完整藏文原文 · 德格版页 当前仅加载第 35 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐལ་པ་གཅིག་ལ་ཡང་། །ཞིང་རྣམས་མང་པོ་འབྱུང་བ་སྣང་། །ཚད་མེད་གྲངས་ཀྱང་མེད་པ་སྟེ། །འཇིག་པ་དེ་བཞིན་བསམ་མི་ཁྱབ། །ཞིང་རྣམས་ལ་ལ་སངས་རྒྱས་མེད། །ཞིང་རྣམས་ལ་ལ་སངས་རྒྱས་བཅས། །ལ་ལའི་ཞིང་ན་སངས་རྒྱས་
D44.035.0144b01.01གཅིག །ལ་ལ་སངས་རྒྱས་མང་པོའོ། །སངས་རྒྱས་མེད་པའི་ཞིང་རྣམས་དང་། །འཇིག་རྟེན་གཞན་གྱི་ཁམས་སུ་ཡང་། །སངས་རྒྱས་སྤྲུལ་པ་གཤེགས་མཛད་ཅིང་། །རྣམ་པར་འཕྲུལ་པ་རབ་ཏུ་སྟོན། །འཕོ་དང་འབྱུང་དང་སྐུ་ཚེ་དང་། །བྱང་ཆུབ་
D44.035.0144b02.01མངོན་པར་འཚང་རྒྱ་དང་། །བདུད་ཀྱི་སྡེ་དག་འདུལ་བ་དང་། །ཆོས་ཀྱི་འཁོར་ལོ་བསྐོར་བ་སྟོན། །སེམས་ཅན་བསམ་པ་ཇི་བཞིན་དུ། །གཟུགས་རྣམས་སྣ་ཚོགས་ཀུན་ཀྱང་སྟོན། །ཆོས་ཀྱི་འཁོར་ལོ་རབ་བསྐོར་བ། །འཇིག་རྟེན་ཀུན་ན་ཐ་མི་དད། །སངས་
D44.035.0144b03.01རྒྱས་ཞིང་རྣམས་རེ་རེར་ཡང་། །རྒྱལ་བ་གཅིག་ནི་སྐྱེར་འགྱུར་ཏེ། །ལོ་གྲངས་བྱེ་བ་ཕྲག་སྟོང་དུ། །ཆོས་ཀྱི་དམ་པ་རབ་ཏུ་སྟོན། །སེམས་ཅན་སྣོད་དུ་མ་གྱུར་ལ། །སངས་རྒྱས་སྟོན་པ་མི་མཛད་དོ། །སངས་རྒྱས་བསམ་དང་ལྡན་པས་ནི། །དེ་ཉིད་གཅིག་ཀྱང་
D44.035.0144b04.01ཀུན་ཏུ་མཐོང་། །སངས་རྒྱས་མང་པོའི་ཞིང་གི་རྣམས། །ཞིང་རྣམས་རེ་རེ་དག་ཏུ་ཡང་། །སངས་རྒྱས་བྱེ་བ་བསམ་མི་ཁྱབ། །རྒྱལ་བ་རྣམས་ནི་རབ་ཏུ་སྐྱེ། །རྒྱལ་བ་སོ་སོ་དེ་དག་ན། །སྤྲུལ་པ་མང་པོ་རབ་འགྱེད་ཅིང་། །ཆོས་ཀྱི་དབྱིངས་ནི་ཁྱབ་མཛད་ནས། །
D44.035.0144b05.01སེམས་ཅན་རྒྱ་མཚོ་འདུལ་བ་མཛད། །ཞིང་རྣམས་ལ་ལ་འོད་མེད་དེ། །མུན་པ་འཇིགས་པ་ཤིན་ཏུ་ཆེ། །རེག་ན་སྡུག་བསྔལ་སྤུ་གྲི་འདྲ། །བལྟ་ན་མི་བཟད་སྐྱི་ཡང་གཡའ། །ཞིང་རྣམས་ལ་ལ་ལྷ་འོད་ཅན། །ལ་ལ་ཁྱིམ་གྱི་འོད་ཅན་ཏེ། །ལ་ལ་ཉི་ཟླའི་
D44.035.0144b06.01འོད་དང་ལྡན། །ཞིང་གི་དྲ་བ་བསམ་མི་ཁྱབ། །ཞིང་རྣམས་ལ་ལ་རང་གི་འོད། །ཤིང་གི་འོད་ཅན་དྲི་མ་མེད། །གང་དུ་སྡུག་བསྔལ་མི་མཐོང་བ། །དེ་དག་སེམས་ཅན་དགེ་ལས་བྱུང་། །ལ་ལ་རི་ཡི་འོད་ཅན་ཏེ། །ཞིང་རྣམས་ལ་ལ་ནོར་བུའི་འོད། །ལ་
D44.035.0144b07.01