完整藏文原文 · 德格版页 当前仅加载第 35 函德格 322b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་སྤྱོད་པ་དགུ་པ་ཆོས་བཟང་པོ་ཞེས་བྱ་བ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་ལྷ་དང་འཇིག་རྟེན་དུ་བཅས་པ། བདུད་དང་བཅས་པ། ཚངས་པར་བཅས་པ།
D44.035.0322b01.01དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང་། ལྷ་དང་དྲི་ཟ་དང་། མི་དང་ལྷ་མ་ཡིན་དུ་བཅས་པ་ན། ཆོས་ཀྱི་མུ་སྟེགས་བཟང་པོར་གྱུར་པ་ཡིན་ཏེ། དེ་སངས་རྒྱས་ཀྱི་རིགས་མི་གཅད་པའི་ཕྱིར། དམ་པའི་ཆོས་ཡོངས་སུ་འཛིན་པར་བྱེད་པ་ཡིན།
D44.035.0322b02.01གཟུངས་ཀྱི་སྣང་བ་རྣམ་པར་དག་པ་ཐོབ་པས། གཏམ་བྱ་བ་དང་། ལུང་བསྟན་པ་ལ་སྤོབས་པ་ཡིན། ཆོས་དང་ལྡན་པའི་གཟུངས་ཐོབ་པས་དོན་ལ་སྤོབས་པ་ཡིན། ཆོས་ཇི་ལྟ་བ་བཞིན་གྱི་གཟུངས་ཆོས་ཡང་དག་པར་བསྐུལ་བ་ཐོབ་པས།
D44.035.0322b03.01ཆོས་ལ་སྤོབས་པ་ཡིན། ཚིག་དང་སྨྲ་བ་ཐམས་ཅད་ཀྱི་གཟུངས་རབ་ཏུ་ཐོབ་པས་ངེས་པའི་ཚིག་ལ་སྤོབས་པ་ཡིན། ཚིག་དང་ཡི་གེའི་དོན་ཀུན་ཏུ་མཐའ་ཡས་ཤིང་ཟད་མི་ཤེས་པ་ལ་ཐོགས་པ་མེད་པའི་སྒོའི་གཟུངས་ཐོབ་པས་སྤོབས་པ་ཐོགས་པ་
D44.035.0322b04.01མེད་པ་ཡིན། སངས་རྒྱས་དབང་བསྐུར་བའི་གཟུངས་ཀྱི་དབང་བསྐུར་བས་མངོན་པར་དགའ་བར་བྱེད་པའི་སྤོབས་པ་དང་ལྡན་པ་ཡིན། གཞན་གྱི་དྲིང་ལ་མི་འཇོག་པའི་གཟུངས་ཀྱི་སྒོ་ཐོབ་པས་སྣང་བ་ཐོབ་པའི་སྤོབས་པ་དང་ལྡན་པ་ཡིན།
D44.035.0322b05.01སྤོབས་པ་ཐུན་མོང་བའི་ཚུལ་ལ་ཞུགས་པས་ཐུན་མོང་གི་སྤོབས་པ་དང་ལྡན་པ་ཡིན་ཏེ། དོན་མང་པོ་དང་ཚིག་མང་པོ་དང་། ཡི་གེ་མང་པོ་དེ་དང་། དེ་དག་ལ་ངེས་པའི་ཚིག་གི་གཟུངས་ཀྱི་སྒོར་ཚུད་པས་ངེས་པའི་སྤོབས་པ་དང་ལྡན་པ་ཡིན།
D44.035.0322b06.01རྒྱུད་མཐའ་ཡས་པའི་གཟུངས་ཐོབ་པས་མཐའ་ཡས་པའི་སྤོབས་པ་དང་ལྡན་པ་ཡིན་ཏེ། དེས་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་དོན་དུ་བདག་གིས་ལུས་གསེར་གྱི་མདོག་དུ་མངོན་པར་སྤྲུལ་ནས། ཆོས་འབྱམ་
D44.035.0322b07.01