完整藏文原文 · 德格版页 当前仅加载第 35 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་ཀྱི་རིས་སུ་གཏོགས་པའི་ལྷ་སྣང་བའི་ཕྲེང་བ་འཛིན་པའི་དཔལ་གྱི་རྣམ་པར་ཐར་པ་ནི། སེམས་ཅན་ཐམས་ཅད་གསལ་བ་དང་འདྲེས་པའི་མདངས་ཀྱིས་དགའ་བ་ཞེས་བྱའོ། །ལུས་ཀྱི་རིས་སུ་གཏོགས་པའི་ལྷ་སྤོས་དྲི་མ་མེད་པའི་སྤྲིན་
D44.035.0052a01.01ལས་ཆར་འབབས་པའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ཉོན་མོངས་པའི་དྲི་མ་མངོན་པར་སེལ་བའི་སྦྱོར་བ་ཞེས་བྱའོ། །ལུས་ཀྱི་རིས་སུ་གཏོགས་པའི་ལྷ་སྲུང་འཛིན་ཡོངས་སུ་སྡུད་པའི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་བདུད་
D44.035.0052a02.01ཀྱི་ལས་དང་རྨོངས་པ་རྣམ་པར་ཟློག་པ་ཞེས་བྱའོ། །ལུས་ཀྱི་རིས་སུ་གཏོགས་པའི་ལྷ་སྒོ་ཀུན་ནས་ཡོངས་སུ་གནོན་པ་ལ་མངོན་དུ་གྱུར་པའི་མིག་གི་རྣམ་པར་ཐར་པ་ནི། འཇིག་རྟེན་གྱི་དབང་པོ་ཐམས་ཅད་ཀྱི་གནས་སུ་རྒྱལ་བ་རྣམ་པར་དམིགས་པར་མངོན་དུ་
D44.035.0052a03.01སྟོན་པའི་རྒྱན་ཅེས་བྱའོ། །ལུས་ཀྱི་རིས་སུ་གཏོགས་པའི་ལྷ་ཁྲེལ་དང་དཔལ་མི་གཡོ་བའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་དགེ་བའི་ཤུགས་ཐམས་ཅད་ཡང་དག་པར་འཛིན་ཅིང་། ཡང་དག་པར་སྦྱོང་བ་ཞེས་བྱའོ། །དེ་ནས་ལུས་
D44.035.0052a04.01ཀྱི་རིས་སུ་གཏོགས་པའི་ལྷ་ཁྲེལ་དང་དགེ་བས་རྒྱས་པའི་འོད་ཀྱིས་སངས་རྒྱས་ཀྱི་མཐུས། ལུས་ཀྱི་རིས་སུ་གཏོགས་པའི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རི་རབ་རྡུལ་
D44.035.0052a05.01ཕྲན་ཤིན་ཏུ་ཕྲ་སྙེད་ཀྱི། །བསྐལ་པ་དེ་དག་ཕ་སྔའི་བསྐལ་པ་ནི། །རྡུལ་ཅེས་བྱ་བར་འོད་མཛེས་འོད་ཟེར་རྒྱལ། །མཆོད་དེ་སྨོན་ལམ་བཏབ་པ་བདག་གིས་དྲན། །སངས་རྒྱས་སྐུ་ལས་འོད་འཕྲོ་རབ་བཀྱེ་བ། །དེའི་འོད་ཟེར་ཆོས་ཀྱི་དབྱིངས་སུ་རྒྱུ། །རྒྱལ་
D44.035.0052a06.01བའི་འོད་ཟེར་དྲ་བ་སེམས་ཅན་འདུལ། །འོད་འཕྲོ་འོད་ཟེར་ལྷ་ཡིས་དེ་མཐོང་ངོ་། །དབྱངས་ཀྱི་ཡན་ལག་ཡོན་ཏན་ཀུན་རྒྱས་པའི། །སངས་རྒྱས་གསུང་ནི་ཞིང་རྣམས་ཀུན་ཏུ་སྒྲོགས། །འགྲོ་བ་མ་ལུས་ཐམས་ཅད་ཡང་དག་བསྐུལ། །དབྱངས་ཀྱིས་འདུལ་
D44.035.0052a07.01