完整藏文原文 · 德格版页 当前仅加载第 35 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་འཁོར་དུ་དགོས་པ་མྱོང་བར་བྱ་བ་ལ་སེམས་རབ་ཏུ་དང་བ་ཞེས་བྱའོ། །དེ་ནས་ལྷའི་རྒྱལ་པོ་རབ་མཚེ་མས་སངས་རྒྱས་ཀྱི་མཐུས་རབ་མཚེ་མའི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བསྐལ་པ་རྒྱ་མཚོ་
D44.035.0021b01.01ཡངས་པ་རྒྱ་ཆེན་དུ། །འགྲོ་བའི་ཉོན་མོངས་རྒྱ་མཚོ་ཡོངས་སྦྱངས་པའི། །དྲི་མེད་ལམ་ནི་ཡེ་ཤེས་དཀྱིལ་འཁོར་རྣམས། །ཡང་དག་བརྙེས་པའི་སྒྲོན་མས་རབ་ཏུ་བསྟན། །རྒྱལ་བའི་སྐུ་ནི་མཐའ་ཡས་རྒྱ་ཆེ་སྟེ། །ཕྱོགས་བཅུར་མུ་མཐའ་རྙེད་པར་ཡོངས་མི་རུང་། །
D44.035.0021b02.01ཚུལ་རྣམས་ཀུན་གྱིས་སངས་རྒྱས་ཚད་མེད་དེ། །དེ་ལ་དགའ་བ་བདེ་བའི་འོད་འཇུག་གོ །ནད་དང་རྒ་བ་འཆི་བ་མྱ་ངན་གྱིས། །འཇིག་རྟེན་གཙེས་ཤིང་རབ་ཏུ་གདུང་བ་རྣམས། །དེ་དག་ཀུན་ལ་ཐུགས་རྗེའི་དཀྱིལ་འཁོར་ཅན། །སངས་རྒྱས་བློ་གྲོས་ཟད་པ་མེད་པས་
D44.035.0021b03.01མཐོང་། །ཡེ་ཤེས་སྒྱུ་མ་སངས་རྒྱས་ཐུགས་སུ་ཆུད། །དུས་གསུམ་ཀུན་ལ་ཆགས་པ་མི་མངའ་སྟེ། །འགྲོ་བ་ཐམས་ཅད་སྤྱོད་པ་རབ་ཏུ་མཁྱེན། །འདི་ནི་འཕྲུལ་པ་དགེ་བའི་སྤྱོད་ཡུལ་ལོ། །སངས་རྒྱས་དབུས་དང་མཐའ་མེད་གཟུགས་རྣམས་དང་། །
D44.035.0021b04.01ཐ་དད་ཡང་དག་ཤེས་པ་རྒྱ་མཚོ་གསུང་། །ཆོས་ཀྱི་འཁོར་ལོ་ཡང་དག་རབ་ཏུ་བསྐོར། །འདི་ནི་ས་ཡི་རི་འོད་རྣམ་ཐར་ཏོ། །སངས་རྒྱས་ཆོས་ཀྱི་རང་བཞིན་རྒྱ་ཆེན་སྟོན། །ཆོས་རྣམས་ཐུགས་སུ་ཆུད་པས་རྣམ་པར་དག །ཐམས་ཅད་ཆོས་ཀྱི་ཡུལ་ནི་བསམ་
D44.035.0021b05.01ཡས་ཏེ། །བློ་གྲོས་བསམ་ཡས་ཚུལ་ལས་འདི་ཡིན་ནོ། །སེམས་ཅན་ཐམས་ཅད་སྡུག་བསྔལ་ཞི་བྱེད་པའི། །བསམ་གྱིས་མི་ཁྱབ་ཚུལ་གྱི་འཁོར་ལོ་བསྐོར། །བྱང་ཆུབ་སྤྱོད་པ་རྒྱ་ཆེན་རྣམས་ཀྱང་སྟོན། །འཁོར་ལོ་ལྟ་བ་འདི་ཡི་ས་ལ་འཇུག །རྒྱལ་
D44.035.0021b06.01བའི་སྐུ་ནི་སེམས་ཅན་གྲངས་བཞིན་དུ། །སྤྲུལ་པས་འཇིག་རྟེན་ཡོངས་སུ་ཁྱབ་མཛད་དེ། །འགྲོ་བ་ཀུན་ལ་མངོན་པར་ཀུན་ན་གནས། །གཟི་བརྗིད་འོད་འཕྲོའི་སྤྱོད་ཡུལ་འདི་ཡིན་ནོ། །སངས་རྒྱས་མཐོང་བ་ཙམ་གྱིས་འགྲོ་བ་ཡི། །ལས་ཀྱི་སྒྲིབ་པ་ཐམས་ཅད་
D44.035.0021b07.01