完整藏文原文 · 德格版页 当前仅加载第 35 函德格 358a 版页；藏文 NFD、目录标记与异常页序保留在来源切片中，重复版页行以稳定序号区分。
དཀོན་པར་དོགས་པའི་སེམས་ཀྱིས་ལྷ་རྫས་ཀྱི་ན་བཟའ་ཁ་དོག་སྣ་ཚོགས་པའི་སྤྲིན་དང་། ན་བཟའ་མཚུངས་པ་མེད་པའི་སྤྲིན་གྱི་ཆར་འབབ་པའི་རྒྱན་གྱིས་བར་སྣང་བརྒྱན་པར་བྱས་སོ། །སངས་རྒྱས་ལ་མོས་པ་མཐའ་
D44.035.0358a01.01ཡས་པའི་སེམས་ཀྱིས་ལྷ་རྫས་ཀྱི་ཅོད་པན་གྲངས་མེད་པའི་སྤྲིན་ལས་ཅོད་པན་གྱི་ཆར་ཆེན་པོ་འཁོར་ཞིང་འབབ་པའི་རྒྱན་གྱིས་བར་སྣང་བརྒྱན་པར་བྱས་སོ། སངས་རྒྱས་ཡིད་ལ་བདེ་བ་སྐྱེས་པའི་སེམས་ཀྱིས་ལྷ་རྫས་ཀྱི་རིན་པོ་ཆེ་ཁ་དོག་སྣ་ཚོགས་
D44.035.0358a02.01གྲངས་མེད་པའི་སྤྲིན་ལས་ཕྲེང་བ་སྣ་ཚོགས་ཀྱི་ཆར་རྒྱུན་མི་འཆད་པར་འབབ་པའི་རྒྱན་གྱིས་བར་སྣང་བརྒྱན་པར་བྱས་སོ། །ལྷའི་བུ་བྱེ་བ་བརྒྱ་སྟོང་གྲངས་མེད་པ་ཡང་ལྷ་རྫས་ཀྱི་མེ་ཏོག་ཁ་དོག་ཐ་དད་པ་གྲངས་མེད་པ་ལག་ན་ཐོགས་ཏེ། མེ་ཏོག་ཟད་མི་ཤེས་པའི་
D44.035.0358a03.01མཛོད་རབ་ཏུ་བཀྱེ་ནས། བཅོམ་ལྡན་འདས་ལ་མངོན་པར་གཏོར་ཏོ། །མོས་པའི་སྤོས་ཞིམ་པོ་རྙེད་ཅིང་སངས་རྒྱས་ལ་དད་པར་གནས་པས་ལྷ་རྫས་ཀྱི་སྤོས་དང་། བདུག་པ་ཁ་དོག་སྣ་ཚོགས་གྲངས་མེད་པ་ལག་ན་ཐོགས་ཏེ་བཅོམ་ལྡན་འདས་ལ་
D44.035.0358a04.01ཕུལ་ལོ། །རྒྱན་ཆེན་པོ་སྤྲུལ་པའི་སེམས་ཀྱིས་ལྷ་རྫས་ཀྱི་ཙན་དན་གྱི་ཕྱེ་མ་ཁ་དོག་སྣ་ཚོགས་གྲངས་མེད་པ་ལག་ན་ཐོགས་ཏེ། བཅོམ་ལྡན་འདས་ལ་མངོན་པར་གཏོར་ཏོ། །དགའ་བའི་སེམས་ཀྱིས་བཅོམ་ལྡན་འདས་ཀྱི་ཞམ་རིང་དུ་འབྲང་
D44.035.0358a05.01ཞིང་རིན་པོ་ཆེའི་གདུགས་ཁ་དོག་སྣ་ཚོགས་གྲངས་མེད་པ་ལག་ན་ཐོགས་ཏེ། བཅོམ་ལྡན་འདས་ལ་མངོན་པར་འགེབས་སོ། །སངས་རྒྱས་མཐའ་ཡས་པ་ལ་མོས་པའི་སེམས་རྣམ་པར་འཕེལ་བས། གོས་རིན་པོ་ཆེ་ཁ་དོག་སྣ་ཚོགས་གྲངས་
D44.035.0358a06.01མེད་པ་ལག་ན་ཐོགས་ཏེ། བཅོམ་ལྡན་འདས་གཤེགས་པའི་ལམ་གོས་ཀྱིས་ཡོག་པར་བྱས་སོ། །དེ་བཞིན་གཤེགས་པ་ལ་རིམ་གྲོ་བྱ་བར་མོས་པའི་སེམས་ཀྱིས་ལྷ་རྫས་ཀྱི་རྒྱལ་མཚན་རིན་པོ་ཆེ་སྣ་ཚོགས་ཀྱི་ཁ་དོག་ཅན་ལག་ན་ཐོགས་ཤིང་། བཅོམ་
D44.035.0358a07.01