完整藏文原文 · 德格版页 当前仅加载第 35 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེང་ན་ལྷའི་གྲོང་ཁྱེར་རིན་པོ་ཆེ་ཞི་བའི་གནས་ཤེས་བྱ་བར་ཕྱིན་ཏེ། དེར་བསོད་ནམས་དྲི་མ་མེད་པའི་དཔལ་ཞེས་བྱ་བ་ལྷའི་རྒྱལ་པོ་ཆེན་པོར་གྱུར་ཏོ། །དེ་ནས་དེ་ལྷའི་འཁོར་གྱི་ཚོགས་ཆེན་པོ་དང་བཅས་ཏེ། རིན་པོ་ཆེའི་མེ་ཏོག་གི་སྤྲིན་གྱི་ཆར་འབེབས་ཤིང་། བཅོམ་ལྡན་
D44.035.0156b01.01འདས་དེ་བཞིན་གཤེགས་པ་གྲགས་པ་རྣམ་པར་གྲགས་པའི་སྤྱན་པདྨོའི་དཔལ་གང་ན་བཞུགས་པ་དེར་དོང་ངོ་། །དེར་བཅོམ་ལྡན་འདས་དེ་བཞིན་གཤེགས་པ་གྲགས་པ་རྣམ་པར་གྲགས་པའི་སྤྱན་པདྨོའི་དཔལ་གྱིས་ཚུལ་ཡངས་པའི་སྒོ་ཀུན་ཏུ་རྣམ་པར་སྣང་བ་ཞེས་བྱ་བའི་མདོ། །འཇིག་
D44.035.0156b02.01རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་མདོའི་འཁོར་དང་བཅས་པ་ཡང་དག་པར་སྟོན་ཏོ། །དེས་དེ་དག་ཐོས་ནས་དགའ་བའི་སྙིང་པོ་ཀུན་ནས་སྒོ་ཞེས་བྱ་བའི་ཏིང་ངེ་འཛིན་རབ་ཏུ་ཐོབ་པོ། །ཆོས་ཐམས་ཅད་ཀྱི་ཚུལ་རྒྱ་མཚོའི་དབྱིངས་སུ་ཡང་ཞུགས་པར་གྱུར་ཏོ། །
D44.035.0156b03.01རྣམ་པར་སྣང་མཛད་ཀྱི་ལེའུ་ཞེས་བྱ་བ་སྟེ། བཅུ་པའོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་བཅུ་གསུམ་པ། །བཅོམ་ལྡན་འདས་འཇིག་རྟེན་གྱི་ཁམས་རྒྱ་མཚོ་ནི། དེ་བཞིན་གཤེགས་པ་ཡེ་ཤེས་
D44.035.0156b04.01གང་ཆེན་མཚོ་རྣམ་པར་སྣང་མཛད་ཀྱི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ། སངས་རྒྱས་ཀྱི་སྐུའི་དབྱིབས་ལྟར་འདུག་པ། འཇིག་རྟེན་གྱི་ཁམས་རི་རབ་ནི་ཀུན་ཏུ་བཟང་པོ་ཚངས་པའི་ལྷའི་ལུས་ཀྱི་དབྱིབས་ལྟར་འདུག་པ། སྟོང་གསུམ་གྱི་སྟོང་ཆེན་པོའི་འཇིག་
D44.035.0156b05.01རྟེན་གྱི་ཁམས་ནི་ཡོངས་སུ་འཛིན་པ། གཞན་འཕྲུལ་དབང་བྱེད་ཀྱི་ལྷའི་ལུས་ཀྱི་དབྱིབས་ལྟར་འདུག་པ། སྟོང་གཉིས་ཀྱི་འཇིག་རྟེན་གྱི་ཁམས་ཀྱི་ལྷན་ཅིག་སྤྱོད་པ། འཕྲུལ་དགའི་ལྷའི་ལུས་ཀྱི་དབྱིབས་ལྟར་འདུག་པ། སྟོང་གི་འཇིག་རྟེན་གྱི་ཁམས་ནི་ཀུན་ཏུ་སྤྱོད་པ། དགའ་ལྡན་
D44.035.0156b06.01གྱི་ལྷའི་ལུས་ཀྱི་དབྱིབས་ལྟར་འདུག་པ། གླིང་བཞི་པའི་འཇིག་རྟེན་གྱི་ཁམས་ནི་གནས་ཀྱི་དམ་པ། མཚེ་མའི་ལྷའི་ལུས་ཀྱི་དབྱིབས་ལྟར་འདུག་པ། གླིང་ནི་བྱང་ཆུབ་ཀྱི་རྒྱལ་མཚན་སུམ་ཅུ་རྩ་གསུམ་གྱི་ལྷའི་ལུས་ཀྱི་དབྱིབས་ལྟར་འདུག་པ། གྲོང་རྡལ་ནི་
D44.035.0156b07.01