད་དང་། ནོར་བུའི་གཟུགས་ཀྱི་ངོས་ཐམས་ཅད་དང་། རིན་པོ་ཆེ་འོད་འཕྲོ་བའི་སྒོ་ཐམས་ཅད་དང་། འོད་ཟེར་སྒྲོན་མའི་སྒོ་ཐམས་ཅད་དང་། སེང་གེའི་ཁྲིའི་རྒྱན་གྱི་སྒོ་ཐམས་ཅད་ནས། སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་བྱང་ཆུབ་
D44.035.0057a05.01སེམས་དཔའ་མང་པོ་འཐོན་པར་གྱུར་ཏེ། འདི་ལྟར་བྱང་ཆུབ་སེམས་དཔའ་རྒྱ་མཚོའི་བློ་གྲོས་རྣམ་པར་རོལ་པའི་ཡེ་ཤེས་མངོན་པར་ཤེས་པའི་རྒྱལ་པོ་ཞེས་བྱ་བ་དང་། བྱང་ཆུབ་སེམས་དཔའ་སྒྲ་དབྱངས་ཀུན་ཏུ་སྒྲོག་པ་དང་། བྱང་ཆུབ་སེམས་དཔའ་ནོར་བུ་རིན་པོ་ཆེ་སྣ་
D44.035.0057a06.01ཚོགས་ཀྱི་འོད་ཀྱི་དཀྱིལ་འཁོར་གཙུག་ཕུད་དང་། བྱང་ཆུབ་སེམས་དཔའ་ཡེ་ཤེས་ཆེན་པོ་ཉི་མས་རབ་ཏུ་གནོན་པའི་བློ་གྲོས་དང་། བྱང་ཆུབ་སེམས་དཔའ་ཡོན་ཏན་རིན་པོ་ཆེ་བསམ་གྱིས་མི་ཁྱབ་པ་ཡེ་ཤེས་རྒྱ་མཚོའི་དཔལ་དང་། བྱང་ཆུབ་སེམས་དཔའ་མིག་
D44.035.0057a07.01