完整藏文原文 · 德格版页 当前仅加载第 35 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
ཚངས་པའི་དབང་པོས་རིམ་གྲོར་བྱ་བ་རབ་ཏུ་འཐོབ་པ་དང་། དེ་བཞིན་གཤེགས་པའི་ཆོས་ཀྱི་དབང་པོས་རིམ་གྲོ་བྱ་བ་རབ་ཏུ་འཐོབ་པ་དང་། དེ་ལྟར་རིམ་གྲོར་བྱས་ནས་ཀྱང་། འཇིག་རྟེན་ཐམས་ཅད་ཀྱིས་ཕྱག་བྱ་བ། འཇིག་རྟེན་ཐམས་ཅད་ཀྱིས་
D44.035.0286b01.01མངོན་པར་མཆོད་པ། འཇིག་རྟེན་ཐམས་ཅད་ཀྱིས་དབང་བསྐུར་བ། དེ་བཞིན་གཤེགས་པ་ཐམས་ཅད་ཀྱིས་ཤིན་ཏུ་དགོངས་པ། བྱང་ཆུབ་སེམས་དཔའི་ཚོགས་ཀྱིས་ཤིན་ཏུ་བསྲུངས་པ། རང་གི་དགེ་བའི་རྩ་བ་དང་། སྨོན་ལམ་རབ་ཏུ་ཐོབ་པ།
D44.035.0286b02.01ཆོས་དཀར་པོ་ཆེན་པོ་ཡང་དག་པར་སྤེལ་བ་རྣམས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཆོས་ཀྱི་མཛོད་རྣམ་པར་འབྱེད་པར་འགྱུར་བ་དང་། དམ་པའི་ཆོས་ཡོངས་སུ་འཛིན་པ་རྒྱ་ཆེན་པོ་རབ་ཏུ་འབྱེད་
D44.035.0286b03.01པ་དང་། བྱང་ཆུབ་སེམས་དཔའི་རིམ་གྱིས་སྤྱོད་པ་ཡོངས་སུ་བསྒྲུབས་པ། ཤིན་ཏུ་སྟོན་པར་འགྱུར་བ་དེ་ལྟ་བུའི་གནས་དག་ཡང་དག་པར་བསྟན་པ་མཛོད་ཅིག །དེ་ནས་བྱང་ཆུབ་སེམས་དཔའ་བརྩོན་འགྲུས་བློ་གྲོས་ཀྱིས་དོན་འདི་ཉིད་བསྟན་ཏེ་བརྗོད་པའི་ཕྱིར།
D44.035.0286b04.01བྱང་ཆུབ་སེམས་དཔའ་ཆོས་ཀྱི་བློ་གྲོས་ལ་ཚིགས་སུ་བཅད་དེ་སྨྲས་པ། སྤྱོད་ལ་འཇུག་པ་མཐའ་ཡས་ཡངས་པ་དག །རང་འབྱུང་ཡེ་ཤེས་བསྒྲུབ་པ་དགེ་བ་རྣམས། །རྫོགས་པའི་བྱང་ཆུབ་སེམས་དཔའ་ཡོན་ཏན་ཅན། །གྲགས་པ་ཆེན་པོ་རྣམས་
D44.035.0286b05.01ལ་ལེགས་པར་ཤོད། །བྱང་ཆུབ་སེམས་དཔའ་གང་རྣམས་སེམས་ཐོབ་ཅིང་། །བསོད་ནམས་ལྡན་པ་ཡེ་ཤེས་ཐོབ་པ་རྣམས། །སྐྱོན་མེད་ཞུགས་པའི་འཇིག་རྟེན་རྣམས་བཟློག་ཅིང་། །ཡང་དག་སངས་རྒྱས་ཆོས་མཉམ་ཉིད་ཐོབ་རྣམས། །
D44.035.0286b06.01དེ་དག་གིས་ནི་བདེ་གཤེགས་བསྟན་པ་ལ། །བརྩོན་འགྲུས་བརྟན་པས་ཇི་ལྟར་བརྩོན་པར་བྱ། །གང་གིས་ཕྱོགས་བཅུའི་རྒྱལ་བ་མཉེས་བྱས་ཤིང་། །ཡང་དག་སངས་རྒྱས་ས་ཡང་གནན་བྱ་དང་། །སྤྱོད་པ་དག་དང་སྨོན་ལམ་ཡོངས་དག་དང་། །
D44.035.0286b07.01