完整藏文原文 · 德格版页 当前仅加载第 35 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའི་སྤྱོད་པ་བཞི་པ་དང་། རྨོངས་པ་མེད་པ་ཞེས་བྱ་བ་བྱང་ཆུབ་སེམས་དཔའི་སྤྱོད་པ་ལྔ་པ་དང་། ལྟ་བ་བཟང་པོ་ཞེས་བྱ་བ་བྱང་ཆུབ་སེམས་དཔའི་སྤྱོད་པ་དྲུག་པ་དང་། གནས་མེད་པ་ཞེས་བྱ་བ་བྱང་ཆུབ་སེམས་དཔའི་སྤྱོད་པ་བདུན་པ་དང་། ཐུབ་པར་དཀའ་བ་
D44.035.0306b01.01ཞེས་བྱ་བ་བྱང་ཆུབ་སེམས་དཔའི་སྤྱོད་པ་བརྒྱད་པ་དང་། ཆོས་བཟང་པོ་ཞེས་བྱ་བ་བྱང་ཆུབ་སེམས་དཔའི་སྤྱོད་པ་དགུ་པ་དང་། བདེན་པ་དང་ལྡན་པ་ཞེས་བྱ་བ་བྱང་ཆུབ་སེམས་དཔའི་སྤྱོད་པ་བཅུ་པ་དག་སྟེ། ཀྱེ་རྒྱལ་བའི་སྲས་དག། བཅུ་པོ་དེ་དག་ནི་བྱང་ཆུབ་
D44.035.0306b02.01སེམས་དཔའ་རྣམས་ཀྱི་སྤྱོད་པ། སངས་རྒྱས་བཅོམ་ལྡན་འདས། འདས་པ་དང་། མ་བྱོན་པ་དང་། ད་ལྟར་བྱུང་བ་རྣམས་ཀྱིས་གསུངས་པ་དང་། གསུང་བ་དང་། གསུང་བར་འགྱུར་བའོ། །ཀྱེ་རྒྱལ་བའི་སྲས་དག །དེ་ལ་བྱང་ཆུབ་སེམས་དཔའི་སྤྱོད་པ་དང་པོ་
D44.035.0306b03.01དགའ་བ་བྱེད་པ་ཞེས་བྱ་བ་གང་ཞེ་ན། ཀྱེ་རྒྱལ་བའི་སྲས་དག །འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ། སངས་རྒྱས་བཅོམ་ལྡན་འདས་རྣམས་ཀྱི་སྔོན་གྱི་སྤྱོད་པའི་རྗེས་སུ་སློབ་ཅིང་རྗེས་སུ་དྲན་པར་བྱ་བ་དང་། ཡིད་ཞུམ་པ་མེད་པ་དང་། ཡིད་
D44.035.0306b04.01དང་བས་ཀུན་ཏུ་འཕེལ་བར་བྱ་བ་དང་། ཡོངས་སུ་གཟུང་བ་དང་། ཡང་དག་པར་བསྟན་པ་དང་། རྗེས་སུ་རྒྱ་ཆེ་བར་བྱེད་ཅིང་། སྡུག་བསྔལ་བའི་སེམས་ཅན་བདེ་བར་བྱ་བའི་ཕྱིར། སེམས་ཅན་ཐམས་ཅད་ལ་བདོག་པ་ཐམས་ཅད་ཡོངས་སུ་གཏོང་བ་དང་།
D44.035.0306b05.01འགྱོད་པ་མེད་པའི་སེམས་ཀྱི་སྦྱོར་བ་དང་། རྣམ་པར་སྨྱིན་པ་ལ་ཡེ་བརྔམ་པ་མེད་པ་དང་། གྲགས་པ་འདོད་པ་མེད་པ་དང་། གཉན་འདོད་པ་མེད་པ་དང་། ཁེ་འདོད་པ་མེད་པ་དང་། གཞན་རྗེས་སུ་བསྲུང་བ་དང་། ཕ་རོལ་ལ་ཕན་གདགས་པ་དང་། སེམས་
D44.035.0306b06.01ཅན་ཐམས་ཅད་ལ་ཕན་གདགས་པའི་སེམས་ཀྱིས། སྦྱིན་པའི་བདག་པོ་སྦྱིན་པ་བྱེད་པ་ཡིན་ཏེ། ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའི་སྤྱོད་པ་དང་པོའོ། །སྤྱོད་པ་དེ་ལ་གནས་པའི་བྱང་ཆུབ་སེམས་དཔའ་ནི། སྐྱེ་བོ་མང་པོའི་ཡིད་དུ་འོང་བ་ཡིན་ཏེ་
D44.035.0306b07.01