完整藏文原文 · 德格版页 当前仅加载第 35 函德格 378a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་གསུངས་སོ། །གསུང་ངོ་། །གསུང་བར་འགྱུར་རོ། །ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་རྣམས་ཀྱི་ཡོངས་སུ་བསྔོ་བ་དང་པོ་སེམས་ཅན་རྣམས་ཀྱི་
D44.035.0378a01.01འདུ་ཤེས་འགོག་ཅིང་འགྲོ་བ་ཐམས་ཅད་ཡོངས་སུ་སྐྱོབ་པ་ཞེས་བྱ་བ་གང་ཞེ་ན། ཀྱེ་རྒྱལ་བའི་སྲས་དག་འདི་ལ། བྱང་ཆུབ་སེམས་དཔའ་སྦྱིན་པའི་ཕ་རོལ་དུ་ཕྱིན་པ་ལ་རབ་ཏུ་སྦྱོར་བའམ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་རྣམ་པར་སྦྱོང་བའམ། བཟོད་པའི་ཕ་རོལ་ཏུ་ཕྱིན་
D44.035.0378a02.01པ་ལ་སེམས་པའམ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་རྩོམ་པའམ། བསམ་གཏན་གྱི་ཕ་རོལ་ཏུ་ཕྱིན་པ་ལ་རྣམ་པར་དཔྱོད་པའམ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་འཇུག་པའམ། བྱམས་པ་བསྒོམ་པ་ཡང་དག་པར་སྐྱེད་པའམ། སྙིང་རྗེས་སྙིང་
D44.035.0378a03.01བརྩེ་བར་བྱེད་པའམ། དགའ་བ་ལ་རབ་ཏུ་དགའ་བར་བྱེད་པའམ། བཏང་སྙོམས་ལ་ཤིན་ཏུ་གནས་པ་བྱེད་ཀྱང་རུང་སྟེ། དགེ་བའི་རྩ་བ་རྣམས་ལ་ཤིན་ཏུ་བསམས་ནས། དགེ་བའི་རྩ་བ་དེ་དང་དེ་དག་ལ་རབ་ཏུ་སྦྱོར་ཞིང་། དགེ་བའི་རྩ་བ་ཚད་{མྱེད་,མེད་}པ་རྣམ་པར་ཕྱེ་ནས།
D44.035.0378a04.01འདི་ལྟར་དགེ་བའི་རྩ་བ་གང་གིས་སེམས་ཅན་རྣམས་ཀྱི་སེམས་ཅན་དམྱལ་བའི་ངན་སོང་རྒྱུན་ཆད་པར་འགྱུར་བ་དང་། བྱོལ་སོང་གི་སྐྱེ་གནས་པ་དང་། གཤིན་རྗེའི་འཇིག་རྟེན་པ་རྣམས་ཀྱི་སྡུག་བསྔལ་གྱི་ཕུང་པོ་རྣམ་པར་ལྡོག་པར་འགྱུར་བའི་དགེ་བའི་རྩ་བ་འགྲོ་བ་ཐམས་ཅད་
D44.035.0378a05.01ལ་རྣམ་པར་དག་པའི་མཐར་ཕྱིན་པར་ཕན་འདོགས་པ་གང་ཡིན་ཞེས་སེམས་སྐྱེད་དོ། །དེ་དེ་ལྟར་དགེ་བའི་རྩ་བ་དེ་དག་ཡང་དག་པར་བསྐྱེད་པ་ན། འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་སྡུག་བསྔལ་གྱི་ཕུང་པོ་ཐམས་ཅད་རྣམ་པར་བཟློག་པའི་ཕྱིར་
D44.035.0378a06.01བདག་སེམས་ཅན་ཐམས་ཅད་ཀྱི་གནས་སུ་གྱུར་ཅིག །ཉོན་མོངས་པ་ཐམས་ཅད་ལས་ཡོངས་སུ་དགྲོལ་བའི་ཕྱིར་བདག་སེམས་ཅན་ཐམས་ཅད་ཀྱི་དཔུང་གཉེན་དུ་གྱུར་ཅིག །འཇིགས་པ་ཀུན་ལས་བསྲུང་བའི་ཕྱིར་བདག་སེམས་ཅན་ཐམས་ཅད་ཀྱི་སྐྱབས་སུ་
D44.035.0378a07.01